Heart Failure (နှလုံးစွမ်းဆောင်ရည် ကျဆင်းခြင်း)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 12, 2020 . 3 mins read
Share now

အဓိပ္ပါယ်ဖွင့်ဆိုချက်

Heart Failure (နှလုံးစွမ်းဆောင်ရည် ကျဆင်းခြင်း) ကဘာလဲ။

နှလုံး စွမ်းဆောင်ရည် ကျဆင်းခြင်းဆိုသည်မှာ နှလုံးက သူရဲ့လုပ်ငန်းဖြစ်တဲ့ သွေးကို ကိုယ်ထဲ လှည့်ပတ်စီးဆင်းစေရန် ညှစ်ထုတ်ပေးခြင်းကို မဆောင်ရွက်နိုင်တော့သော အခြေအနေဖြစ်တယ်။

နှလုံးစွမ်းဆောင်ရည်ကျဆင်းတဲ့ လူတွေမှာ သွေးဟာ နှလုံးမှတဆင့် ကိုယ်ထဲသို့ အလွန်နှေးကွေးစွာ စီးဆင်းကြတယ်။ သွေးတွေကို လုံလောက်အောင် မညှစ်ထုတ်နိုင်သောအခါ နှလုံးရဲ့အခန်းတွေဟာ သွေးတွေပိုပြီးလက်ခံနိုင်အောင် ဆွဲဆန့်ပေးရတယ် သို့မဟုတ် နှလုံးနံရံတွေမာကြောလာရတယ်။

ဒီလိုလုပ်ပေးခြင်းဖြင့် သွေးစီးဆင်းမှုကို ပိုလက်ခံလာနိုင်သော်လည်း နှလုံးကြွက်သားများသည် တဖြည်းဖြည်းနှင့် အားနည်းလာပြီး အလုပ်ကောင်းကောင်း မလုပ်နိုင်သော အခြေအနေ ဖြစ်သွားတတ်တယ်။ ရလဒ်အနေနဲ့ကတော့ ကျောက်ကပ်ဟာ ကိုယ်တွင်းမှာရှိတဲ့ ရေနှင့်ဆားဓါတ်ကို ဆွဲယူဖို့ လုပ်ဆောင်ပေးရတယ်။

သို့သော် နှလုံးစွမ်းဆောင်ရည် ကျဆင်းသောအခါ ရေဓါတ်ဟာ ကိုယ်တွင်းမှာ စုပုံလာပါတော့တယ်။
နှလုံး စွမ်းဆောင်ရည်ကျဆင်းခြင်းသည် ရုတ်တရက် နှလုံးဖောက်ခြင်း ၊ နှလုံးရပ်ခြင်းတို့ နှင့်တော့ ကွာခြားပါသည်။

Heart Failure (နှလုံးစွမ်းဆောင်ရည် ကျဆင်းခြင်း) က ဘယ်လောက်အဖြစ်များသလဲ

ဒီကျန်းမာရေးအခြေအနေက အလွန်ဆိုးရွားနေတဲ့ အခြေအနေဖြစ်တယ်။ အသက်အရွယ်မရွေး ဖြစ်ပွားတတ်တယ်။ နှလုံးပျက်ဆီးခြင်းကို လတ်တလော ကုသနိုင်ခြင်း မရှိသေးတဲ့အတွက် ရောဂါဖြစ်စေနိုင်တဲ့ အချက်တွေကို လျှော့ချသင့်ပါတယ်။ ထပ်မံသိလိုသော အချက်များရှိပါက ဆရာဝန်နှင့် ဆွေးနွေးနိုင်ပါတယ်။

လက္ခဏာများ

Heart Failure (နှလုံးစွမ်းဆောင်ရည် ကျဆင်းခြင်း) ရဲ့လက္ခဏာတွေကဘာတွေလဲ

နှလုံး စွမ်းဆောင်ရည်ကျဆင်းခြင်း၏ အတွေ့ရများသော လက္ခဏာတွေကတော့

• လှုပ်ရှားနေစဉ် သို့မဟုတ် အနားယူနေစဉ်တွင် မောပန်းခြင်း
• အလွန်အမင်း မောပန်းနေတတ်ခြင်း
• ခြေဖဝါး၊ ခြေကျင်းဝတ်၊ ဗိုက်နှင့် ကျောဘက်အောက်နားတွင် ဖောရောင်နေခြင်း

အထက်မှာ ဖော်ပြထားတဲ့အထဲမှာ မပါဝင်တဲ့ အခြားသော လက္ခဏာတွေ လည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာ တစ်ခုခုများရှိနေမလား ဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

အောက်ပါအချက်များဖြစ်ပွားလျှင် ဆရာဝန်နှင့် ပြသသင့်ပါတယ်။
• သင့်ခြေဖဝါး၊ ခြေထောက်၊ ခြေကျင်းဝတ်နှင့် ဝမ်းဗိုက် ပိုဖောရောင်လာခြင်း
• နေ့စဉ်လုပ်နေကျ အလုပ်တွေကို မလုပ်ဆောင်နိုင်ခြင်း
• ညဘက်တွင် ချောင်းဆိုးခြင်း
• စိတ်ဂဏှာမငြိမ်ဖြစ်ခြင်း သို့မဟုတ် မရေမရာဖြစ်ခြင်း
• ရေဓါတ်ခန်းခြောက်ခြင်း
• ရင်ဘတ်အောင့်ခြင်း
• နှလုံးခုန်မြန်ခြင်း (အနားယူနေချိန်တွင် နှလုံးခုန်နှုန်းက ၁မိနစ်လျှင် ၁၂၀ကြိမ်ထက်များနေခြင်း)

ဒီထဲတွင်မပါသော အချက်များ သို့မဟုတ် သိလိုသောအချက်များကို ဆရာဝန်နှင့် ဆွေးနွေးနိုင်ပါတယ်။ လူတိုင်းရဲ့ကိုယ်ဟာ ရောဂါကိုတုံ့ပြန်ပုံခြင်း မတူတတ်ကြပါ။ သင့်အခြေအနေကို ဆရာဝန်နှင့် ဆွေးနွေးခြင်းသည်သာ အကောင်းဆုံးဖြစ်ပါတယ်။ ရောဂါကို စောစီးစွာတွေ့လျှင် ဆေးကုသရန်ပိုမိုလွယ်ကူပြီး အကျိုးရှိနိုင်ပါတယ်။

အကြောင်းရင်းများ

Heart Failure (နှလုံးစွမ်းဆောင်ရည် ကျဆင်းခြင်း) ကိုဘာတွေကဖြစ်စေသလဲ

နှလုံးစွမ်းဆောင်ရည် ကျဆင်းခြင်းကို ဖြစ်စေတဲ့ အကြောင်းတွေများစွာ ရှိပါတယ်။ တခြားရောဂါတစ်ခုကြောင့် နှလုံး စွမ်းဆောင်ရည်ကျဆင်းခြင်းကို ဖြစ်တတ်တာများပါတယ်။ နှလုံး စွမ်းဆောင်ရည် ကျဆင်းခြင်းကို အဖြစ်များစေတဲ့ အကြောင်းရင်းများမှာ
• ဆီးချိုသွေးချိုရောဂါ
• အဝလွန်ရောဂါ
• ဆေးလိပ်သောက်ခြင်း
• သွေးတိုးရောဂါ
• စိတ်ကျရောဂါ
• အိပ်စက်ခြင်းဆိုင်ရာပြဿနာ
• အရက်နှင့် စိတ်ကြွဆေးများ
• တချို့သော ကင်ဆာကုထုံးများ

ဖြစ်နိုင်ခြေများ

Heart Failure (နှလုံးစွမ်းဆောင်ရည် ကျဆင်းခြင်း) ဖြစ်နိုင်ခြေကိုဘာတွေက မြင့်တက်စေသလဲ

နှလုံးပျက်ဆီးခြင်းကို အဖြစ်များစေတဲ့အကြောင်းရင်းများမှာ
• နှလုံးသွေးကြောရောဂါ
• သွေးတိုးရောဂါ
• ဆီးချိုရောဂါ
• ဆေးလိပ်သောက်ခြင်း
• အဆီ၊ ကိုလက်စရောများတဲ့ အစားအသောက်နှင့် ဆားအစားများခြင်း
• အဝလွန်နေခြင်း

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Heart Failure (နှလုံးစွမ်းဆောင်ရည် ကျဆင်းခြင်း) ကို ဘယ်လိုအတည်ပြုပါသလဲ

သင့်ရောဂါကို ရှာဖွေရန် ဆရာဝန်မှ သင့်အား ရောဂါရာဇဝင်နှင့် ရောဂါလက္ခဏာအကြောင်းကို မေးမြန်းပါလိမ့်မယ်။ သင့်ဆရာဝန်က သင့်ဆီမှသိလိုသော အချက်များမှာ
• သင်တွင် ဆီးချိုရောဂါ၊ ကျောက်ကပ်ရောဂါ၊ ရင်ဘက်အောင့်တဲ့ရောဂါ၊ သွေးတိုးရောဂါ၊ သွေးတွင်းကိုလက်စရောများတဲ့ရောဂါ၊ နှလုံးသွေးကြောကျဉ်းရောဂါ သို့မဟုတ် တခြားနှလုံးနှင့် ပတ်သက်သောရောဂါများ ရှိ၊ မရှိ
• မိသားစုတွင်းမှာ နှလုံးရောဂါဖြစ်တဲ့သူနှင့် ရုတ်တရက်သေဆုံးသူ ရှိ၊ မရှိ
• ဆေးလိပ် သို့ ဆေးရွက်ကြီးသုံးစွဲမှု ရှိ၊ မရှိ
• အရက်သောက်သုံးမှုနှင့် သောက်တဲ့ပမာဏ
• သင်ဟာ ကင်ဆာဆေးကုထုံး သို့မဟုတ် ဓါတ်ရောင်ခြည်ကုထုံး ယူထားခြင်းရှိ၊ မရှိ
• သင်သောက်နေတဲ့ ဆေးများ
ဆရာဝန်မှ သင့်အား သွေးစစ်ဆေးခြင်း၊ ရင်ဘတ်ဓါတ်မှန်၊ ECG စစ်ဆေးခြင်းတို့ကို လုပ်ဆောင်ပါလိမ့်မယ်။

Heart Failure (နှလုံးစွမ်းဆောင်ရည် ကျဆင်းခြင်း) ကို ဘယ်လိုကုသပါသလဲ

ယခုအချိန်တွင် ဒီရောဂါကို ပျောက်ကင်းအောင် ကုသ၍မရပါ။ ရောဂါလက္ခဏာကို ထိန်းချုပ်ခြင်းဖြင့် လူသားများဟာတက်တက်ကြွကြွဖြင့် သက်တမ်းစေ့နေနိုင်ပါလိမ့်မယ်။

ဆရာဝန်မှ သင့်ရဲ့သွေးပေါင်ချိန်ကို ထိန်းထားရန်နှင့် နှလုံးခုန်မှုကို ထိန်းထားရန်အတွက် သောက်သုံးရန်ဆေးဝါးများကို ညွှန်ကြားပါလိမ့်မယ်။
သောက်သုံးရမည့် ဆေးများထဲတွင်
• Angiotensin-converting enzyme (ACE) inhibitors
• Angiotensin II receptor blockers
• Beta blockers
• Diuretics
• Aldosterone antagonists
• Inotropes

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

    ဒီဆောင်းပါးက သင့်အတွက် အသုံးဝင်ပါသလား။
    happy unhappy"

    သင်ဒါလည်း နှစ်သက်နိုင်ပါတယ်။

    နှင်းခူရှိသူ ကျန်းမာစေဖို့

    နှင်းခူ ဖြစ်စေရတဲ့ အကြောင်းအရင်းက အတိအကျမရှိအပါဘူး။ မျိုးရိုးကြောင့်လည်းဖြစ်နိုင်သလို အခုလို အချက်တွေကလည်း နှင်းခူကို ဖြစ်စေနိုင်ပါတယ်။

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon

    သွေးကြောမကြီး ဖောင်းတယ်ဆိုတာ အန္တရာယ်ရှိလား

    သွေးကြောမကြီးဖောင်း သွေးတိုးရောဂါ ဆေးလိပ်ဖြတ် သွေးခဲပိတ် သွေးကြောပြဲ သွေးကြောပေါက် သွေးထွက်လွန် သွေးတွင်းကိုလက်စထရောများ Marfan syndrome Aortic aneurysm

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Htet Htet Zaw Win

    Stay Home ကာလမှာ ထပ်ပြီးဝိတ်တက်လာမှာ စိုးရိမ်နေရပြီလား

    Stay Home Covid-19 Gym ဝိတ်တက် ကပ်ဘေးကာလ ကိုယ်အလေးချိန် အစား လေ့ကျင့်ခန်း မုန့်ပဲသရေစာ ရုပ်ရှင် အလုပ် အိပ်ချိန် ကယ်လိုရီ အဆီ စိတ်ညစ်

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Ye Myo Myat

    အိမ်မှာနေရင်း အသားအရေမပျက်စီးအောင် ဘယ်လိုထိန်းသိမ်းကြမလဲ

    အသားအရေ Covid-19 Second Wave Stay Home အလှအပ အလှကုန် စျေးဝယ် အိပ်ချိန် ညဘက် အိပ်စက် ရုံးသွား ကပ်ဘေးကာလ အသီးအနှံ ဟင်းသီးဟင်းရွက် ရေဓာတ် အချဉ်ဓာတ်

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Ye Myo Myat

    သင့်အတွက် ရွေးချယ်ထားသည်

    တစ်ခုခုစားပြီးတိုင်း အိမ်သာပြေးနေရပြီဆိုရင်

    တစ်ခုခုစားပြီးတိုင်း အိမ်သာပြေးနေရပြီဆိုရင်

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Htet Htet Zaw Win
    ရေးသား ထုတ်ဝေခဲ့သည် စက်တင်ဘာ 23, 2020 . 2 mins read
    သမားရိုးကျနည်းနဲ့ ခွဲမှာလား၊ အပေါက်လေးဖောက်ပြီး ခွဲမှာလား

    သမားရိုးကျနည်းနဲ့ ခွဲမှာလား၊ အပေါက်လေးဖောက်ပြီး ခွဲမှာလား

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Dr. Htet Htet Zaw Win
    ရေးသား ထုတ်ဝေခဲ့သည် စက်တင်ဘာ 23, 2020 . 2 mins read
    ဆိုရီရေးစစ် (psoriasis) အရေပြားပြဿနာရှိသူတွေအတွက် ကျန်းမာတဲ့ နေထိုင်နည်း

    ဆိုရီရေးစစ် (psoriasis) အရေပြားပြဿနာရှိသူတွေအတွက် ကျန်းမာတဲ့ နေထိုင်နည်း

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် စက်တင်ဘာ 23, 2020 . 2 mins read
    နှင်းခူရှိသူတွေအတွက် စားသောက်မှုပုံစံ

    နှင်းခူရှိသူတွေအတွက် စားသောက်မှုပုံစံ

    ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
    ရေးသားသူ Aye Thi Mon
    ရေးသား ထုတ်ဝေခဲ့သည် စက်တင်ဘာ 23, 2020 . 2 mins read