ထွက်မှာ သေချာပြီလား။
သိုင်းရွိုက်အလုပ်လုပ်တာ အားနည်းရင် သိုင်းရွိုက်ဟော်မုန်းထွက်တာလည်း လျော့ကျသွားပါတယ်။ သိုင်းရွိုက်အားနည်းခြင်း ကို Hypothyroidism လို့ ခေါ်ပါတယ်။ သိုင်းရွိုက်အလုပ်လုပ်တာ အားနည်းခြင်းနဲ့ အမျိုးသမီးများ သွေးဆုံးခြင်းက လက္ခဏာတွေ ဆင်တူတတ်ပါတယ်။ သိုင်းရွိုက်အားနည်းခြင်းကို များသောအားဖြင့် သက်လတ်ပိုင်းအရွယ် အမျိုးသမီးတွေမှာ တွေ့ရတတ်ပါတယ်။ အဲ့ဒီအချိန်က အမျိုးသမီးများ သွေးဆုံးတဲ့အချိန်လည်း ဖြစ်ပါတယ်။
ခုဆက်ပြောသွားမှာကတော့ သွေးဆုံးခြင်းနဲ့ သိုင်းရွိုက်ဂလင်းအကြား ဆက်နွယ်မှု ဘယ်လိုရှိသလဲဆိုတာနဲ့ သွေးဆုံးခြင်းလက္ခဏာနဲ့ နောက်ဆက်တွဲပြဿနာတွေကို သိုင်းရွိုက်အားနည်းခြင်းက ဘယ်လိုအကျိုးသက်ရောက်စေသလဲဆိုတာပါပဲ။
သွေးဆုံးချိန်မှာ အီစထရိုဂျင်ဟော်မုန်းပမာဏက သိသိသာသာ ကျဆင်းသွားပါတယ်။ ဒါကြောင့် သွေးဆုံးခြင်းနဲ့ ပတ်သက်တဲ့ လက္ခဏာများ ပေါ်လာတတ်ပါတယ်။ အီစထရိုဂျင်ပမာဏက သိုင်းရွိုက်ဂလင်းနဲ့ လုပ်ငန်းတာဝန်တွေကိုလည်း သက်ရောက်မှုရှိပါတယ်။
၂၀၁၁ ခုနှစ်မှာ ပြုလုပ်ခဲ့တဲ့ သုတေသနအရ အီစထရီုဂျင်ပမာဏ ကျဆင်းလာခြင်းက သိုင်းရွိုက်ရဲ့ အလုပ်လုပ်နိုင်အားကိုလည်း ကျဆင်းစေပြီး သိုင်းရွိုက်ဟော်မုန်းထုတ်လုပ်တာကိုလည်း လျော့နည်းစေပါတယ်။ ဒီဟော်မုန်းနှစ်ခုကြားက ဆက်နွယ်မှုကို ပိုမိုသိရှိနိုင်ဖို့ သုတေသနတွေ ထပ်မံလုပ်ဆောင်ဖို့တော့ လိုအပ်ပါသေးတယ်။
သိုင်းရွိုက်အားနည်းခြင်းက သွေးဆုံးချိန် လက္ခဏာတွေကို ပိုမိုဆိုးရွားစေနိုင်ပါတယ်။ ၂၀၀၇ ခုနှစ်မှာ ပြုလုပ်ခဲ့တဲ့ သုတေသနအရ သိုင်းရွိုက်ပြဿနာနဲ့ သွေးဆုံးခြင်းကို တွေ့ကြုံရသူ အမျိုးသမီးတွေဟာ သိုင်းရွိုက်အတွက် ကုသမှုခံယူလိုက်ရင် သွေးဆုံးချိန်ဖြစ်ပေါ်တဲ့ လက္ခဏာတွေပါ သက်သာသွားကြောင်း တွေ့ရပါတယ်။
သိုင်းရွိုက်အားနည်းခြင်းက ဘယ်အချိန်မှာမဆို ဖြစ်ပွားတတ်ပေမယ့် သက်လတ်ပိုင်းအရွယ် အမျိုးသမီးတွေမှာ အဖြစ်များပါတယ်။ အောက်ပါလက္ခဏာတွေ တွေ့ရတတ်ပါတယ်။
သွေးဆုံးခြင်းလက္ခဏာတွေကတော့ အောက်ပါအတိုင်း ဖြစ်ပါတယ်။
သိုင်းရွိုက်ရောဂါက သွေးဆုံးခြင်းရဲ့ နောက်ဆက်တွဲပြဿနာတွေကို ပိုဆိုးစေနိုင်ပါတယ်။ အဖြစ်အများဆုံးကတော့ အရိုးပွခြင်း ဖြစ်ပါတယ်။ သိုင်းရွိုက်အလုပ်လုပ်တာ အားနည်းခြင်းကလည်း အရိုးပွစေပါတယ်။ နောက်ဖြစ်တတ်တာကတော့ နှလုံးနဲ့သွေးကြောရောဂါတွေ ဖြစ်ပါတယ်။ သိုင်းရွိုက်ဟော်မုန်း အားနည်းခြင်း ကလည်း နှလုံးရောဂါတွေကို ဦးတည်စေပါတယ်။
သိုင်းရွိုက်ရောဂါလို့ သံသယရှိရင်၊ သွေးဆုံးချိန်လက္ခဏာတွေ ကြုံနေရရင် ဆရာဝန်နဲ့ ပြသသင့်ပါတယ်။ အကြောင်းအရင်း မယ်မယ်ရရမရှိဘဲ ပင်ပန်းနွမ်းနယ်နေရင်၊ အားနည်းနေရင်၊ ကိုယ်အလေးချိန် အပြောင်းအလဲဖြစ်ရင် ဆရာဝန်ပြသင့်ပါတယ်။ လိုအပ်ရင် ဟော်မုန်းဆိုင်ရာ အထူးပြုဆရာဝန်တွေနဲ့ ပြသရပါလိမ့်မယ်။
ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။
ရာသီစက်ဝန်းကို လေ့လာနိုင်ပါသည်။ မျိုးအောင်နိုင်မယ့်ရက်ကို တွက်ချက်ပြီး ကလေးယူဖို့ ဒါမှမဟုတ် တားဆေးသုံးဖို့ ဆုံးဖြတ်နိုင်ပါသည်။
ရာသီစက်ဝန်း ရက်အရေအတွက်
(days) ရက်
ရာသီရက်စုစုပေါင်း
(days) ရက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
https://www.healthline.com/health/menopause/thyroid-and-menopause Accessed Date 13 May 2020
အကြံပြုလိုသည့် ဆောင်းပါးများ
