မိုးလေးစရွာတာနဲ့အတူ သားသားမီးမီးတွေ ကျောင်းပြန်တက်ရမယ့် အချိန်ရောက်လာပါပြီ။ ကျောင်းတက်ဖို့ တက်ကြွနေမယ့် သားသားမီးမီးတွေရှိနေနိုင်သလို ဖေဖေမေမေကိုမခွဲနိုင်ပါဘူးဆိုပြီး ကျောင်းမတက်ချင်လို့ ငိုမယ့် သားသားမီးမီး တွေလည်းရှိမှာပါ။ ကျောင်းတက်ချင်တဲ့ကလေးကို ကျောင်းပို့ရတာမခက်ပေမယ့် ကျောင်း မတက်ချင်ပါဘူးဆိုတဲ့ သားသားမီးမီးတွေကိုကျောင်းပို့ဖို့ကျ မေမေတို့အတွက် စိတ်မကောင်းဖြစ်ရသလို အရမ်းလည်းခက်ခဲနိုင်ပါတယ်။ ကျောင်းပြန်တက်မယ့် ကလေးအတွက် အကောင်းဆုံးဖြေရှင်းလို့ရမယ့် နည်းလမ်းလေးတွေရှိပါတယ်။ ကဲ …. ကျောင်းပြန်တက်မယ့် ကလေးအတွက် ဘယ်လိုပြင်ဆင်ကြမလဲ ဆိုတာကို ပြောပြပေးချင်ပါတယ်။
ဆောင်းပါးများ
ကိရိယာများ
အဖွဲ့များ
ကျောင်းပြန်တက်မယ့် ကလေးအတွက် ဘယ်လိုပြင်ဆင်ကြမလဲ
ကျောင်းပြန်တက်မယ့် ကလေးအတွက် ဘယ်လိုပြင်ဆင်ကြမလဲ ဆိုတော့ ကိုယ်ချစ်ရတဲ့ ကိုယ်ပွားလေးတွေကို ကျောင်းပြန်တက်ဖို့ဆိုရင် အရင်ဆုံးက ကျောင်းတက်ချင်စိတ်ဖြစ်အောင်လှုံ့ဆော်ရမှာပါ။ အကြောင်းကတော့ ကျောင်းတက်ရတာက တစ်ရက်နှစ်ရက်အလုပ်မဟုတ်လို့ပါပဲ။ တစ်နှစ်ရဲ့ ၃ ချိုး ၂ ချိုးကာလကိုအကောင်းဆုံးကျော်ဖြတ်နိုင်ဖို့လိုမှာပါ။ ဒီတော့ ကျောင်းတက်ရာသီကိုအကောင်းဆုံးကျော်ဖြတ်နိုင်ဖို့ ကလေးကို ဒါလေးတွေပြင်ဆင်ပေးပါနော်။
အဝတ်အစား
ကလေးကို အရင်နှစ်ကအဝတ်အစားတွေပဲ ပြန်ပေးမဝတ်ပါနဲ့။ အသစ်တစ်စုံနှစ်စုံလောက်ချုပ်ပေးပါ။ သူ့စိတ်ကြိုက်ဖြစ်မယ့် အဝတ်အစားလေးတွေ ဝယ်ပေးပါ။ ကလေးကို အဝတ်အစားဝယ်ပေးတဲ့အခါ ခြင်ကြောင့်ဖြစ်တဲ့ ကျန်းမာရေးပြဿနာတွေ ကင်းစေဖို့အတွက် လုံခြုံမှုရှိတဲ့ အဝတ်အစားလေးတွေကို အဓိကထားဝတ်ဆင်ပေးပါ။
ဖိနပ်ဆိုတဲ့နေရာမှာလည်း မုတ်သုံရာသီနဲ့ ကိုက်ညီမယ့် အရာမျိုးကိုရွေးချယ်ပေးပါ။ ဒါမှ ကလေးကို မတော်တဆချော်လဲတာကြောင့် ထိခိုက်ဒဏ်ရာရမှုတွေကနေ ကာကွယ်နိုင်မှာပါ။
လေးလံတဲ့ ကျောပိုးအိတ်တွေက ကလေးရဲ့ ကျန်းမာရေးကိုထိခိုက်စေနိုင်သလို ကြီးထွားမှုမှာအဟန့်အတားဖြစ် စေနိုင်ပါတယ်။ ဒီတော့ ကလေးကိုကျောပိုးအိတ်ဝယ်ပေးတဲ့အခါ ပေါ့ပေါ့ပါးပါးဖြစ်စေမယ့် အိတ်မျိုးကိုရွေးချယ်ပေးပါ။
မိုးကာ
ကလေးတွေကျောင်းစတက်မယ့်အချိန်က မိုးရွာနေတဲ့အချိန်ဖြစ်တာကြောင့် ကလေးကို မိုးရေတွေစိုပြီး ဖျားနာမှုကင်းစေဖို့ မိုးကာလမှာ သားသားမီးမီးကို သူ့စိတ်ကြိုက်မိုးကာအသစ်လေးဝယ်ပေးပြီး ဖျားနာမှုကင်းဝေးတဲ့ ကလေးလေးဖြစ်အောင် ဂရုစိုက်လိုက်ပါ။
ထီး
မိုးကာအပြင် မိုးရေကို ကာကွယ်ဖို့ လိုအပ်မယ့် နောက်အရာ တစ်ခုက ထီးပေါ့။ ဒီတော့ နေပဲပူပူ၊ မိုးပဲ ရွာရွာ ကလေးကို နေရာင်ဒဏ် ကရော မိုးရေ ကနေပါ ကာကွယ်ဖို့ ထီးလေး တစ်ချောင်းတော့ ပါအောင် ထည့်ပေးလိုက်ပါနော်။
ထမင်းဗူး
မတည့်တာတွေ စားမိပြီး ခန္ဓာကိုယ် ဖွံ့ဖြိုးမှုနဲ့ ကျန်းမာရေးကို ထိခိုက်တာမျိုး မဖြစ်စေဖို့အတွက် နေ့လယ်စာကို အာဟာရ ပြည့်ဝ အောင်ပြင်ဆင်ပြီး ထည့်ပေးလိုက်နိုင်စေဖို့ ထမင်းဗူးလေးကတာ့ မဖြစ်မနေ လိုမှာပါ။ ထမင်းဗူး ဝယ်တဲ့ အခါ ကျန်းမာရေးနဲ့ ညီညွတ်စေဖို့အတွက် BPA မပါတဲ့ ထမင်းဗူးမျိုးရွေးချယ်ပြင်ဆင်ပေးပါ။
ရေဗူး
ကလေး ကျန်းမာဖျတ်လတ် နေစေဖို့အတွက် ရေဓာတ်က လိုအပ်ပါတယ်။ ရေဓာတ် လိုအပ်ချက်ကို ပြည့်မိစေဖို့ ရေဗူးလေး တစ်လုံးကတော့ မဖြစ်မနေ ထည့်ပေးလိုက်ဖို့လိုမှာပါ။ သန့်ရှင်းတဲ့ သောက်ရေက ကလေးကို ကျန်းမာနေစေဖို့ အထောက်အပံ့ ပေးမှာပါ။
စာရေးကိရိယာတွေ
အရင်တုန်းက ရွေးစရာသိပ်မများပေမယ့် အခုခေတ်မှာ စာရေးကိရိယာဆိုရင် ဆန်းဆန်းပြားပြားနဲ့ ရွေးစရာတွေကလည်း အများကြီးပါ။ ဒါပေမယ့် စာရေးကိရိယာရွေးတဲ့အခါ သူတို့စိတ်ကြိုက်ဖြစ်ဖို့ရော အန္တရာယ်ကင်းဖို့ရောကိုပါ သတိထားရပါမယ်။ ဒါမှ ကလေးအတွက်ရော မေမေဖေဖေတို့အတွက်ပါ အဆင်ပြေစေမှာပါ။
ဒီအချက်တွေကို ပြည့်ပြည့်စုံစုံပြင်ဆင်ပေးပြီးရင်ဆိုတော့ ကလေးကျောင်းပြန်တက်ဖို့ ရုပ်ပိုင်းဆိုင်ရာအရ ပြီးပြည့်စုံသွားပြီလို့ ပြောလို့ရပါပြီ။ ကျန်နေသေးတာကတော့ ကလေးကို ကျန်းမာရေးအတွက်လုံလောက်တဲ့ အိပ်စက်ချိန်ရှိအောင် ဂရုစိုက်ပေးဖို့ နဲ့ စိတ်ပိုင်းဆိုင်ရာ အခက်အခဲတွေကို အတူတူဖြေရှင်းပေးဖို့ပါ။ ကလေးငယ်တွေအတွက် ပျော်ရွှင်စရာ စာသင်နှစ်လေးဖြစ်စေဖို့ ဖန်တီးပေးနိုင်ကြပါစေကြောင်း……………………………………………
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှ အချက်အလက် စစ်ဆေးထားပါသည်။
Dr. Thurein Hlaing Win
advertisementဤဆောင်းပါးက အကူအညီဖြစ်ပါသလား။
advertisementadvertisementadvertisement
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။