အသားအရေနှင့် အလှအပ

အရေပြားကျန်းမာရေးက လူတိုင်းအတွက် အရေးကြီးပါတယ်၊၊ အရေပြားက ခန္ဓာကိုယ်ရဲ့ အကြီးဆုံးအင်္ဂါရပ်လည်း ဖြစ်ပါတယ်၊၊ ခန္ဓာကိုယ်ကို ပြင်ပက ပိုးမွှားတွေ ကူးစက်မခံရအောင် ကာကွယ်ပေးနေတဲ့ ပထမဆုံးခံတပ်လည်း ဖြစ်ပါတယ်၊၊ အရေပြားက ရေဓာတ်ကို ထိန်းထားပေးတဲ့အတွက် ရေဓာတ်ခမ်းခြောက်တာကို ကာကွယ်ပေးပါတယ်၊၊ အာရုံကြောတွေ ရှိနေတဲ့အတွက် အပူအအေးနဲ့ နာကျင်မှုတွေကိုလည်း ခံစားနိုင်ပါတယ်၊၊

“ကျန်းမာတဲ့ အရေပြားဆိုတာ
-အရေပြား မပါးဘဲ ပွန်းပဲ့လွယ်၊ အညိုအမည်းစွဲလွယ်တာမျိုး မရှိပါဘူး၊၊ ဆိုလိုတာက အရေပြားက လုံလောက်တဲ့ အထူရှိပြီး အလယ်လွှာမှာ ကော်လဂျင်နဲ့ အီလက်စတင် elastin တွေ ရှိနေတာပါ၊၊
-အရေပြားက စိုစိုပြေပြေ ရှိပါတယ်၊၊ ခြောက်သွေ့ပြီး ကြမ်းတမ်းတာမျိုး မရှိပါဘူး၊၊ ဆိုလိုတာက အရေပြားမှာ ရေဓာတ်လုံလောက်စွာရှိနေပြီး အဆီလွှာကလည်း ကျန်းမာနေပါတယ်၊၊
– ပုံမှန်ခံစားချက်တွေဖြစ်တဲ့ ပူတာအေးတာကို အပူအအေး ကောင်းကောင်းသိပါတယ်၊၊ ဆိုလိုတာက တခြားပုံမှန်မဟုတ်တဲ့ ယားတာ၊ ကျိန်းစပ်တာ၊ ပူစပ်တာတွေကို ခံစားရတာာမျိုး မရှိပါဘူး၊၊”

“အသားအရေကြည်လင်ဖို့ လုပ်ပေးနိုင်တဲ့ အချက်တွေကတော့
-အပြင်မသွားခင်မှာ အနည်းဆုံး SPF 30ပါတဲ့ နေလောင်ကာခရင်မ်လိမ်းထားပါ၊၊ နေလောက်ကာခရင်မ်က နေရောင်ခြည်ကြောင့် အသားအရေ ပျက်စီးတာကို ကာကွယ်ပေးပြီး အသားအရေ အိုမင်းတာကိုလည်း နှေးစေပါတယ်၊၊ အရေပြားကင်ဆာ ဖြစ်နိုင်ခြေကိုလည်း လျော့ကျစေပါတယ်၊၊ အိမ်ထဲမှာ နေပေမယ့် နေရောင်ဝင်နိုင်တဲ့ ပြတင်းပေါက်နားမှာ အလုပ်လုပ်တယ်ဆိုရင် နေလောင်ကာခရင်မ်လိမ်းဖို့ လိုပါတယ်၊၊
-ဆေးလိပ်ဖြတ်ပါ၊၊ ဆေးလိပ်က အိုမင်းရင့်ရော်မှုကို မြန်စေပါတယ်၊၊ အနာကျက်တာကို နှေးစေတဲ့အပြင် အရေပြားရောဂါတွေဖြစ်တဲ့ ဆိုရီယေးစစ်လို ရောဂါတွေကို ပိုဆိုးစေပါတယ်၊၊
-မျက်နှာကို ပုံမှန်သန့်စင်ပါ၊၊ အိပ်ရာထထချင်း၊ အိပ်ရာမဝင်ခင်နဲ့ ချွေးထွက်များစေတဲ့ လေ့ကျင့်ခန်းတွေ လုပ်ပြီးတိုင်းမှာ မျက်နှာသစ်ပါ၊၊ မိမိအသားအရေနဲ့ လိုက်ဖက်တဲ့ မျက်နှာသန့်စင်ဆေး အပျော့စားကို သုံးပါ၊၊
-အသားအရေ မခြောက်သွေ့ပါစေနဲ့၊၊ ရေများများသောက်ပါ၊၊ အစိုဓာတ်ထိန်းကရင်မ် လိမ်းပါ၊၊
-စိတ်ဖိစီး မခံပါနဲ့၊၊ စိတ်ဖိစီးတဲ့အခါ အဆီပြန်စေပြီး ဝက်ခြံတွေ ထွက်လာတတ်ပါတယ်၊၊ နှင်းခူလို အရေပြားပြသနာတွေကိုလည်း ပိုဆိုးစေနိုင်ပါတယ်၊၊”

ဝက်ခြံဆိုတာ အဖြစ်များတဲ့ အရေပြားပြသနာဖြစ်ပြီး မျက်နှာ၊ လည်ပင်း၊ ရင်ဘတ်၊ ကျောနဲ့ လက်မောင်းတွေမှာ အဖုလေးတွေအနေနဲ့ တွေ့ရပါတယ်၊၊ မွေးညင်းပေါက်လေးတွေကို အဆီတွေ၊ ဆဲလ်သေတွေနဲ့ ပိတ်တဲ့အခါ ဝက်ခြံဆိုတာ ဖြစ်လာပါတယ်၊၊

“အရေပြားကျန်းမာရေးကို ထိခိုက်စေတဲ့ အရေပြားပြဿနာတွေ အများကြီးရှိပါတယ်၊၊ အဖြစ်များတဲ့ အရေပြားပြဿနာတွေကတော့
-ဝက်ခြံ
-ဆံပင်ကျွတ်တာ
-နှင်းခူ
-ချွေးပေါက်ပိတ် ပြည်တည်နာ
-ဆိုရီယေးစစ်
-မျက်နှာနီမြန်းနာ
-အရေပြားကျုံ့တဲ့ရောဂါ
-ခရုသင်း”