ခုခံအားကျရောဂါကိုတော့ အင်္ဂလိပ်လို AIDS၊ အရှည်ကောက်ဆို Acquired Immune Deficiency Syndrome လို့ခေါ်ဆိုပါတယ်။ ရောဂါဖြစ်ရတာကတော့ HIV (Human Immunodeficiency Virus) လို့ခေါ်တဲ့ ဗိုင်းရပ်စ်ကြောင့်ပါ။ ဒါကြောင့် ရှင်းရှင်းပြောရရင် HIV ဆိုတာ AIDS ရောဂါဖြစ်စေတဲ့ပိုးဖြစ်ပြီး AIDS ဆိုတာက ရောဂါနာမည်ဖြစ်ပါတယ်။ ဒီနေ့အချိန်ထိ လူသားသန်းပေါင်း ၅၀ နီးပါးကို သေဆုံးစေခဲ့တဲ့ ဒီ HIV ရောဂါပိုးကို စတင်တွေ့ရှိခဲ့တာကတော့ ၁၉၅၉ ခုနှစ်၊ အာဖရိကတိုက်က ကွန်ဂိုသမ္မတနိုင်ငံမှာဖြစ်ပါတယ်။ ရောဂါပိုးရဲ့ မူလဘူတကို နောက်ယောင်ခံလေ့လာကြည့်တော့လည်း စိတ်ဝင်စားစရာအချက်ကိုတွေ့ရပါတယ်။ တကယ်တော့ HIV ပိုးက ချင်ပန်ဇီမျောက်နဲ့ တခြားမျောက်မျိုးစိတ်တွေကနေ လူတွေဆီ ရောက်ရှိလာတဲ့ ဗိုင်းရပ်စ်တစ်ခုဖြစ်တယ်ဆိုတာပါပဲ။
ချင်ပန်ဇီနဲ့ တခြားမျောက်မျိုးစိတ်တွေလည်း တိရစ္ဆာန်တွေပဲမို့ ပြင်ပရောဂါတွေကူးစက်ခံရတတ်ပါတယ်။ ဒီအထဲမှာမှ မျောက်တွေရဲ့ခန္ဓာကိုယ်ခုခံအားစနစ်ကိုတိုက်ခိုက်တဲ့ Simian Immunodeficiency Virus (SIV) လို့ခေါ်တဲ့ ဗိုင်းရပ်စ်ပိုးတစ်မျိုးရှိပါတယ်။ ပြောရရင် ဒီပိုးက HIV ဗိုင်းရပ်စ်ရဲ့ ရှေ့ပြေးဖြစ်ပါတယ်။ မျောက်မျိုးစိတ်အချင်းချင်း သတ်ဖြတ်စားသောက်တဲ့အခါ မျောက်တစ်ကောင်ရဲ့ SIV ပိုးဟာ နောက်တစ်ကောင်ဆီ ကူးစက်သွားပါတယ်။ ဒီလိုနဲ့ ဗိုင်းရပ်စ်ပိုး အချင်းချင်းပေါင်းမိပြီး ပိုအဆင့်မြင့်တဲ့ ဗိုင်းရပ်စ်ဖြစ်လာပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။