အသည်းကို ချက်ချင်းဂရုစိုက်ဖို့လိုအပ်နေပြီလား

ဒီတော့ အသည်းကျန်းမာဖို့ဘာတွေလုပ်ရမလဲ။ မကြာသေးခင်ကတွေ့ရှိချက်တွေအရတော့ အရက်တွေကပဲ အသည်းကိုထိခိုက်စေတာမဟုတ်ဘဲ အဆီများတဲ့ အစားအစာတွေကလည်း အသည်းကို ထိခိုက်စေနိုင်ပါတယ်။ ဒါကြောင့်နေ့စဉ် လုံလောက်တဲ့ ကိုယ်လက်လှုပ်ရှားမှုကိုလုပ်တာ၊ အာဟာရသင့်တင့်မျှတအောင်စားသုံးတာ၊ အယ်လ်ကိုဟောကိုရှောင်တာ၊ဆေးလိပ်ေရှာင်တာ၊ အိပ်ရေးဝအောင်အိပ်စက်တာမျိုးတွေကို သတိထားလုပ်ပေးဖို့လိုပါမယ်။နောက်တစ်ချက်ကတော့ဆေးတွေကို မလိုအပ်ဘဲမသောက်ဖို့နဲ့ ကိုယ်အလေးချိန်ကို ထိန်းဖို့ပါ။

ဒီအချက်တွေခံစားနေရပြီဆိုရင် အသည်းထိခိုက်နေပါပြီ

• ဗိုက်ခေါက်အရမ်းထူလာမယ်
• မောပန်းလွယ်လာမယ်
• မအီမသာဖြစ်မယ်
• အားမရှိသလိုခံစားရမယ်
• အဆီများတဲ့ အစားတစ်ခုခုစားပြီးတိုင်း ခေါင်းကိုက်မယ်
• လေပွမယ်
• ဝက်ခြံတွေထွက်မယ်
• နှင်းခူလိုမျိုး အရေပြားပြဿာနာတွေဖြစ်မယ်
• ခြေသည်းလက်သည်းတွေဝါမယ်
• စိတ်တိုလွယ်မယ်
• အာရုံစိုက်ရခက်လာမယ်
• အသားနဲ့ မျက်လုံးအဖြူသားတွေဝါလာမယ်။

ဘယ်သူတွေမှာ ပိုဖြစ်နိုင်လဲ

ဒီအချက်ရှိသူတွေက အသည်းထိခိုက်နိုင်ခြေပိုများပါတယ်။

• ရောဂါအခံတစ်ခုခုရှိတဲ့သူ
• ဆီးချိုရောဂါရှိသူ
• အသည်းရောင်အသားဝါပိုးကူးစက်ခံထားရသူ
• အရက်သောက်တတ်သူ
• ဆေးလိပ်သောက်တတ်သူ
• တစ်ဆင့်ခံဆေးလိပ်ငွေ့ထိတွေ့နေသူတွေ
• အဆိပ်အတောက်ဖြစ်စေနိုင်တဲ့အရာတွေနဲ့ ထိတွေ့သူတွေ
• အဝလွန်နေသူတွေ
• အသည်းရောဂါခံစားရဖူးတဲ့ မျိုးရိုးရှိသူတွေမှာ အသည်းထိခိုက်နိုင်ခြေက အခြားသူတွေထက်ပိုများနေနိုင်ပါတယ်။

အသည်းကျန်းမာစေဖို့

• အရက်သေစာသောက်သုံးမှုကိုလျှော့ပါ။
• နေ့စဉ် အာဟာရမျှတတဲ့ အစားအသောက်တွေစားသုံးပေးပါ။ သစ်သီးတွေ၊ ဟင်းသီးဟင်းရွက်တွေနဲ့ အမျှင်ဓါတ်ပါတဲ့ အစားအစာတွေစားသုံးပေးပါ။
• ကျန်းမာတဲ့ ကိုယ်အလေးချိန်ကို ထိန်းညှိပေးပါ။
• လေ့ကျင့်ခန်းပုံမှန်လုပ်ပေးပါ။
• မူးယစ်ဆေးဝါးသုံးစွဲတာမျိုးမလုပ်ပါနဲ့။
• ဆေးထိုးအပ်တွေမျှမသုံးပါနဲ့။
• သွားပွတ်တံတွေ၊ မုတ်ဆိတ်ရိတ်ဓါးတွေကို သီးသန့်ထားအသုံးပြုပါ။ မျှမသုံးပါနဲ့။
• အကာအကွယ်မပါဘဲ လိင်မဆက်ဆံပါနဲ့။