အသားအရေစိုပြေမှုကလည်း အလှကြိုက်တဲ့သူတွေအဖို့ အလှတိုးစေတဲ့ အချက်တစ်ခုပေါ့။ အသားခြောက်တဲ့အခါ ထိခိုက်နိုင်ခြေများသလို ဘာပဲဝတ်ဝတ် ဘယ်လိုပဲပြင်ပြင် ထင်သလောက်ကြည့်မကောင်းတာတော့ အမှန်ပါ။ အသားခြောက်တာက ဒီလောက်နဲ့တင်ပြီးသွားလားဆိုတော့ မဟုတ်သေးပါဘူး။ အသားခြောက်တာကြောင့် မလိုအပ်တဲ့နောက်ဆက်တွဲပြဿနာတွေလည်းဖြစ်လာနိုင်ပါတယ်။
အသားခြောက်တယ်ဆိုတာ
အသားခြောက်တယ်ဆိုတာက အပေါ်ယံအရေပြားလွှာမှာရေဓါတ်လုံလောက်စွာမရရှိတာကြောင့်ဖြစ်လာတဲ့ အရေပြားပြဿနာတစ်ရပ်ပါ။ အရေပြားမှာ အဆီနည်းတာကြောင့်လည်း အသားခြောက်တတ်ပါတယ်။ အမျိုးသားရော အမျိုးသမီးပါဖြစ်နိုင်တဲ့ အရေပြားပြဿနာတစ်ခုပါ။ အသက်အရွယ်ကြီးရင့်လာတဲ့ သူတွေမှာပိုအဖြစ်များပါတယ်။ အပေါ်ယံအရေပြားက ခန္ဓါကိုယ်ကို အကာကွယ်ပေးထားတဲ့ ရှေ့တန်းခံစစ်ပါ။
အပေါ်ယံအရေပြားခြောက်သွေ့ကွဲအက်မှုကပြင်ပက ဘက်တီးရီးယားတွေကို ကိုယ်တွင်းကို တံခါးမရှိ ဓါးမရှိပေးဝင်ခွင့်ပေးလိုက်သလိုဖြစ်သွားနိုင်ပါတယ်။ ဒါကြောင့် အသားအရေခြောက်တာကိုသေချာလေးဂရုစိုက်ဖို့လိုပါမယ်။
ဒါတွေကြောင့် အသားခြောက်နိုင်ပါတယ်
အသားခြောက်စေနိုင်တဲ့ အချက်ကတစ်ချက်မကရှိနေနိုင်ပါတယ်။နေ့စဉ်ထိတွေ့နေတဲ့ပြင်ပကအရာတွေကြောင့် အသားခြောက်နိုင်သလိုရောဂါအခြေအနေတစ်ရပ်ရပ်ကြောင့်လည်း အသားခြောက်နိုင်ပါတယ်။
- ဆပ်ပြာအပြင်းစားတွေနဲ့ အလွန်အကျွံသန့်စင်တာ
- အယ်လ်ကိုဟောပါတဲ့ သန့်စင်မှုပစ္စည်းတွေအသုံးပြုတာ
- ရာသီဥတုအေးတာ
- ပတ်ဝန်းကျင်လေထုထဲမှာ စိုထိုင်းဆနည်းနေတာ
- ပတ်ဝန်းကျင်အပူချိန်တို့ကြောင့် အသားအရေခြောက်သွေ့နိုင်ပါတယ်။ ဒါတွေက အသားအရေခြောက်သွေ့မှုအပေါ် သက်ရောက်နေတဲ့ပြင်ပကအကြောင်းအရာတွေပါ။
ဒါတွေအပြင်
- ကျန်းမာရေးပြဿနာတစ်ခုခုခံစားနေရတာ
- အသက်အရွယ်ကြီးရင့်လာတာ
- မျိုးရိုးရှိတာ
- သိုင်းရွိုက်ရောဂါတစ်ခုခုခံစားနေရတာ
- ရေအကြာကြီးချိုးတတ်တာ
- ဆေးဝါးတွေသောက်သုံးနေရတာတွေကြောင့်လည်း အသားအရေခြောက်သွေ့နိုင်ပါတယ်။
အသားအရေခြောက်သွေ့မှုက ဘယ်နေရာတွေမှာ အဓိကဖြစ်လဲ…
အသားအရေခြောက်သွေ့မှုက အရေပြားရှိတဲ့နေရာတိုင်းမှာဖြစ်နိုင်ပါတယ်။ အထူးသဖြင့်ကတော့
- လက်မောင်း
- လက်ဖဝါး
- ခြေဖဝါး
- ပါး
- နှုတ်ခမ်းတွေက အခြားနေရာတွေထက်ပိုပြီးခြောက်သွေ့ကြပါတယ်။ တံတောင်ဆစ်နဲ့ဒူးခေါင်းတို့မှာလည်း အရေပြားခြောက်သွေ့နိုင်ပါတယ်။
အရေပြားခြောက်သွေ့မှုရဲ့နောက်ဆက်တွဲ ဘာတွေဖြစ်လာနိုင်လဲ…
အရေပြားရဲ့ အပေါ်ယံလွှာကို အဆီ၊ ပရိုတင်းတို့နဲ့အဓိက ဖွဲ့စည်းထားပါတယ်။
ဒီအပေါ်ယံအရေပြားလွှာက အရေပြားတစ်ခုလုံးကိုရေဓါတ်မဆုံးရှုံးအောင် ထိန်းသိမ်းကာကွယ်ပေးထားတာပါ။
လိုအပ်တဲ့ ပရိုတင်းကို အပြည့်အဝမရရှိတဲ့အခါ အသားအရေကခြောက်သွေ့လာပါတယ်။ ဒီလိုခြောက်သွေ့လာမှုကပဲ အရေပြားမှာ
- အသားအရေခြောက်သွေ့မှုကြောင့် ယားယံတာ၊ အရေပြားအဖတ်ဖတ်တွေလန်တာ
- အဖုအပိမ့်တွေထွက်တာ၊
- ယားယံမှုကြောင့် ကုတ်မိရာကနေ အရေပြားအပေါ်ယံလွှာထိခိုက်ပြီး ပိုးဝင်တာ၊
- အသားအရောင်မညီတာ နဲ့
- အခြားအရေပြားပြဿနာအမျိုးမျိုးကိုဖြစ်စေနိုင်ပါတယ်။ အပြင်းထန်ဆုံးအနေနဲ့ကတော့ အရေပြားရောင်ရမ်းတာနဲ့ နှင်းခူလိုမျိုး အရေပြားပြဿနာတွေခံစားရနိုင်တာပါပဲ။
အသားအရေခြောက်သွေ့တာကို သက်သာအောင်လုပ်လို့ရလား…
အနာသိရင်ဆေးရှိတယ်ဆိုတဲ့စကားအတိုင်း အသားအရေခြောက်သွေ့တာကို ကုသလို့ရပါတယ်။နေ့စဉ်လုပ်ဆောင်မိနေတဲ့ အပြုအမူလေးတွေကိုပြင်ဆင်မယ်၊ လိုအပ်တဲ့ အသားအရေစောင့်ရှောက်မှုတွေကိုလုပ်ပေးမယ်ဆိုရင် အသားအရေခြောက်သွေ့မှုပြဿနာကို အထိရောက်ဆုံးဖြေရှင်းနိုင်မှာပါ။
ရေနွေးနဲ့ရေမချိုးပါနဲ့ -ရေနွေးနဲ့ရေချိုးတာက အသားအရေကိုခြောက်သွေ့စေနိုင်တဲ့အဓိက အကြောင်းအရင်းတွေထဲကတစ်ခုပါ။
ရေအကြာကြီးမချိုးပါနဲ့ -ရေကို ၅မိနစ် မှ ၁၀ မိနစ်ထက်ပိုပြီး မချိုးသင့်ပါဘူး။ရေချိုးချိန်ကြာတာကလည်း အသားအရေကိုခြောက်သွေ့စေနိုင်ပါတယ်။
ဆပ်ပြာသတိထားရွေးချယ်ပါ – အသားအရေကိုခြောက်သွေ့မှုကင်းပြီး ကျန်းမာစေချင်တယ်ဆိုရင် အစိုဓါတ်ထိန်းဆပ်ပြာနဲ့ရေချိုးပေးဖို့လိုပါမယ်။ အစိုဓါတ်ထိန်းတဲ့ ဆပ်ပြာရွေးရခက်နေတယ်ဆိုရင်တော့ အသားအရေခြောက်တဲ့သူတွေအတွက် အဓိကထုတ်ထားတဲ့ BIODERMA Atoderm Intensive Gel Moussant (Foaming Gel) ရှိပါတယ်။ အသားအရေခြောက်သွေ့မှုကင်းစေပြီး ယားယံမှုမဖြစ်အောင်ကာကွယ်ပေးနိုင်ပါတယ်။
အစိုဓါတ်ထိန်းပေးပါ – အစိုဓါတ်ထိန်းခရင်မ်တစ်မျိုးမျိုးလူးပေးဖို့ကိုလည်းမေ့ထားလို့ မဖြစ်ပါဘူး။ရေချိုးပြီးတိုင်း အသားအရေကို အစိုဓါတ်ထိန်းပေးနိုင်တဲ့ ခရင်မ်တစ်ခုခုလူးပေးဖို့လိုပါတယ်။ ဒီလိုလူးတဲ့အခါမှာလည်း အသားအရေခြောက်တတ်သူဆိုရင် BIODERMA Atoderm Intensive Baume အစိုဓါတ်ထိန်းခရင်မ်ကို လူးပေးလို့ရပါတယ်။ အသားအရေကိုခြောက်သွေ့မှုကင်းစေပြီး အရေပြားယားယံမှုကိုပါ သက်သာစေပါတယ်။၂၄ နာရီလုံးအသားအရေကို အထိရောက်ဆုံး ကာကွယ်ပေးနိုင်မှာပါ။
တဘက်စနုနုလေးနဲ့ ရေသုတ်ပါ -ခြောက်သွေ့တဲ့ အသားအရေက ထိခိုက်လွယ်ပါတယ်။ ဒါကြောင့်ရေချိုးပြီးတိုင်းရေသုတ်တဲ့အခါ တဘက်စနုနုလေးနဲ့ ခပ်ဖွဖွလေးပဲ သုတ်ပေးပါ။
မကုတ်ပါနဲ့ -အသားအရေခြောက်သွေ့တဲ့အခါ ယားယံနိုင်ပါတယ်။ ဒီလိုအခြေအနေမျိုးမှာ အသားအရေကိုကုတ်ဖဲ့တာမျိုးက အပေါ်ယံအရေပြားလွှာကို ပျက်စိးစေပြီး အရေပြားအတွင်းပိုင်းထဲကို ဘက်တီးရီးယားတွေ အလွယ်တကူဝင်ရောက်သွားစေနိုင်ပါတယ်။
အစိုဓါတ်ထိန်းစက်ဖွင့်ထားပါ -အသားအရေခြောက်တတ်တယ်ဆိုရင်နေအိမ်မှာ အစိုဓါတ်ထိန်းစက်လေးတွေတပ်ဆင်ထားပေးတာကလည်း အသားအရေခြောက်သွေ့တာကို အထိရောက်ဆုံး ကာကွယ်ပေးနိုင်မှာဖြစ်ပါတယ်။
ရေများများသောက်ပါ -ရေဓါတ်ခမ်းခြောက်မှုကလည်း အသားအရေကိုခြောက်သွေ့စေတဲ့ အကြောင်းအရင်းတွေထဲကတစ်ခုပါ။ ဒါကြောင့် တစ်နေ့ကိုရေ ၈ ခွက်တော့ အနည်းဆုံးသောက်ပေးပါ။
အသားအရေခြောက်သွေ့မှုကင်းရုံနဲ့တင်ပြီးလားဆိုတော့ မဟုတ်သေးပါဘူး။ နှုတ်ခမ်းသားခြောက်သွေ့မှုကင်းဖို့လည်းလိုပါတယ်။ ဒါဆိုရင် ဘာလုပ်ရမလဲဆိုပြီး စိတ်ပူနေတာလား။ လေထုညစ်ညမ်းတာ၊ အစားအသောက်နဲ့ အရည်အသွေးမမှီတဲ့နှုတ်ခမ်းနီတွေကြောင့် ခြောက်သွေ့နေတဲ့ နှုတ်ခမ်းသားလေးတွေကျန်းမာစေဖို့အတွက် Atoderm Lip Stick ရှိပါတယ်။ နှုတ်ခမ်းသားအတွက်လိုအပ်တဲ့ အာဟာရတွေကိုဖြည့်တင်းပေးပြီး နှုတ်ခမ်းသားကိုနူးညံ့စိုပြေနေစေမှာပါ။
အသားအရေခြောက်သွေ့မှုကနောက်ဆက်တွဲပြဿနာတွေဖြစ်စေနိုင်တာကြောင့်သေချာလေးဂရုစိုက်လို့ လိုအပ်တဲ့ ကုသမှုတွေကိုလည်းသေသေချာချာခံယူပေးဖို့ တိုက်တွန်းပါရစေနော်…
Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
[embed-health-tool-bmi]
