ပရိုတင်းချို့တဲ့မှု၏ လက္ခဏာများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 30, 2020 . 2 mins read
Share now

ပရိုတင်းဟာ သင့်ခန္ဓာကိုယ်ကြွက်သားများ၊ တစ်ရှူးများအတွက် အခြေခံအဆောက်အဦဖြစ်တဲ့အပြင် အင်ဇိုင်းများ၊ ဟော်မုန်းများအနေနဲ့လည်း အရေးကြီးလုပ်ငန်းတာဝန်တွေ ထမ်းဆောင်ပေးပါတယ်။ အစားအစာအားလုံးလိုလိုမှာ ပရိုတင်းဓာတ် ပါဝင်တတ်ပါတယ်။ အထူးသဖြင့် အသားငါးနဲ့ ပဲအမျိုးမျိုးမှာ ဖြစ်ပါတယ်။

ပရိုတင်းဓာတ်ဟာ လူ့ကိုယ်ခန္ဓာရဲ့ အခြေခံဖြစ်တာမို့ ပရိုတင်းချို့တဲ့ရင် ကျန်းမာရေးကို ထိခိုက်ပါတယ်။ ယခုဆောင်းပါးမှာ ဆက်လက်ဖော်ပြမှာကတော့ ပရိုတင်းချို့တဲ့ရင် ဖြစ်တတ်တဲ့ လက္ခဏာတွေ ဖြစ်ပါတယ်။

ဖောရောင်ခြင်း

လူ့သွေးထဲမှာ အယ်လ်ဗျူမင်လို့ခေါ်တဲ့ ပရိုတင်းတစ်မျိုးရှိပါတယ်။ အယ်လ်ဗျူမင်ဟာ သွေးကြောတွေထဲမှာ ရေဓာတ် ကိုထိန်းသိမ်းပေးပြီး တစ်ရှူးများအပါအဝင် အခြားကိုယ်ခန္ဓာ အစိတ်အပိုင်းများဆီ ရေတွေသွားမစုအောင် ကာကွယ်ပေးပါတယ်။

အယ်လ်ဗျူမင်နည်းသွားချိန်မှာတော့ အဆိုပါ ဟန်ချက်ညီမှုကို ထိန်းသိမ်းထားနိုင်ခြင်း မရှိတော့ဘဲ အရည်များလည်း တစ်ရှူးများဆီရောက်သွားတာမို့ ခြေလက်များ ဖောရောင်ခြင်း၊ ရေဖျဉ်းစွဲခြင်း စတဲ့ပြဿနာတွေ ဖြစ်ပေါ်တတ်ပါတယ်။

အသည်းအဆီဖုံးခြင်း

အသည်းမှာ အဆီများ လိုတာထက်ပိုပြီး စုဝေးလာခြင်းဖြစ်ပါတယ်။ မကာကွယ်မကုသဘဲထားရင် အသည်းရောဂါအထိ ဖြစ်သွားနိုင်ပါတယ်။ အသည်းအဆီဖုံးခြင်းကို အဝလွန်သူများနဲ့ အရက်သောက်သူများမှာ ပိုပြီးတွေ့ရပါတယ်။

အဆီဓာတ်များကို သယ်ယူပို့ဆောင်ပေးတဲ့ လစ်ပိုပရိုတင်းများ လျော့နည်းကျဆင်းခြင်းကြောင့် အသည်းအဆီဖုံးတယ်လို့ သုတေသီများက ဆိုပါတယ်။

အရေပြား၊ ဆံပင်၊ လက်သည်းများ မကောင်းခြင်း

အရေပြား၊ ဆံပင်နဲ့ လက်သည်းခြေသည်းများရဲ့ အဓိကအစိတ်အပိုင်းဟာ ပရိုတင်းတွေပဲ ဖြစ်ပါတယ်။ ပရိုတင်း ချို့တဲ့လာရင် အရေပြားများ ခြောက်သွေ့အက်ကွဲခြင်း၊ နီရဲခြင်း၊ အကွက်ထခြင်း စတာတွေ ဖြစ်တတ်ပါတယ်။ ဆံပင်များပါးလွှာပြီး ကျွတ်လွယ်လာပါတယ်။ ခြေသည်းလက်သည်းများ ကျိုးပဲ့လာတတ်ပါတယ်။ ဒါပေမယ့် ဒီအခြေအနေတွေကို ပရိုတင်းဓာတ် ဆိုးရွားစွာ ချို့တဲ့မှသာ တွေ့နိုင်ပါတယ်။

ကြွက်သားများ ကျုံလှီလာခြင်း

ကိုယ်ခန္ဓာရဲ့ပရိုတင်းတွေကို ကြွက်သားတွေမှာ အများဆုံး သိုလှောင်ထိန်းသိမ်းထားပါတယ်။ တကယ်လို့ နေ့စဉ်စားသုံးနေတဲ့အစားအစာတွေမှာ ပရိုတင်းဓာတ် နည်းပါးလာပြီဆိုရင် ကြွက်သားတွေဆီက ပရိုတင်းကို ထုတ်ယူပြီး အရေးကြီးတဲ့ အင်္ဂါအစိတ်အပိုင်းတွေအတွက် သုံးစွဲရပါတယ်။

ဒါကြောင့် ပရိုတင်းစားသုံးမှုနည်းလာရင် အချိန်ကြာလာတာနဲ့အမျှ ကြွက်သားများ ကျုံလှီလာနိုင်ပါတယ်။ အထူးသဖြင့် သက်ကြီးရွယ်အိုတွေမှာ ပိုမိုအတွေ့ရများပါတယ်။

အရိုးများကျိုးပဲ့လွယ်ခြင်း

ပရိုတင်းကို လုံလောက်စွာ မရရင် အရိုးများအားနည်းလာပြီး ကျိုးပဲ့နိုင်ခြေ ပိုများလာပါတယ်။ သုတေသနတစ်ခုရဲ့ ဖော်ပြချက်အရ သွေးဆုံးပြီးတဲ့ အမျိုးသမီးအချို့ဟာ ပရိုတင်းကို ပိုမိုစားသုံးရာမှာ ပရိုတင်းဓာတ်စားသုံးမှုနည်းတဲ့ အမျိုးသမီးတွေလောက် အရိုးကျိုးနိုင်ခြေ မမြင့်မားဘူးလို့ သိရပါတယ်။

ကလေးများ ဖွံ့ဖြိုးကြီးထွားမှုနည်းခြင်း

ကလေးများ ကိုယ်ခန္ဓာဖွံဖြိုးကြီးထွားမှုအတွက် ပရိုတင်းဟာ အဓိကနေရာက ပါဝင်ပါတယ်။ ဖွံ့ဖြိုးစအချိန်မှာ ပရိုတင်းကိုလုံလောက်စွာ မရရင် ကိုယ်ခန္ဓာကြီးထွားရာ အဟန့်အတား ဖြစ်စေပါတယ်။ ကမ္ဘာတလွှားမှာ အစာရေစာ ငတ်မွတ်ခေါင်းပါးပြီး အာဟာရဓာတ်ချို့တဲ့တာကြောင့် သန်းနဲ့ချီတဲ့ ကလေးတွေ ဖွံ့ဖြိုးကြီးထွားမှုနည်းပါးတယ်လို့ စစ်တမ်းတခုမှာ ဖော်ပြထားပါတယ်။

ရောဂါပိုးကူးစက်မှု ပြင်းထန်ခြင်း

ပရိုတင်းချို့တဲ့ခြင်းဟာ ကိုယ်ခံစွမ်းအားကိုလည်း လျော့နည်းစေပါတယ်။ ကိုယ်ခံစွမ်းအားနည်းပါးရင် ရောဂါပိုးများ ဝင်ရောက်ကူးစက်နိုင်ခြေ ပိုများလာပါတယ်။ သုတေသနတခုမှာ ပရိုတင်းပါဝင်မှု မတူညီတဲ့ စားသောက်ပုံနှစ်မျိုးကို ယှဉ်ပြီး လေ့လာခဲ့ရာမှာ ပရိုတင်းစားသုံးမှုနည်းပါးသူတွေမှာ တုပ်ကွေးရောဂါပိုဖြစ်တတ်တာကို တွေ့ရပါတယ်။

ဘယ်လောက်စားသုံးသင့်သလဲ

ပရိုတင်းချို့တဲ့မှုမဖြစ်အောင် တစ်နေ့တာရရှိသင့်တဲ့ပမာဏကတော့ ကိုယ်အလေးချိန်တစ်ပေါင်မှာ ပရိုတင်း ဝ.၄ ဂရမ်ဖြစ်ပါတယ်။ သဘောကတော့ ကိုယ်အလေးချိန် ၁၅၀ ပေါင်ရှိသူတွေအတွက် တစ်နေ့တာလိုအပ်တဲ့ ပရိုတင်းဟာ ၆၀ ဂရမ် ဖြစ်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ကြောက်စိတ်တွေ များနေတယ် ဆိုတာကို ကိုယ်တိုင်တောင် မသိလိုက်ဘဲ ခံစားနေရနိုင်ပါတယ်။ ဒီအခြေအနေတွေကိူ အကောင်းဆုံး ကျော်လွှားဖို့ ဆိုရင်.....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

တစ်နေ့တာကို သက်လုံ ကောင်းကောင်း နဲ့လှုပ်ရှားနိုင်စေဖို့

သက်လုံ လို့ဆိုလိုက်ရင် အားကစားသမားတွေနဲ့ပဲ ဆိုင်တယ်လို့ ပြေးမြင်ကြပါတယ်။ သက်လုံကောင်းမှ နေ့စဉ်ဘဝမှာ လုပ်ငန်းဆောင်တာတွေကို အကောင်းဆုံးလုပ်နိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စိုးရိမ်ပူပန်မှုလွန်ကဲနေချိန် အသုံးတည့်စေမယ့် လေ့ကျင့်ခန်းလေးများ

စိုးရိမ်ပူပန်မှုလွန်ကဲနေချိန် မှာ သက်သာစေဖို့ လုပ်ပေးသင့်တဲ့လေ့ကျင့်ခန်းလေးတွေ ရှိပါတယ်။ ဒါကတော့ အသက်ရှူလေ့ကျင့်ခန်းနဲ့ကြွက်သားပြေလျော့စေမယ့်လေ့ကျင့်ခန်းပါ။

ရေးသားသူ Aye Thi Mon

တစ်နေကုန် နေပူထဲနေပြီးတဲ့အခါ ရေဓာတ်ပြည့်စေဖို့ ဘာတွေ စားမလဲ…….

တစ်နေကုန် နေပူထဲမှာ သွားလာရတယ်ဆိုရင် ရေသောက်ဖြစ်ဖို့က အခွင့်အလမ်း နည်းသွားသလို ရေဓာတ်ပြည့်ဝဖို့ကလည်း အတော်လေး ခက်ခဲ သွားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
အစာဓာတ်မတည့်ခြင်း

အစာဓာတ်မတည့်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 3, 2021 . 2 mins read
sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 1, 2021 . 2 mins read
အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read