ငါးကြီးဆီ ငါးကြီးဆီဆိုပြီး သောက်နေကြပေမယ့် သူ့မှာ ရှိတဲ့အကျိုးကျေးဇူးတွေကို မသိတာ၊ ငါးကြီးဆီကို ဘယ်ပမာဏ လောက်သောက်သင့်လဲဆိုတာကို မသိတဲ့ သူတွေ အများကြီးရှိပါသေးတယ်။ ဒီတော့ ဇဝေဇဝါတွေဖြစ်ပြီး ငါးကြီးဆီနဲ့ ပက်သက်လို့ မေးချင်နေတဲ့ မေးခွန်းတွေ အများကြီးရှိလိမ့်မယ်လို့ ထင်ပါတယ်။
Q – တစ်နေ့ကို ငါးကြီးဆီ ဘယ်လောက်သောက်ရမှာလဲ ။ ။
ငါးလည်းကြိုက်တယ် ငါးလည်းစားဖြစ်တယ်ဆိုရင် EPA နဲ့ DHA 500 mg ညီမျှစွာပါတဲ့ ငါးကြီးဆီတွေကို တစ်ပတ်လျှင် ၃ လုံးလောက်သောက်ပေးရုံနဲ့ရပါတယ်။
ငါးကို လုံးဝမကြိုက်ဘူး ငါးလည်း မစားဘူးဆိုတဲ့သူတွေကတော့ EPA နဲ့ DHA 900 mg ပါတဲ့ ငါးကြီးဆီကို တစ်နေတစ်လုံး သောက်ပေးဖို့လိုအပ်ပါတယ်။ ။
Q – ငါးကြီးဆီထဲမှာပါတဲ့ omega-3 fatty acids ကို ဘယ်ကနေရသလဲ ။ ။
အန်ကိုဗီငါး၊ ဆာဒင်းငါးနဲ့ မက်ကရယ်ငါးတို့လိုမျိုး ရေအေးဒေသမှာနေထိုင်တဲ့ အဆီများတဲ့ ငါးတွေကနေ အဓိကရပါတယ်။ EPA and DHA တို့ကိုတော့ အစေ့အဆံတွေနဲ့ နှမ်းကြတ်စေ့တို့ကနေ ရပါတယ်။
Q – ငါးတွေမှာ မာကျူရီပါတယ်ဆိုတော့ ငါးကြီးဆီမှာရော မာကျူရီ အဆိပ်ပါဝင်လား။
ငါးတော်တော်များများမှာ ပါဝင်တဲ့ မာကျူရီတွေကို သေချာလေ့လာစမ်းသပ်မှုမျိုးတွေ မရှိပေယမ့် ငါးကြီးဆီမှာတော့ မာကျူရီပါဝင်မှု ကို စမ်းသပ်ပြီး မရှိဘူးဆိုတာ သေချာမှ ထုတ်ထားတဲ့အတွက်ကြောင့် ငါးကြီးဆီကို စိတ်ချသောက်လို့ရပါတယ်။
Q – ကပ်ဆူးအပျော့တောင့် ကြည်ကြည့်လေးတွေ အပြင် ငါးကြီးဆီကို ဘယ်လိုပုံစံမျိုးတွေနဲ့ ရနိုင်သလဲ ။
ငါးကြီးဆီ တော်တော်များများကို အကြည်ရောင် ကပ်ဆူးလ်အပျော့လေးတွေနဲ့ထုတ်တာပါ။ ဒါပေမယ့် တစ်ချို့ ကပ်ဆူးလ်တောင့်ကို မျိုချလို့မရတဲ့ မွေးကင်းစကလေးတွေ၊ အသက်ကြီးတဲ့သူတွေ အတွက်တော့ ငါးကြီးဆီအရည်ရှိပါတယ်။
Q – အားကစားသမားတွေရော ငါးကြီးဆီသောက်ရင် စိတ်ချရသလား။ ။
ငါးကြီးဆီဟာ နှလုံးကို အားကောင်းစေတယ်၊ ကြွက်သားတွေကိုသန်မာစေတယ်၊ အဆစ်အမြစ်တွေကို ကြံ့ခိုင်စေတာကြောင့် အားကစားသမားတွေ ငါးကြီးဆီသောက်လို့ရပါတယ်။
Q – ငါးကြီးဆီကို ဘယ်အချိန်မှာ သောက်ရင်အကောင်းဆုံးလဲ ။ ။
အဆီပုံစံ ြဖည့်စွက်စာတစ်မျိုးဖြစ်လို့ အစားနဲ့အတူတွဲသောက်တာ အကောင်းဆုံးပါ။
Q – အားအင်ကိုလည်း ဖြည့်စွမ်းပေးနိုင်မယ်၊ ဓါတ်တိုးဆန့်ကျင်တဲ့ အာနိသင်ကိုလည်းလိုချင်တယ်ဆိုရင် ငါးကြီးဆီသောက်ရမှာလား ။
ငါးကြီးဆီမှာ အားအင်ကို ပြန်ဖြည့်ပေးတဲ့ အာနိသင်ရော ၊ဓါတ်တိုးဆန့်ကျင်တဲ့ အာနိသင်ရော ရှိတာကြောင့် ငါးကြီးဆီကသာ အသင့်တော်ဆုံးပါ။
Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။
[embed-health-tool-bmi]
