ဥပမာ ၁၁ရက်ပြည့်ပေမယ့် အဖျားမကျသေးရင် အိမ်မှာပဲ နေရဦးမှာပါ။ အဖျားကျတယ်ဆိုတာ အဖျားကျဆေး (ပါရာစီတမော) သောက်ထားလို့ ကျတာမျိုး မဟုတ်ပါဘူး။ ဘာဆေးမှ မသောက်ဘဲ အနည်းဆုံး ၂၄နာရီ အဖျားပြန်မတက် နေပြန်ကောင်းနေတာမျိုးပဲ ဖြစ်ပါတယ်။ လက္ခဏာတွေ ကျန်သေးတယ်၊ နေလို့ မကောင်းသေးဘူးဆိုရင် နေလို့ကောင်းတဲ့အထိ အိမ်မှာ နေရပါမယ်။
ဒါက သူများကို ကူးနိုင်သေးလားဆိုတာနဲ့ ပတ်သက်ပြီး ရှင်းထားတာပါ။ ကိုယ်သက်သာပြီလားဆိုတာကို သွားရအောင်။
ဒီရက်တွေ ကျော်ရင် စိတ်ချရပြီလား။
စိတ်ချရပြီလားဆိုတာ ကိုယ့်မှာ အသက်အန္တရာယ် ရှိသေးလားလို့ ဆိုလိုတာပါ။ အရင်ကတော့ ၂ပတ်၊ ၃ပတ်ကျော်ရင် နာလန်ထပြီ၊ အကောင်းဘက်ကို ရောက်လာပြီလို့ ပြောကြပေမယ့် ခုကတော့ ဒီလို မဟုတ်တော့ပါဘူး။ ကိုဗစ်ရဲ့ နောက်ဆက်တွဲပြဿနာတွေ ကျန်ပါသေးတယ်။
ဒါကြောင့် ရောဂါဖြစ်ပြီး ၂ပတ်၊ ၃ပတ် ကျော်လာရင် ‘သက်သာလာတယ်’ လို့ပဲ ပြောနိုင်ပါတယ်။ စိတ်ချရပြီလို့ ပြောလို့မရပါဘူး။ ပြန်ကောင်းလာပြီလို့ ထင်ကာမှ သွေးခဲပြီး အခြေအနေတွေ ပြန်ဆိုးသွားတာ၊ နှလုံးရောင်တာ စတာတွေ ဖြစ်တာကို တွေ့လာရပါတယ်။ အများစုကလည်း အသက်အန္တရာယ်ရှိတဲ့ ကိစ္စတွေပါပဲ။
ဒါ့ပြင် ကိုဗစ်ဖြစ်တုန်းက လက္ခဏာမပြင်းထန်တဲ့ သူတွေတောင် ကိုဗစ် အပြီးမှာ Post Covid syndromeလို့ ခေါ်တဲ့ နောက်ဆက်တွဲ ပြဿနာတွေ ခံစားရပါတယ်။ ကိုဗစ်ဖြစ်ပြီးတာတောင် မောနေတာ၊ နုံးနေတာ၊ ချောင်းဆိုးကျန်တာ၊ တစ်ခုခုဆို တွေးမရတာ၊ ရာသီထိမ်သွားတာ စတာတွေ ဖြစ်တတ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။