ရင်သားကင်ဆာ သဘာဝအတိုင်း ကာကွယ်ပါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် အောက်တိုဘာ 15, 2020 . 2 mins read
Share now

ရင်သားကင်ဆာကို ကာကွယ်ဖို့ နည်းလမ်း တိတိကျကျ မရှိသေးပေမယ့် ရင်သားကင်ဆာဖြစ်နိုင်ခြေကို လျှော့ချချင်တယ်ဆိုရင် လိုက်နာနေနိုင်ရမယ့် နေထိုင်မှု ပုံစံတွေ ရှိပါတယ်။

ဒါဆိုရင် ရင်သားကင်ဆာကို ကာကွယ်ဖို့ ဘယ်လိုနေထိုင်ရမလဲဆိုတာကို သိချင်နေတယ်ဆိုရင်တော့ ဒီဆောင်းပါးလေးကို ဖတ်ကြည့်စေချင်ပါတယ်။

ရင်သားကင်ဆာ ကာကွယ်နိုင်စေမယ့် နည်းလမ်းများ

အခုပြောပြမယ့် နေထိုင်မှုပုံစံလေးတွေကို လုပ်ဆောင် ကျင့်သုံးရင်း ရင်သားကင်ဆာကို ကာကွယ်လိုက်ပါ။

ကျန်းမာတဲ့ ကိုယ်အလေးချိန်ကို ထိန်းသိမ်းပါ

ကိုယ်အလေးချိန်များတာက ရင်သားကင်ဆာ ဖြစ်နိုင်​ခြေ တိုးစေတဲ့ အချက်တစ်ခုပါ။ အထူးသဖြင့် သွေးဆုံးပြီးချိန်မှာ ကိုယ်အလေးချိန် များနေတာက ရင်သားကင်ဆာ ခံစားရနိုင်ခြေကို မြင့်တက်စေပါတယ်။

အရွယ်ရောက်လာချိန်ကစပြီး သင့်တင့်တဲ့ ကိုယ်အလေးချိန်ကို ထိန်းသိမ်းဖို့ လိုပါမယ်။ ဒီလို ထိန်းသိမ်းမှသာ ကိုယ်တွင်းမှာ အက်စထရိုဂျင် ဟော်မုန်းထွက်ရှိမှုကို ထိန်းညှိနိုင်ပြီး ရင်သားကင်ဆာ အန္တရာယ်ကနေ ကာကွယ်နိုင်မှာပါ။

ကိုယ်အလေးချိန် ထိန်းသိမ်းတာက ရင်သားကင်ဆာကိုတင် မဟုတ်ဘဲ အခြား ကျန်းမာရေးပြဿနာတွေကိုပါ ကာကွယ်ပြီးသား ဖြစ်ပါတယ်။

သင့်တင့်တဲ့ ကိုယ်လက်လှုပ်ရှားမှု ရှိပါစေ

လေ့လာမှုတွေအရ နေ့စဉ် ပုံမှန် ကိုယ်လက်လှုပ်ရှားမှုတွေ လုပ်ဆောင်နေသူတွေမှာ ရင်သားကင်ဆာ ဖြစ်နိုင်ခြေ နည်းနေတာကို တွေ့ရှိခဲ့ရပါတယ်။ ရင်သားကင်ဆာကို ကာကွယ်ဖို့ဆိုရင် တစ်ပတ်ကို ပေါ့ပေါ့ပါးပါး လေ့ကျင့်ခန်း မိနစ် ၁၅၀ ကနေ မိနစ် ၃၀၀။ ပြင်းထန်တဲ့ လေ့ကျင့်ခန်း တစ်ပတ်ကို ၇၅ မိနစ် ကနေ မိနစ် ၁၅၀ လောက်အထိ လုပ်ပေးဖို့ လိုပါမယ်။

အထိုင်များတာကိုလည်း လျှော့ချရပါမယ်။ ဒီလို လှုပ်လှုပ်ရှားရှား နေထိုင်မှုက ရင်သား ကင်ဆာဖြစ်နိုင်ခြေကို လျှော့ချပေးနိုင်ပါတယ်။

အချို နဲ့ အဆီ လျှော့စားပါ

နေ့စဉ် စားသုံးမှုမှာ အဆီတွေကို လျှော့စားပါ။ အထူးသဖြင့် ပြည့်ဝဆီတွေပေါ့။ နောက်တစ်ချက်က သကြားပါ။ အချိုများတာတွေ စားတာက ရေရှည်မှာ ကင်ဆာဖြစ်စေဖို့ တွန်းအားပေးနိုင်လို့ပါ။

သဘာဝမဟုတ်တဲ့ အရောင်တွေပါဝင်နေတဲ့ အစားအစာတွေ၊ အနီရောင်အသားတွေ၊ ပြုပြင်ထားတဲ့ အသားတွေကို တတ်နိုင်သမျှ လျှော့စားပါ။ သန့်စင်ထားတဲ့ ကောက်နှံတွေရောပါပဲ။ ဒါတွေက အာဟာရဖြစ်ဖို့ထက် ကင်ဆာဖြစ်နိုင်ခြေ ပိုများနေပါတယ်။

မိခင်နို့တိုက်ပါ

ဘေဘီလေး မွေးထားမယ်ဆိုရင်တော့ မိခင်နို့ တိုက်ပေးပါ။ မိခင်နို့ တိုက်တာက ဘေဘီလေးအတွက် လိုအပ်တဲ့ အာဟာရတွေ ပြည့်ဝစေပြီး ဘေဘီလေးကို ကျန်းမာစေသလို မေမေ့ကိုလည်း ရင်သားကင်ဆာ ခံစားရနိုင်ခြေ လျှော့ချပေးနိုင်ပါတယ်။

ဘေဘီလေးကို ၁ နှစ်နဲ့အထက် မိခင်နို့ တိုက်တဲ့ မေမေတွေက ရင်သား ကင်ဆာ ခံစားရနိုင်ခြေ နည်းပါတယ်။

သစ်သီး နဲ့ ဟင်းသီးဟင်းရွက်တွေ စားပါ

ကျန်းမာရေးနဲ့ ညီ​ညွတ်တဲ့ စားသောက်မှုပုံစံက ရင်သားကင်ဆာ ဖြစ်နိုင်ခြေကို လျှော့ချပေးနိုင်ပါတယ်။ ဒါကြောင့် နေ့စဉ် စားသုံးမှုမျာ အမျှင်ဓာတ် ကြွယ်ဝတဲ့ အသီးအရွက်တွေ၊ အရောင်အသွေးစုံလင်တဲ့ သစ်သီးတွေ၊ အစိမ်းရင့်ရောင် ဟင်းသီးဟင်းရွက်တွေ စားပေးပါ။

ဒီလို စားသုံးမှုက ရင်သားကင်ဆာကိုတင် ကာကွယ်ပေးတာ မဟုတ်ဘဲ၊ နှလုံးကို ကျန်းမာစေသလို အစာခြေစနစ် ကျန်းမာစေဖို့လည်း အကောင်းဆုံး ထောက်ပံ့ပေးနိုင်ပါသေးတယ်။

ဆေးလိပ်ဖြတ်ပါ

ဆေးလိပ်သောက်တာက ကျန်းမာရေးကို ထိခိုက်စေတယ်ဆိုတာ သိပြီးသားဖြစ်မှာပါ။ ဆေးလိပ်ဖြတ်တာက ကျန်းမာစေရုံတင် မကပါဘူး။ ရင်သားကင်ဆာ​ ဖြစ်နိုင်ခြေကိုလည်း လျှော့ချပေးနိုင်ပါတယ်။

ဒါတင်မကပါဘူး။ ဆေးလိပ်ဖြတ်လိုက်တာက အဆုတ် ကျန်းမာစေသလို နှလုံးရောဂါ ဖြစ်နိုင်ခြေ၊ လေဖြတ်နိုင်ခြေကိုလည်း လျှော့ချပေးနိုင်ပါတယ်။

အရက်၊ ဘီယာ လျှော့ပါ

လေ့လာမှုတွေအရ အရက်၊ ဘီယာ သောက်သုံးတာကရင်သား ကင်ဆာဖြစ်နိုင်ခြေကို တိုးစေတယ်လို့ သိရပါတယ်။ဒါကြောင့် ရင်သားကင်ဆာ ဖြစ်တာကို ကာကွယ်ဖို့ဆိုရင် အရက်၊ ဘီယာ လျှော့ပါ။ ဖြစ်နိုင်ရင် ဖြတ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အမျိုးသားတွေမှာ ရင်သားကင်ဆာ ဖြစ်တတ်သလား

ရင်သားရှိသူတိုင်း ရင်သားကင်ဆာ ဖြစ်နိုင်ခြေ ရှိတာမို့ ရှားပါးပေမဲ့ အမျိုးသားတွေလည်း ရင်သားကင်ဆာ ဖြစ်တတ်ပါတယ်။ အမျိုးသမီးတွေမှ မဟုတ်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

သားဥအိမ်ကင်ဆာ (Ovarian Cancer)

သားဥအိမ်တွေမှာ စတင်ပြီး ဖြစ်ပွားတဲ့ကင်ဆာကို သားဥအိမ်ကင်ဆာလို့ ခေါ်ပါတယ်။သားဥအိမ်ကင်ဆာဟာ အစောပိုင်းအဆင့်တွေမှာ ရောဂါလက္ခဏာပြလေ့မရှိပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မြန်မာနိုင်ငံမှာ မြင့်တက်လာနေတဲ့ ဆီးချိုခံစားရသူ အရေအတွက်

ဆီးချိုက ကမ္ဘာတလွှားမှာတင် ဖြစ်ပွားမှုနှုန်း မြင့်တက်နေတာ မဟုတ်ဘဲ မြန်မာနိုင်ငံမှာလည်း ပြီးခဲ့တဲ့ နှစ်တွေအတွင်း အတော်လေး မြင့်တက်လာခဲ့ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အစာအိမ်ကင်ဆာကနေ ပြန်လည် ကျန်းမာလာတဲ့အခါ

အစာအိမ်ကင်ဆာကို ကုသမှု ခံယူပြီး ပြန်လည် ကျန်းမာလာတဲ့အခါ ပြည့်ဝတဲ့ ကျန်းမာရေးကို ရရှိပြီး လူတန်းစေ့စေ့ နေထိုင်နိုင်စေဖို့ လိုက်နာရမယ့် အလေ့အထလေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
အစာအိမ်ကင်ဆာ, ကျန်းမာရေးစင်တာ အောက်တိုဘာ 23, 2020 . 2 mins read

သင့်အတွက် ရွေးချယ်ထားသည်

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

အမျိုးသမီးတွေမှာဖြစ်တတ်တဲ့ ကျန်းမာရေးပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
စပျစ်သီး စိမ်းစိမ်းနဲ့ ကျန်းမာရေး

စပျစ်သီး စိမ်းစိမ်းနဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 22, 2020 . 2 mins read
ကိုယ်အလေးချိန်ကို ဘယ်လို ထိန်းညှိကြမလဲ။

ကိုယ်အလေးချိန်ကို ဘယ်လို ထိန်းညှိကြမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 3, 2020 . 2 mins read
အရေးပါတဲ့ ကျန်းမာရေးနဲ့ညီညွတ်တဲ့ စားသောက်မှုပုံစံ

အရေးပါတဲ့ ကျန်းမာရေးနဲ့ညီညွတ်တဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 3, 2020 . 2 mins read