ဖျော်ပဲသောက်သောက်၊ ဒီအတိုင်းပဲစားစား စားလို့ကောင်းပြီး အရသာရှိတဲ့ရှောက်ချိုသီးလေးက ခွာရတာ နည်းနည်းအလုပ်ရှုပ်ပေးမယ့် အခုလို ကျန်းမာရေးအကျိုးကျေးဇူးလေးတွေရစေနိုင်ပါတယ်။
ရှောက်ချိုသီးက သံပရာမျိုးရင်းအပင်တစ်မျိုးဖြစ်ပြီး အစာခြေစနစ်ကျန်းမာစေဖို့ အကောင်းဆုံးထောက်ပံ့ပေးနိုင်ပါတယ်။ အစာခြေရည်ထွက်လာအောင် လှုံ့ဆော်ပေးနိုင်ပြီး အူနံရံတွေကို အာဟာရတွေစုပ်ယူမှုကောင်းအောင် ထောက်ပံ့ပေးသလို အစာခြေစနစ်တလျှောက်မှာရှိတဲ့ အဆိပ်အတောက်တွေကို အထိရောက်ဆုံး ဖယ်ရှားပေးပါတယ်။ ဝမ်းပျက်ဝမ်းလျှောဖြစ်နေချိန်၊ ဗိုက်ရစ်နာတာ၊ မအီမလည်ဖြစ်နေတာတွေကို သက်သာစေဖို့အတွက်လည်း ရှောက်ချိုသီးကို စားပေးလို့ရပါတယ်။
ဗီတာမင် C ချို့တဲ့မှုမဖြစ်အောင် ကာကွယ်ပေးတယ်
ဗီတာမင် C ချို့တဲ့လာတဲ့အခါ အအေးမိတာ၊ တုပ်ကွေးဖြစ်တာနဲ့ သွားဖုံးတွေ ရောင်ရမ်းတာမျိုးဖြစ်စေနိုင်သလို ခံတွင်းနဲ့ လျှာထဲမှာ အနာတွေဖြစ်တာမျိုး ဖြစ်လာစေနိုင်ပါတယ်။ ဒီပြဿနာတွေကင်းစေဖို့နဲ့ သက်သာဖို့အတွက်ဆိုရင် ရှောက်ချိုသီးဖျော်ရည် သောက်ပေးလို့ရပါတယ်။
ရှောက်ချိုသီးမှာ ကင်ဆာကို တိုက်ဖျက်ပေးနိုင်ပြီး ဓာတ်တိုးဆန့်ကျင်အာနိသင်တွေ ကြွယ်ဝသလို ဘက်တီးရီးယားတွေကို တိုက်ဖျက်လို့ အဆိပ်အတောက်တွေကိုဖယ်ရှားပေးနိုင်တဲ့ flavonoids limonin glucoside ပါဝင်နေပါတယ်။ ဒီလိုကြွယ်ဝမှုကြောင့်ပဲ ခန္ဓာကိုယ်ကို ကူးစက်ရောဂါတွေ၊ ခံတွင်းအနာတွေမဖြစ်အောင်ကာကွယ်ပေးသလို သွေးစီးဆင်းမှုကောင်းပြီး ကိုယ်ခံအားကိုလည်း အကောင်းဆုံးအနေအထားဖြစ်အောင် တည်ဆောက်ပေးထားပါတယ်။
ဆံသားကျန်းမာစေတယ်
ဗောက်ပြဿနာ၊ ဆံသားခြောက်တာတို့လိုမျိုး ဦးရေပြားနဲ့ ဆံသားပြဿနာတွေ ကင်းစေဖို့ဆိုရင် ဆံသားအတွက်လိုအပ်တဲ့ ဗီတာမင်တွေ ကြွယ်ဝစွာ ပါဝင်နေတဲ့ ရှောက်ချိုသီးကို စားပေးပါ။ ဆံပင်အဖျားနှစ်ခွဖြစ်တာကိုလည်း ထိထိရောက်ရောက်သက်သာစေနိုင်မှာပါ။
အသားအရေ ကျန်းမာစေနိုင်တယ်
အသားအရေခြောက်နေတာ၊ အသားအရောင်မညီတာ၊ အသားကြမ်းတာတွေ သက်သာစေဖို့ဆိုရင် အရေပြားကျန်းမာရေးအတွက် အကောင်းဆုံးအားဖြည့်ပေးနိုင်တဲ့ အာဟာရတွေ ကြွယ်ဝစွာပါဝင်နေတဲ့ ရှောက်ချိုသီးကို စားပေးလို့ရပါတယ်။ အနာကျက်မြန်စေဖို့လည်း အကောင်းဆုံးထောက်ပံ့ပေးနိုင်မှာပါ။ အသားအရေကို အကောင်းဆုံးအစိုဓာတ်ဖြည့်ပေးနိုင်တဲ့ အာနိသင်လည်းရှိပါတယ်။ ဝက်ခြံနဲ့ အမျိုးမျိုးသော အရေပြားပြဿနာတွေကိုလည်း သက်သာစေနိုင်ပါတယ်။
ရေဓာတ်ဖြည့်ပေးနိုင်တယ်
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။