အဆုတ်သွေးကြော သွေးခဲပိတ်ခြင်း ဆိုတာ ဘာတွေဖြစ်မလဲ ဆိုတာ အတူတူ ကြည့်လိုက်ရအောင်နော်။
မှ အချက်အလက် စစ်ဆေးထားပါသည်။ Aye Thi Mon
အဆုတ်သွေးကြော သွေးခဲပိတ်ခြင်း ဆိုတာ ဘာတွေဖြစ်မလဲ ဆိုတာ အတူတူ ကြည့်လိုက်ရအောင်နော်။
ခြေထောက် သွေးပြန်ကြော ဒါမှမဟုတ် တခြားနေရာက သွေးပြန်ကြောတစ်ခုခုမှာ သွေးခဲလေး ပိတ်နေပြီး ဒီသွေးခဲလေးက ပဲ့ထွက်လာခဲ့ရင် သွေးကြောအတိုင်း အဆုတ်ကို ရောက်လာပြီး အဆုတ်သွေးလွှတ်ကြောမှာ သွားပိတ်တတ်ပါတယ်။ ဒီလို ပိတ်တဲ့အတွက် အဆုတ်ကို သွေးရောက်တာနည်းပြီး အောက်စီဂျင်ကျလာပါတယ်။ သွေးပိုရအောင် အဆုတ်သွေးကြောတွေက ဖိညှစ်ရတဲ့ အတွက် သိပ်မကြာခင်မှာ အဆုတ်သွေးကြောမှာ ဖိအားတွေ များလာပါတယ်။
အဆုတ်သွေးကြော သွေးခဲပိတ်တာက အန္တရာယ်ရှိတဲ့ အခြေအနေဖြစ်ပြီး အချိန်မီ မကုသနိုင်ရင် အသက်ဆုံးရှုံးတတ်ပါတယ်။
အဓိကကတော့ ခြေထောက်မှာရှိတဲ့ သွေးပြန်ကြောကနေ သွေးခဲတာက စတာပါ။ deep vein thrombosis (DVT) လို့ ခေါ်ပါတယ်။ ဒီသွေးခဲကနေ အစိတ်အပိုင်းလေး ပြုတ်ထွက်ပြီး အဆုတ်သွေးကြောမှာ လာဆို့တာကြောင့်ပါ။
များသောအားဖြင့် အဆုတ်သွေးကြော တစ်ချောင်းမက ပိတ်ထာကို တွေ့ရတတ်ပါတယ်။ ဒါကြောင့် သွေးကြောတစ်ချောင်းချင်းစီက ထောက်ပံ့ထားတဲ့ အဆုတ်က သွေးငတ်ပြီး ပျက်စီးလာပါတယ်။ ဒါကိုတော့ အဆုတ်ပုပ်သွားတယ်လို့ ပြောပါတယ်။ အဆုတ်ပျက်စီးသွားတဲ့အတွက် ခန္ဓာကိုယ်ရဲ့ ကျန်တဲ့ နေရာတွေကို အောက်ဆီဂျင်ပေးဖို့ ခက်ခဲလာပါတယ်။
ရှားရှားပါးပါး အဆုတ်သွေးကြောကို သွေးခဲ မဟုတ်ဘဲ တခြားဟာ ပိတ်တာလည်း ရှိပါတယ်။ ဥပမာ
-အရိုးကျိုးရာကနေ ရိုးတွင်းခြင်ဆီက ထွက်လာတဲ့ အဆီခဲ
-အကျိတ်ကနေ ပြုတ်ထွက်လာတဲ့ အပိုင်းအစ
-လေ စတာတွေနဲ့လည်း ပိတ်တတ်ပါတယ်။
တခြား နေထိုင်ပုံအနေနဲ့ ပြောရမယ်ဆိုရင်တော့
အဆုတ်သွေးကြောပိတ်တာကို အချိန်မီမကုသနိုင်တဲ့ လူတွေရဲ့ ၃ပုံ ၁ပုံလောက်က အသက်ဆုံးရှုံးသွားနိုင်ပါတယ်။ ဒါကြောင့် အချိန်မီကုသမှုက အရေးကြီးပါတယ်။
ဒါ့ပြင် သွေးကြောပိတ်တဲ့အတွက် ပိတ်တာကို ကျော်လွန်အောင် သွေးကြောတွေကို ညှစ်ရတဲ့အတွက် အဆုတ်ထဲမှာ သွေးဖိအားတွေ များလာပါတယ်။ နောက်ဆက်တွဲအနေနဲ့ နှလုံးမှာ ထိခိုက်လာပါတယ်။
ရှားရှားပါးပါး သွေးခဲက အဆုတ်သွေးကြောကို ချက်ချင်းပိတ်လောက်အောင် မကြီးတဲ့အတွက် အချိန်ကြာမှ ပိုပိုကြီးလာပြီး နာတာရှည် အဆုတ်သွေးကြော သွေးဖိအားများတာမျိုးလည်း ဖြစ်နိုင်ပါတယ်။
လက္ခဏာတွေကတော့ အဆုတ်သွေးကြော ဘယ်နှချောင်းလောက် ပိတ်တာလဲ၊ သွေးခဲက ဘယ်လောက်ကြီးသလဲ၊ ရောဂါအခံရှိသလားပေါ် မူတည်ပြီး အမျိုးမျိုး ခံစားရနိုင်ပါတယ်။ အတွေ့ရများတဲ့ လက္ခဏာတွေကတော့
တခြားလက္ခဏာတွေကတော့
အဆုတ်သွေးခဲပိတ်တာက ရောဂါရှာရခက်ပါတယ်။ အထူးသဖြင့် နဂိုတည်းက နှလုံးနဲ့ အဆုတ်မကောင်းတဲ့ သူတွေ မှာပေါ့။ ဒါကြောင့် ရောဂါရာဇဝင်မေးမြန်းတာ၊ လူနာကို စမ်းသပ်တာ၊ ဆေးစစ်ချက်တွေ လုပ်တာတွေ လိုအပ်ပါတယ်။ ဆေးစစ်ချက်တွေ အနေနဲ့
ကုသမှုရဲ့ အဓိက ရည်ရွယ်ချက်ကတော့ သွေးခဲဆက်ကြီးမလာဖို့၊ နောက်ထပ် သွေးခဲတွေ မပိတ်တွေ ထပ်မပိတ်ဖို့ပါပဲ။ ချက်ချင်းကုသမှုပေးပြီး အသက်မထိခိုက်အောင်၊ နောက်ဆက်တွဲဆိုးကျိုးတွေ မဖြစ်အောင် ကူညီဖို့ပါပဲ။
ဆေးဝါးအနေနဲ့ကတော့ သွေးခဲပျော်ဆေးတွေ၊ သွေးကျဲဆေးတွေ သုံးပါတယ်။ လိုအပ်ရင် ခွဲစိတ်ပြီး သွေးခဲကို ဖယ်ထုတ်ရပါမယ်။
အဆုတ်သွေးခဲ ပိတ်တာကို ဘယ်လိုကာကွယ်နိုင်မလဲ။
အဓိကကတော့ ခြေထောက်သွေးကြောကို သွေးခဲမပိတ်အောင် ကာကွယ်ရမှာပါ။ ဒါကြောင့်
အဆုတ်သွေးကြော သွေးခဲပိတ်ခြင်း က အခန့်မသင့်ရင် အသက်ဆုံးရှုံးနိုင်ပါတယ်။ ဒါကြောင့် လက္ခဏာတွေကို သတိပြုပါ။ ဝေဒနာခံစားနေရရင် ဆေးရုံကို အမြန်သွားပါ။ ကာကွယ်နည်းတွေကို လိုက်နာပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Aye Thi Mon
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။