သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

မနေနိုင် မထိုင်နိုင်အောင် ခေါင်းယားရတာ ဘာကြောင့်လဲ ။ ။

မနေနိုင် မထိုင်နိုင်အောင် ခေါင်းယားရတာ ဘာကြောင့်လဲ ။  ။

ခေါင်းယားတယ်၊ ခေါင်းယားတယ်ဆိုတာ တကယ်ကို ခံစားရခက်ပြီး စိတ်ရှုပ်ရတဲ့ အရာတစ်ခုပါ။ ကုတ်လေ ယားလေနဲ့ ကုတ်လေ ယားလေနဲ့ သံသရာလည်နေတော့တာပါပဲ ။ လူတိုင်းက ခေါင်းယားတယ်ဆိုတာနဲ့ ဗောက်ထတာကိုပဲ ပြေးမြင်တတ်ကြပါတယ်။ တကယ်တော့ ဗောက်ထတာ အပြင် ခေါင်းယားစေတဲ့ အခြား အကြောင်း အရင်းများစွာ ရှိပါတယ်။ ဘာတွေလဲ ။ ။

ဗောက်ထခြင်း ။ ။

ဗောက်ထခြင်းဟာ ဦးရေပြား ယားယံခြင်းကို ဖြစ်စေတဲ့ အဖြစ်အများဆုံး အကြောင်းအရင်းတစ်ခုပါ။ ကုတ်လိုက်ရင်ပဲဖြစ်ဖြစ် ဒီအတိုင်းနေရင် ပဲဖြစ်ဖြစ် ဆံပင် မဲမဲလေးတွေ ပေါ်မှာ ကပ်နေတဲ့ အဖြူဖပ်တွေကြောင့် သင့်ကို နှုတ်ခေါင်းရှုံ့ကြမယ့် သူတွေ အများကြီးပါ။

ဦးရေပြား ခြောက်သွေ့ခြင်း ။ ။

ခြောက်သွေ့နေတဲ့ အရေပြားတစ်ခုဟာ ယားယံခြင်းကို ဖြစ်စေတယ်ဆိုတာ အားလုံးအသိပါ။ ဦးရေပြားဟာလည်း အရေပြားတစ်မျိုးဖြစ်တဲ့အတွက် ခြောက်သွေ့တဲ့ ဦးရေပြားဟာ သင့်ကို ခေါင်းယားစေမှာပါ ။

သန်းတွယ်ခြင်း ။ ။

ခေါင်းမှာ သန်းတွယ်ြပီဆိုတာနဲ့ နေလို့ထိုင်လို့ မရအောင် ယားယံခြင်း ဝေဒနာကိုခံစားရတတ်ပါတယ်။ သန်းတွေဆိုတာ မျိုးပွားနှုန်းလည်း အင်မတန်မြန်ပြီး ဦးရေပြားက သွေးကိုစုပ်ပြီး အသက်ရှင်ကြတာကြောင့် တစ်ကောင်မှမကျန်အောင် သတ်ရတာ အင်မတန်ခက်ခဲပါတယ်။

Psoriasis (အရေပြားလေးဖက်နာ)

ခုခံအားနဲ့ သက်ဆိုင်တဲ့ ရောဂါတစ်ခုဖြစ်တဲ့ Psoriasis ဟာ သင့်အရေပြားကိုရော ဦးရောပြားကိုရော အနီကွက်တွေ ဖြစ်စေပြီး ခြောက်သွေ့စေတဲ့အတွက် ယားယံခြင်းကို ဖြစ်စေပါတယ်။

ဓါတ်မတည့်ခြင်း ။ ။

ဆံပင်ဆိုးဆေး တွေကြောင့် ဓါတ်မတည့်မှုတွေ ဖြစ်ပြီး ဦးရေပြား ယားယံတတ်ပါတယ်။

ဘယ်အချိန်ဆို စပြီး စိုးရိမ်သင့်တာလဲ ။ ။

လူတိုင်းခေါင်းယားတတ်ကြလို့ ခေါင်းယားတာဟာ သာမန်ဆိုရင်တော့ အရမ်းကြီးစိုးရိမ်စရာ မရှိတဲ့ ကိစ္စတစ်ခုပါ။ ဒါပေမယ့် ခုပြောပြတဲ့ အချက်တွေ သင့်မှာ ရှိနေပြီဆိုရင်တော့ ခေါင်းယားတာဟာ စိုးရိမ်ရတဲ့ အနေအထား တစ်ခုဖြစ်လာပါပြီ။ ။

  • ဗောက်ပျောက်စေတဲ့ ခေါင်းလျှော်ရည် တွေ သုံးနေပေမယ့် မသက်သာလာတာ။
  • ခုနလေးတင် ခေါင်းလျှော်လိုက်ပေမယ့် ခနနေ ခေါင်းပြန်ယားတာ
  • ခေါင်းယားတာကြောင့် ညဘက် အိပ်ပျက်တာ၊ အလုပ်မှာ အာရုံမစိုက်နိုင်တော့တာ
  • ခေါင်းမှာ သန်းတွေကိုမြင်နေရတာ
  • အချိန်ပြည့်ခေါင်းယားနေတာ
  • ယားနေတဲ့ နေရာက ထိလိုက်ရင် အောင့်နေတာ၊ ဖုနေတာ မျိုးတွေ ဖြစ်ပြီဆို သာမာန် ဗောက်ထတာမျိုး မဟုတ်တော့ပါဘူး။ ဒီလို အချက်တွေရှိနေပြီဆိုရင်တော့ ပေါ့ဆမနေဘဲ အရေပြား ဆရာဝန်ဆီသွားပြတာကသာ အကောင်းဆုံးပါ။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Dr. Thin Yadanar @ Frances မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။