သံဓါတ်က ခန္ဓါကိုယ်တွင်းမှာ အောက်ဆီဂျင်တွေကို သယ်ဆောင်ပေးတဲ့ သွေးနီဥတွေ ဖြစ်ပေါ်အောင် အထောက်အကူ ပြုပါတယ်။ ကလေးငတွေ ကြီးထွားဖွံ့ဖြိုးအောင်လည်း အထောက်အကူ ပြုပါတယ်။ သံဓါတ် မရရှိဘူး ဆိုရင်သွေးအားနည်းရောဂါကို ခံစားရနိုင်ပါတယ်။ သံဓါတ်ချို့တဲ့မှုနဲ့ သွေးအားနည်းခြင်းက ရောဂါပိုးတွေကို တိုက်ထုတ်နိုင်တဲ့ ကိုယ်ခံအားစနစ်ကို ချိနဲ့စေနိုင်တဲ့အတွက် ကိုယ်ခံအား ကောင်းနေဖို့ သံဓါတ်လိုအပ်ပါတယ်။
အသက် ၄ နှစ်ကနေ ၈ နှစ်အရွယ် ကလေးတစ်ဦး အနေနနဲ့ တစ်နေ့ကို သံဓါတ်ပမာဏ ၁၀ မီလီဂရမ်ဝန်းကျင် ရရှိဖို့ လိုအပ်မှာ ဖြစ်ပါတယ်။ ၈ နှစ်အထက် ကလးငယ်တွေအနေနဲ့ကတော့ တစ်နေ့ကို သံဓါတ်ပမာဏ ၈ မီလီဂရမ်လောက် ရရှိဖို့ လိုအပ်မှာ ဖြစ်ပါတယ်။
အနီရောင်အသား၊ ပဲအမျိုးမျိုး၊ အစိမ်းရောင် ဟင်းသီးဟင်းရွက်တွေ။ တူနာငါး၊ဥအမျိုးမျိုး၊ သံဓါတ်ပါဝင်တဲ့ကွေကာအုပ်လိုမျိုး အစားအစာတွေကနေ သံဓါတ်ကိုရရှိနိုင်ပါတယ်။
ကလေးတွေရဲ့ အရိုးတွေနဲ့သွားတွေကို ကြံ့ခိုင်သန်စွမ်းစေပါတယ်။ ကလေးငယ်တွေအနေနဲ့ ဗီတာမင် ဒီကိုနေ့စဉ်ရရှိဖို့လိုအပ်ပါတယ်။ ခန္ဓါကိုယ်က ကယ်လ်ဆီယမ်ကို စုပ်ယူရာမှာ အထောက်အကူပြုပေးပြီး အရိုးတွေကိုဖြစ်ပေါ်စေနိုင်ပါတယ်။
ဗီတာမင် ဒီက အစားအသောက်တွေထဲမှာ ပါဝင်တာ နည်းပါတယ်။ ဒါပေမယ့် နို့ထွက်ပစ္စည်းတွေနဲ့ ကွေကာအုတ်တွေမှာတော့ ပါလေ့ရှိပါတယ်။ ကလေးတွေ အနေနဲ့ နေရောင်ခြည်ကနေ ဗီတာမင် ဒီ ကိုရရှိနိုင်တယ် ဆိုပေမယ့် နေရောင်ခြည်နဲ့ အချိန်အများကြီး ထိတွေ့တာက အရေပြားကင်ဆာ ဖြစ်နိုင်ခြေကို တိုးစေပါတယ်။
အရိုးတွေကို ကြံ့ခိုင်သန်စွမ်းစေပါတယ်။
အသက် ၄နှစ်ကနေ ၈ နှစ်အရွယ် ကလေးတွေအနေနဲ့ တစ်နေ့ကို ကယ်လ်ဆီယမ်ပမာဏ ၁,၀၀၀ မီလီဂရမ်လောက်လိုအပ်ပါတယ်။ အသက် ၉နှစ်ကနေ ၁၃ နှစ်အရွယ် ကလေးတွေအနေနဲ့ကတော့ တစ်နေ့ကို ကယ်လ်ဆီယမ် ပမာဏ ၁,၃၀၀ မီလီဂရမ်လောက်ရရှိဖို့ လိုအပ်မှာဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။