home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

သင်မသိဘဲလုပ်မိလိုက်တဲ့ အရာတွေကနေမိန်းမကိုယ် ပိုးဝင်ခြင်း ပိုဖြစ်နိုင်ပါတယ်။

သင်မသိဘဲလုပ်မိလိုက်တဲ့ အရာတွေကနေမိန်းမကိုယ် ပိုးဝင်ခြင်း ပိုဖြစ်နိုင်ပါတယ်။

မိန်းကလေးတစ်ယောက်အတွက်တော့ မိန်းမကိုယ် ကျန်းမာရေး သန့်ရှင်းရေးဆိုတာ အင်မတန်မှ အရေးကြီးတဲအ့ရာတစ်ခုပါ။ ဒီတိုင်းရေချိုး ပုံမှန်သန့်ရှင်းရေးတွေ လုပ်နေရင် မိန်းမကိုယ်သန့်ရှင်း သယောင်ယောင်ရှိတယ်ထင်ရပေမယ့် မထင်မှတ်ထားတဲ့ သင့်အပြုအမူတွေကနေ မိန်းမကိုယ်ပိုးဝင်တဲ့ ပြဿနာတွေ ဖြစ်နိုင်ပါတယ်။ ဘယ်လို အပြုအမူတွေလဲဆိုတာ ကြည့်ရအောင် ။ ။

( ၁ ) အတွင်းခံဝတ်ပြီး အိပ်တာ ။

အတွင်းခံ ဆိုတာ မိန်းမကိုယ် ပိုးမဝင်အောင် တားဆီးတဲ့နေရာမှာအဓိက အကျဆုံးဖြစ်ပေမယ့် ညဘက် အိပ်ရာဝင်ချိန်မှာတော့ အတွင်းခံဝတ်ပြီး မအိပ်တာ အကောင်းဆုံးပါ။ အတွင်းခံဝတ်အိပ်တဲ့အခါ အောက်ဆီဂျင်ထိတွေ့တာ နည်းသွားပြီး ပိုးဝင်ဖို့ ပိုအခွင့်အလမ်းများသွားနိုင်ပါတယ်။

( ၂ ) gym မှာဆော့ထားတဲ့ ချွေးစို အတွင်းခံတွေကို အကြာကြီးဝတ်ထားတဲ့အခါ

တချို့ရှိပါတယ်။ gym မှာ ကစားပြီး ချွေးစိုတဲ့ အတွင်းခံတွေကို အချိန်အကြာကြီး ဝတ်ထားတာမျိုးပေါ့။ ဒီလို ချွေးစိုနေတဲ့အတွင်းခံကို အချိန် အကြာကြီး ဝတ်ထားခြင်းဟာ အနံ့အသက်ကို မကောင်းစေတဲ့အပြင် မိန်းမကိုယ် မှိုစွဲတာ၊ ဘက်တီးရီးယားပိုးတွေဝင်တာနဲ့၊ ချွေးလောင်တာမျိုးတွေ ဖြစ်တတ်ပါတယ်။

( ၃ ) လစဉ်သုံးပစ္စည်းတစ်ခုတည်းကို တစ်နေ့လုံးသုံးတာ။

လစဉ်သုံးပစ္စည်းဆိုတာ သွေးတွေ အညစ်အကြေးတွေ ဘက်တီးရီးယားတွေ အများကြီးရှိတဲ့နေရာတစ်ခုဖြစ်တာကြောင့် ရာသီလာချိန် သူတို့ကို ၆ နာရီတစ်ခါ ပုံမှန်လဲပေးသင့်ပါတယ်။ မဟုတ်ရင် မိန်းမကိုယ်ထဲ ပိုးအလွယ်တကူဝင်သွားပါလိမ့်မယ်။

( ၄ ) ဆီးခုံမွေး မကြာခဏ ရိတ်ခြင်း။

ဆီးခုံမွေး မကြာခဏ ရိတ်တာ၊ ဖယောင်းနဲ့ အမွေးချွတ်တာတွေဟာ မွေးညှင်းအိတ်ရောင်ခြင်းကို ဖြစ်စေပြီး ဆီးခုံပတ်လည် ပိုးဝင်တာမျိုး ဖြစ်တတ်ပါတယ်။

( ၅ ) စိတ်ဖိစီးမှုများတာ

စိတ်ဖိစီးမှု များလွန်းတဲအ့ခါ ကိုယ်တွင်းဖြစ်စဉ်တွေ၊ ဟော်မုန်းတွေ အားလုံး ကမောက်ကမဖြစ်ကုန်တာကြောင့် မိန်းမကိုယ်တွင်းက ညီမျှတဲ့ pHတွေပါ လိုက်ပြောင်းလဲပြီး မိန်းမကိုယ်ယားယံတာ၊ ပိုးဝင်တာမျိုးတွေ ဖြစ်တတ်ပါတယ်။

( ၆ ) သကြားအစားများတာ။

သကြားဟာ မိန်းမကိုယ်မှိုစွဲခြင်းကို အဓိကဖြစ်စေတဲ့ yeast infections တို့ အကြိုက်ပါ။ ဒါ့ကြောင့် အချိုများများစားလေလေ မိန်းမကိုယ်ပိုးဝင်ပြီး မှိုစွဲတဲ့ ပြဿနာ ပိုဖြစ်လေလေပါ။

( ၇ ) ဒိန်ချဉ်လိုမျိုး probiotics ကြွယ်ဝတဲ့ အစားအစာတွေ မစားတာ။

Probiotics ဆိုတာ မိန်းမကိုယ်အတွင်းမှာ ရှိတဲ့ အကျိုးပြုဘက်တီးရီယား prebiotics တွေကို အာဟာရဖြစ်စေတဲအရာပါ။ ဒါကြောင့် မိန်းမကိုယ်လေးကျန်းမာချင်ရင် ဒိန်ချဉ်လိုမျိုး probiotics ကြွယ်ဝတဲ့ အစားအစာတွေ စားကိုစားပေးရပါမယ်။ ။

 

သားဥကြွေခြင်းကို တွက်ချက်ခြင်း

သားဥကြွေခြင်းကို တွက်ချက်ခြင်း

ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

သားဥကြွေခြင်းကို တွက်ချက်ခြင်း

ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။

သားဥကြွေခြင်းကို တွက်ချက်ခြင်း

ရာသီစက်ဝန်း ရက်အရေအတွက်

(days) ရက်

28

ရာသီရက်စုစုပေါင်း

(days) ရက်

7

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Dr. Thin Yadanar @ Frances မှ ရေးသားသည်။ 28/10/2021 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။