ဒီနေ့မှာတော့ အာလူး နဲ့ပတ်သက်တဲ့ အထင်အမြင်လွဲမှားမှုတွေနဲ့ ကျန်းမာရေးအတွက် ဘယ်လိုအကျိုးကျေးဇူးတွေ ရနိုင်ကြောင်း ပြောပြပေးချင်ပါတယ်။ လူအများ ယူဆထားတာက ကိုယ်အလေးချိန်ထိန်းသိမ်းတဲ့စားသုံးမှုအတွက် အာလူးကို လျော့စားရမယ်လို့ပဲ မှတ်ထားကြပါတယ်။ ဒါက အလုံးစုံမှန်တာတော့ မဟုတ်ပါဘူး။
အာလူးကို ကျန်းမာရေးနဲ့အညီ စားသောက်ခြင်း
ဒါပေမယ့် အာလူးကိုစနစ်တကျစားမယ်ဆိုရင် ဝိတ်ကျစေနိုင်တယ်ဆိုတာကို သိပ္ပံနည်းကျ လေ့လာတွေ့ရှိထားတာပါ။
အာလူးက ကိုယ်အလေးချိန် ထိန်းသိမ်းတဲ့ စားသုံးမှုပုံစံအတွက် ဘယ်လို အထောက်အကူဖြစ်စေနိုင်တာလဲ။
အာလူးမှာ ပါဝင်တဲ့ ကယ်လိုရီ ၁၁၀ က များပြားလှတဲ့ ပမာဏမဟုတ်တာကြောင့် အစားအစာကနေရရှိတဲ့ ကယ်လိုရီနဲ့ ကိုယ်လက်လှုပ်ရှားမှုအတွက် သုံးစွဲရတဲ့ ကယ်လိုရီဟန်ချက်ကို ညီမျှစေပါတယ်။
ကယ်လိုရီဟန်ချက်ညီမှုဆိုတာ အစားအစာတစ်ခုမဟုတ်ဘဲ ကိုယ်အလေးချိန်ထိန်းသိမ်းဖို့အတွက် အဓိကသော့ချက်တစ်ခုဖြစ်ပါတယ်။
ကိုယ်အလေးချိန် ထိန်းသိမ်းတဲ့ စားသုံးမှုပုံစံအတွက် နည်းလမ်းတွေ အများစုက ဈေးကြီးသလို ရေရှည်အကြာကြီး လုပ်နိုင်ဖို့အတွက်ကလည်း ခက်ခဲပါတယ်။ အကယ်၍ကိုယ်က လွယ်လွယ်ကူကူနဲ့ ဈေးသင့်တော်ပြီး ကျန်းမာရေးနဲ့ညီညွတ်တဲ့ ဝိတ်ချနည်းအတွက်ဆိုရင် အာလူးကိုထည့်သွင်းစားသုံးသင့်ပါတယ်။
အာလူးက လုံလောက်တဲ့အာဟာရကို အပြည့်အဝပေးနိုင်လား။
တချို့သော စားသုံးပုံစံတွေက ကန့်သတ်မှုများတာကြောင့် အာဟာရချို့တဲ့တာတွေ ဖြစ်လာနိုင်ပါတယ်။ သင့်ကိုယ်အလေးချိန် ထိန်းသိမ်းမှုအတွက် အာလူးကို ထည့်သွင်းစားသုံးခြင်းဖြင့် နေ့စဥ် ကိုယ်ခန္ဓာအတွက် လိုအပ်တဲ့ အာဟာရတွေကို ရရှိနိုင်ပါတယ်။
အာလူးက ပရိုတင်းနှင့် ကာဗိုဟိုက်ဒရိတ်တို့ ပါဝင်တဲ့ အာဟာရဓာတ် သိပ်သည်းတဲ့ ဟင်းသီးဟင်းရွက် ဖြစ်ပါတယ်။ ဗီတာမင်နဲ့ သတ္တုဓာတ် အနေနဲ့ဆိုရင်လည်း ဗီတာမင်စီ နဲ့ ဗီတာမင် B6 ကြွယ်ဝစွာ ပါဝင်ပါတယ်။ အာလူး 148gram မှာ ပိုတက်စီယမ် 620mg ပါဝင်ပြီး အနေတော် ငှက်ပျောသီးတစ်လုံးမှာပါဝင်တဲ့ ပိုတက်စီယမ် 442mg ထက်ပိုများပါတယ်။ အာလူးမှာ အမျှင်ဓာတ် 2 grams ပါဝင်ပြီး အဆာခံဖို့အတွက်လည်း ကူညီပေးပါတယ်။
အာလူးမှာ ကိုယ်ခံအားစနစ်အတွက် ကောင်းမွန်စေတဲ့ ဗီတာမင်စီဓာတ် ကြွယ်ဝစွာ ပါဝင်ပါတယ်။ အာလူးတွေက အဆီ၊ ဆိုဒီယမ်နဲ့ ကိုလက်စထရောဓာတ် ကင်းလွတ်တဲ့ အစားအစာလည်း ဖြစ်ပါတယ်။
အာလူးစားခြင်းက ကိုယ်အလေးချိန် မတက်စေသော်လည်း အာလူးကိုချက်ပြုတ်စားသုံးမှု ပုံစံကြောင့် ကိုယ်အလေးချိန် တက်နိုင်ပါတယ်။ အာလူးကို ဖုတ်ပြီးစားခြင်း၊ ပြုတ်စားခြင်းနဲ့ ထောင်းစားခြင်းတို့က ကျန်းမာရေးနဲ့ ညီညွတ်ပြီး အာဟာရပြည့်ဝတဲ့ အကောင်းဆုံးသော ကိုယ်အလေးချိန် ထိန်းသိမ်းရန် စားသုံးနည်းဖြစ်ပါတယ်။ ဆားကို လုံးဝ ရှောင်နိုင်တယ် ဆိုရင် အကောင်းဆုံး ပေမယ့် ကိုယ်စားတဲ့ အာလူးပေါ်မှာ ဆားအနည်းငယ် ထည့်မယ် ဆိုရင်လည်း အဆင်ပြေပါတယ်။
အာလူးကို ကျန်းမာရေးနဲ့အညီ စားသုံးတာက ကိုယ်အလေးချိန် ကျစေဖို့ ထောက်ကူပေးသလို ခန္ဓာကိုယ်အတွက် လိုအပ်တဲ့ အာဟာရတွေကို ဖြည့်ပေးနိုင်ပါတယ်။
ကိုယ်အလေးချိန် ထိန်းချင်တာ ဆိုရင်တော့ အဆီ၊ ဆားလိုမျိုး အငန်ဓာတ်တွေ လုံးဝမဖြည့်ဘဲ စားပေးတာက အထိရောက်ဆုံး နည်းလမ်းပါ။ ပြုတ်စားတာ၊ ပေါင်းစားတာ၊ မီးကင်စားတာမျိုး လုပ်ပေးလို့ ရပါတယ်။
အာလူးစားပြီး ကိုယ်အလေးချိန် ထိန်းမယ်
ကယ်လိုရီဟန်ချက်ညီမှုဆိုတာ အစားအစာတစ်ခုမဟုတ်ဘဲ ကိုယ်အလေးချိန်ထိန်းသိမ်းဖို့အတွက် အဓိကသော့ချက်တစ်ခုဖြစ်ပါတယ်။
[embed-health-tool-bmi]
