home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

ဘယ်နှကြိမ်ထိ ဗိုက် ခွဲမွေး လို့ရလဲ

ဘယ်နှကြိမ်ထိ ဗိုက် ခွဲမွေး လို့ရလဲ

မိသားစုအစီအစဉ်လေး ဆွဲကြတဲ့အခါ ကလေး ၂ယောက်၊ ၃ယောက် ယူမယ်။ ဒါပေမယ့် ဗိုက်အနာမခံချင်လို့ ခွဲပဲမွေးမယ်လို့ တွေးထားကြသူတွေ ရှိပါတယ်။ ဒါနဲ့ တစ်ဆက်တည်း ဘယ်နှကြိမ်ထိ ခွဲမွေး လို့ရသလဲဆိုတာပါ ပါလာပါတယ်။ ၃ကြိမ်ထိပဲ ခွဲလို့ရတယ်။ ဒီထက်ကျော်ရင် ခွဲလို့မရဘူးလို့ ကြားဖူးကြမယ်လို့ ထင်ပါတယ်။

ဘယ်နှကြိမ်ထိ ဗိုက် ခွဲမွေး လို့ရသလဲ။

တကယ်တော့ ဘယ်နှကြိမ်ထိ ခွဲလို့ရတယ်ဆိုတာ တိတိကျကျ မရှိပါဘူး။ ၆ခါအထိ ခွဲမွေး ကြပြီး ဘာမှမဖြစ်တဲ့သူတွေပဲ ရှိသလို၊ ၂ခါမြောက်ခွဲအမွေးမှာ ပြဿနာတက်သွားကြတဲ့သူတွေလည်း ရှိပါတယ်။

ဒါကြောင့် ဘယ်နှကြိမ်ထိပဲ ခွဲမွေးလို့ရတယ်လို့ အတိအကျပြောလို့မရပါဘူး။

ခွဲမွေး လို့ရမရ ဘယ်လိုသိနိုင်မလဲ။

အရင်ဆုံးတော့ ကိုယ်ဝန်က အန္တရာယ်နည်းတဲ့ ကိုယ်ဝန်လား။ ရိုးရိုးမွေးလို့ရတဲ့ ကိုယ်ဝန်လားဆိုတာ အရင်စမ်းသပ်မေးမြန်းရပါတယ်။ အဆင်ပြေတယ်။ ရိုးရိုးမွေးလည်း ရတယ်။ ဒါပေမယ့် မိခင်က ရိုးရိုးမမွေးချင်ဘူး ခွဲမွေးချင်တယ်ဆိုမှ မိခင်ရဲ့ ဆန္ဒအတိုင်း လုပ်ပေးတာပဲ ဖြစ်ပါတယ်။

ခွဲမွေးမယ် မမွေးဘူးဆိုတာ ဆရာဝန်နဲ့ မိခင်တို့ရဲ့ ဆုံးဖြတ်ချက်တစ်ခုတည်း မဟုတ်ပါဘူး။ ကိုယ်ဝန်အနေအထားလည်း ပါပါသေးတယ်။ တချို့ကိုယ်ဝန်တွေက ခွဲမွေးမှ ဖြစ်မယ့်အခြေအနေမို့လို့ မွေးလိုက်ရတာတွေ ရှိပါတယ်။ မိခင်က ရိုးရိုးမွေးချင်ပါတယ်ဆိုရင်တောင် မရပါဘူး။

တစ်ခါခွဲမွေးပြီး နောက်တစ်ခါ ခွဲမွေးလို့ရမရ

ဒါက လက်ရှိကိုယ်ဝန်အပေါ် မူတည်ပါတယ်။ ခုနကပြောခဲ့တဲ့အချက်တွေနဲ့ပဲ ဆုံးဖြတ်ရမှာပါ။ ပိုကောင်းတာကတော့ ကိုယ်ဝန်မယူခင်တည်းက ဆရာဝန်နဲ့ တိုင်ပင်ပြီး ဘယ်လိုမျိုးမွေးရင်ကောင်းမလဲ။ ထပ်ပြီး ခွဲမွေးလို့ အဆင်ပြေနိုင်ပါ့မလားဆိုတာကို ကြိုတိုင်ပင်ထားသင့်ပါတယ်။

ခွဲမွေးလို့ရတဲ့အကြိမ်ရေ အတိအကျမရှိဘဲ မိခင်နဲ့ ကိုယ်ဝန်အနေအထားနဲ့သာ ဆိုင်တဲ့အတွက် ဖြစ်ပါတယ်။

ဒါဆို ခွဲမွေးပြီး ရိုးရိုးပြန်မွေးရင်ရော

ဒါကို vaginal birth after cesarean (VBAC) လို့ ခေါ်ပါတယ်။ ဒီလို ခွဲမွေး ပြီး ရိုးရိုးမွေးတာကလည်း အန္တရာယ်ရှိပါတယ်။ အခန့်မသင့်ရင် အရင်ခွဲထားတဲ့နေရာကနေ သားအိမ်ကွဲတတ်ပါတယ်။ American College of Obstetricians and Gynecologistsကတော့ ၂ခါနဲ့အထက် ခွဲမွေးထားတဲ့ မိခင်တွေက ရိုးရိုးမမွေးသင့်ဘူးလို့ ဆိုပါတယ်။

ထပ်ခါ ထပ်ခါ ခွဲမွေးမယ်ဆိုရင် ဒီအချက်တွေကို သတိထားပါ။

ကလေးမွေးတယ်ဆိုပေမယ့် ခွဲစိတ်နည်းပဲ ဖြစ်လို့ ခဏခဏ ခွဲရင် ဒီအချက်တွေ ဖြစ်လာနိုင်ခြေက မြင့်လာမှာပါ။

Takeaway

ဘယ်နှကြိမ်ပဲ ခွဲမွေးလို့ရတယ်ဆိုတာ အတိအကျမရှိပါဘူး။ အန္တရာယ်နည်းတယ်ဆိုရင်တော့ ခွဲမွေးလို့ရပါတယ်။ ဒီတော့ ရှေ့တစ်ခေါက် ခွဲမွေးထားဖူးရင် ဒီတစ်ခေါက် ဘယ်လိုမွေးသင့်လဲဆိုတာကို ကိုယ်ဝန်မယူခင်တည်းက ဆရာဝန်နဲ့ ကြိုတိုင်ပင်နိုင်ပါတယ်။

အရင်တတစ်ခါ ကိုယ်ဝန်ဆောင်တုန်း၊ မွေးတုန်းက ဘယ်လိုပြဿနာတွေ ရှိလဲဆိုတာပေါ် မူတည်ပြီး အကြမ်းဖျင်း ပြောပြပေးလို့ရပါတယ်။ ကိုယ်ဝန်ဆောင်တဲ့ တောက်လျှောက်လည်း ဆက်တိုက် စောင့်ကြည့်ဖို့ လိုပါတယ်။ သားအိမ်ခွဲကြောင်းအဟောင်းက ကွဲနိုင်ခြေရှိလား။ ဒီကိုယ်ဝန်အနေအထားက ခွဲမွေးမှ ဖြစ်မှာလား။ ရိုးရိုးမွေးလို့ ဖြစ်နိုင်လားဆိုတာကို ဆက်ပြီး စောင့်ကြည့်ရမှာ ဖြစ်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Dr. Htet Htet Zaw Win မှ ရေးသားသည်။ 4 ပတ် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။