အသားဖြူချင်သူတွေ လုပ်မိနေတဲ့အမှား (၁၁)ခု

အရှေ့တိုင်းယဉ်ကျေးမှုမှာ အသားဖြူခြင်းကို နှစ်သက်ကြပြီး မိန်းကလေးတွေက အသားဖြူစေမယ့် နည်းလမ်းတွေကို ရှာဖွေ လုပ်ဆောင်လာကြပါတယ်။ ဒါ့ကြောင့် အခုနှစ်ပိုင်းတွေမှာ အသားဖြူစေတဲ့ နည်းလမ်းတွေ အာရှမှာ အရမ်း ခေတ်စားလာပါတယ်။ ဒါပေမယ့် အသားဖြူဆေး အမျိုးမျိုးမှာပါတဲ့ ပါဝင်ပစ္စည်းတွေရဲ့ ဘေးကင်းစိတ်ချရမှု နဲ့ပတ်သက်ပြီး မေးခွန်းထုတ်စရာ ဖြစ်နေဆဲပါ။

ဈေးကွက်မှာရှိနေတဲ့ အရည်အသွေး အမျိုးမျိုးနဲ့ အသားဖြူဆေးတွေမှာhydroquinine၊ ပြဒါးနဲ့ စတီးရွိုက်တို့လို ဓါတုပစ္စည်းတွေ ထည့်သွင်းလေ့ရှိပါတယ်။ ဒီဓါတ်တွေကို နိုင်ငံတချို့မှာ အသုံးပြုခွင့် တားမြစ်ထားပေမယ့် hydroquinine ကိုတော့ ဆရာဝန်တွေက ဆေးညွှန်းမှာ သုံးနေပါသေးတယ်။

အရေပြားနဲ့ခန္ဓါကိုယ်ကို အဆိပ်သင့်ဓါတ်ပစ္စည်းတွေနဲ့ ထိတွေ့ရတဲ့ အကြီးဆုံး အန္တရာယ်ကတော့ အချိန်ကြာလာတဲ့အမျှ သူတို့က ဘေးထွက်ဆိုးကျိုး များလာပြီး အသားအရေ အရောင် ပြောင်းလဲခြင်း၊ အာရုံကြောစနစ် လုပ်ဆောင်ချက် ချို့ယွင်းခြင်းနဲ့ ကင်ဆာဖြစ်နိုင်ခြေတို့ အပါအဝင် ပြင်းထန်တဲ့ ကျန်းမာရေးပြဿနာတွေ ရှိလာစေနိုင်ပါတယ်။

အသားဖြူချင်သူတွေ လုပ်မိနေတဲ့အမှား (၁၁)ခု

အသားဖြူချင်သူတွေ ထဲမှာ အတော်များများက အမှားတွေ လုပ်မိတတ်ပါတယ်။ အသားဖြူဖို့ပဲ အာရုံထားပြီး သတိပေးချက်တွေကို ဂရုမပြုမိကြတာကြောင့် အရေပြားအပေါ် ကောင်းကျိုးထက် ဆိုးကျိုးတွေပဲ ဖြစ်နေစေပါတယ်။ အသားဖြူဆေးတွေ၊ bleaching productsတွေ အများကြီး ဈေးကွက်မှာ ပျံ့နှံ့နေပြီး အသုံးပြုသူလည်း များလာပါတယ်။ ဒါပေမယ့် အရည်အသွေးနဲ့ ဘေးဥပါဒ် ကင်းရှင်းမှုအတွက်တော့ အာမခံချက် မရှိတာ များနေပြီး အသားအရေတွေ ပျက်စီးကုန်တာ၊ အရေပြား ထိလွယ်ရှလွယ် တုံ့ပြန်မှု လွန်ကဲကုန်တာနဲ့ ပြန်ပြင်လို့ မရလောက်အောင် ထိခိုက်ပျက်စီးစေတာတွေ အထိတောင် ဖြစ်တတ်ပါတယ်။

အသားဖြူဆေးတွေ မသုံးဘဲ ပုံမှန်အလှကုန်တွေ၊ အသားအရေထိန်းသိမ်းရေး ပစ္စည်းတွေကိုပဲ သုံးမယ်ဆိုလည်း သုံးစွဲပုံ နည်းလမ်းမကျရင်၊ မမှန်ကန်ရင် အကျိုးမထူးတဲ့အပြင် အသားအရေကိုပါ ထိခိုက်စေနိုင်ပါတယ်။ တကယ်တမ်းက နည်းပေါင်းစုံ စမ်းလုပ်ကြည့်လို့ အရေပြား ထိခိုက်ရတာထက် skin care ကောင်းကောင်းလေးသုံးပြီး အသားအရေကို အားဖြည့်၊သန့်စင်ပေးဖို့ အာရုံစိုက်မယ်ဆိုရင် အသားဖြူဆေးဆိုတာ မလိုလောက်တော့ ပါဘူး။ အလှတရားဟာ ဖြူစင်ကျန်းမာတဲ့ အသားအရေမှာပဲ ရှိပါတယ်။ ဒါ့ကြောင့် ကိုယ့်ရဲ့နေ့စဉ် skin care အသုံးပြုပုံတွေမှာ အောက်ပါ အမှားတွေကို မလုပ်မိဖို့ သတိထားဆင်ခြင်ရင် အကျိုးထူးစေမှာပါ။

• ပြဒါးပါတဲ့ လိုးရှင်းတွေ၊ခရင်မ်တွေကို အသုံးပြုခြင်း – ဒီလို ပြဒါးပါဝင်တဲ့ ကုန်ပစ္စည်းတွေက ကောင်းကျိုးထက် ဆိုးကျိုးကို ပိုဖြစ်စေပါတယ်။
• သင့်တော်တဲ့ ရေဓါတ်ထိန်းသိမ်းမှုမလုပ်ခြင်း –ရေဓါတ် မထိန်းသိမ်းဘဲနဲ့ သုံးမယ်ဆိုရင် အသားဖြူစေတဲ့ ဘယ်အလှပစ္စည်းကမှ ထိရောက်မှု ရှိမှာမဟုတ်ပါဘူး။ အသားအရေ ကျန်းမာလှပစေဖို့ ရေအလုံအလောက် သောက်ပါ။
• ကိုယ်အ့အသားအရေနဲ့ မကိုက်ညီတဲ့ အသားဖြူဆေးတွေ အသုံးပြုခြင်း – အသားဖြူစေတဲ့ ဆေးတွေ၊ ခရင်မ်တွေ သုံးရင် အာမခံချက်ရှိတဲ့ အမျိုးအစားကိုသာ ထည့်စဉ်းစားပါ။ ပါဝင်မှုစာရင်းကို label မှာ သေချာ ကြည့်ရှုပါ။ ဖြစ်လာနိုင်တဲ့ ဘေးထွက်ဆိုးကျိုးတွေကို သေချာလေ့လာပါ။ ကိုယ်နဲ့မကိုက်ညီတာကို သုံးနေတာက အန္တရာယ် များလွန်းပါတယ်။ အသားဖြူပြီးရော တွေ့ကရာ အမှတ်တံဆိပ်တွေ လျှောက်သုံးပြီး ကိုယ့်ရဲ့ တန်ဖိုးရှိတဲ့ အသားအရေကို ထိခိုက်စေအောင် မလုပ်သင့်ဘဲ ဂုဏ်သိက္ခာရှိ နိုင်ငံတကာ အမှတ်တံဆိပ်တွေကိုသာ ရွေးချယ် အသုံးပြုသင့်ပါတယ်။
• exfoliation မလုပ်ခြင်း – အရေပြားဆဲလ်သေဖယ်ရှားတဲ့ exfoliation ကိုမလုပ်ဘဲနဲ့တော့ သင့်ရဲ့အသားဖြူရေး ရည်မှန်းချက်က ရလဒ်ကောင်းကောင်းထွက်မှာ မဟုတ်ပါဘူး။ ဆဲလ်သေဖယ်ရှားရင် အသားအရေကို သဘာဝအတိုင်း လင်းလက်လာစေနိုင်လို့ပဲ ဖြစ်ပါတယ်။
• နေလောင်ခံခရင်မ်မသုံးခြင်း -sunscreen မသုံးဘဲ ဆိုရင်လည်း အသားအရေ ထိန်းသိမ်းစောင့်ရှောက်မှုက မပြည့်စုံနိုင်ပါဘူး။ နေလောင်ဒဏ်ကို မကာကွယ်နိုင်တာကြောင့် အသားဘယ်လို ဖြူနိုင်ပါ့မလဲ။
• ကိုယ်သုံးတဲ့ပစ္စည်းရဲ့ပါဝင်ပစ္စည်းတွေကိုမသိရှိခြင်း – ဒီလို သိမထားဘဲ label ကိုဖတ်မကြည့်ဘဲ သုံးနေတာက အသားအရေအတွက် စွန့်စားလွန်းရာကျပါလိမ့်မယ်။ ကိုယ်နဲ့ မတည့်တဲ့ပစ္စည်းတွေ ဒါမှမဟုတ် ဆိုးကျိုးပေးနိုင်တဲ့ ပစ္စည်းတွေကို သုံးမိတဲ့အခါ ဖြစ်လာမယ့် အကျိုးဆက်က မကောင်းပါဘူး။
• အရင်မစမ်းသပ်ဘဲ အသုံးပြုခြင်း – လက်မှာ အရင်မစမ်းကြည့်ဘဲ ဘယ်လိမ်းဆေးခရင်မ်ကိုမှ တစ်ကိုယ်လုံး မလိမ်းပစ်ပါနဲ့၊ ကိုယ်မသုံးဖူးသေးတဲ့ ဘယ် skin care ကိုမှ မျက်နှာမှာ ချက်ချင်း တန်းမသုံးပါနဲ့။ လူသိနည်းတဲ့ ၊ထုတ်လုပ်မှုဆိုင်ရာအချက်အလက်တွေ မခိုင်မာတဲ့ ပစ္စည်းတွေဆို ပိုဆိုးပါတယ်။ ဘာပဲဖြစ်ဖြစ် ဓါတ်တည့်၊ မတည့် အရင်စမ်းသပ်ကြည့်ပြီးမှ သုံးပါ။
• facial wipesတွေသုံးလွန်းတာ – မျက်နှာသုတ်တဲ့ wet tissueတွေ၊ facial wipeတွေက အသားအရေ ထိန်းသိမ်းမှုအတွက် အထောက်အကူ မပေးနိုင်ဘူးဆိုတာ သတိရပါ။ ခရီးသွားရင်း၊ လမ်းသွားရင်း အရေးပေါ်သာ မျက်နှာသန့်စင်ရေးအတွက် အသုံးဝင်ပေမယ့် အများစုက အရေပြားအပေါ်ယံအလွှာနုလေးတွေကို ပျက်စီးစေပြီး အသားအရေ ကြမ်းတမ်းစေပါတယ်။
• မိတ်ကပ်အထူကြီးမလိမ်းပါနဲ့ – တချို့က ထင်ကြပါတယ်။ မိတ်ကပ်များများ လိမ်းရင် ပိုလှလိမ့်မယ်၊ မျက်နှာ ပိုဖြူလိမ့်မယ်လို့။ ဒါပေမယ့် တကယ်တော့ ဆန့်ကျင်ဘက်ပါ။ မိတ်ကပ်ကို အများကြီး အထူကြီး မလိမ်းသင့်ပါဘူး။ အောက်ခံမိတ်ကပ်နဲ့ အသားဖြူခရင်မ် ခံလိမ်းတာများလွန်းရင် အသားမဖြူစေနိုင်ပါဘူး။နောက်ဆုံးမှာ အသားအရေနဲ့ ထိတွေ့မှုများလွန်းရင် အသားဖြူဝင်းလာမယ့်အစား ထိခိုက်ပျက်စီးမှု ပိုများစေပါတယ်။
• မျက်နှာနဲ့ ခန္ဓါကိုယ်သန့်စင်ရေး လုပ်တာများလွန်းခြင်း – တချို့လူတွေက ကိုယ့်အသားအရေ နဲ့ပတ်သက်ပြီး အရမ်း အာရုံထားလွန်းတတ်ပါတယ်။ မကြာခဏ ရေချိုး၊ ချေးတွန်းပွတ်တိုက်လွန်းတာ၊ သန့်စင်တာ၊ မျက်နှာ ခဏခဏသစ်တာ၊ scrub သုံးလွန်းတာတွေ လုပ်ရင် အညစ်အကြေးကင်းစင်ပြီး ဖြူစင်လှပတဲ့ အသားအရေရနိုင်လိမ့်မယ်လို့ ထင်ကြပါတယ်။ တကယ်တော့ cleansing products တွေနဲ့ ဆပ်ပြာတွေ မကြာခဏ ထိတွေ့ရလွန်းတာတွေ မဖြစ်သင့်ပါဘူး။ cleanser သုံးတာများလွန်းရင် အသားအရေ ပျက်စီးနိုင်ပါတယ်။
• Exfoliation ဆဲလ်သေဖယ်ရှားခြင်းကို အလွန်ပြုလုပ်ခြင်း – exfoliation လုပ်တာက အသားအရေအတွက် ကောင်းပါတယ်။ ဒါပေမယ့် သိပ်များလွန်းရင်လည်း ကောင်းကျိုးမပေးနိုင်တော့ပါဘူး။ ဘယ်အရာကိုမဆို တန်ဆေးလွန်ဘေး ဆိုတာလေး သတိချပ်စေချင်ပါတယ်။ တစ်ခုရှိတာက တုံ့ပြန်လွယ်တဲ့ အသားအရေရှိသူ အမျိုးသမီးတွေအတွက်exfoliation လုပ်ဖို့ မသင့်တော်ဘူးဆိုတာပါပဲ။

ဒီအချက်တွေကို ဖတ်ကြည့်ရင်းနဲ့ အသားအရေဖြူဝင်းစေဖို့ အဖြေတစ်ခုတွေ့ရှိကြမှာပါ။ အသားဖြူစေဖို့ဆေးတွေဘာတွေ အပြင်းအထန်လုပ်နေစရာမလိုဘဲ skin careကောင်းကောင်းတွေကို နည်းလမ်းမှန်စွာသုံးရင် အသားအရေသန့်စင်ကြည်လင်ပြီး အလိုလိုဖြူဝင်းလှပလာစေမယ်ဆိုတာပါပဲ။ အရွေးမမှားဖို့တော့လိုတာပေါ့နော် အသားရေဖြူစင်ဝင်းပလာစေဖို့အတွက်ဆိုရင် စိတ်ရှည်လက်ရှည်နဲ့ အသေအချာ ဂရုစိုက်ပြုလုပ်ရပါတယ်။ဖြူရင်ပြီးရောဆိုပြီး အရည်အသွေးမပြည့်တာတွေ၊ စိတ်မချရတာတွေ သွားသုံးမိရင် ဆိုးကျိုးတွေအများကြီးနဲ့ ကြုံတွေ့နိုင်ရလို့ ယုံကြည်စိတ်ချရပြီး အရည်အသွေးအာမခံထားတဲ့ အမှတ်တံဆိပ်တွေကိုသာရွေးချယ်အသုံးပြုဖို့ တိုက်တွန်း လိုက်ပါတယ်။