ကလေး အစာမကြေဖြစ်နေလား ဘယ်လိုသိနိုင်မလဲ ..ဘယ်လိုကာကွယ်ကြမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 29, 2020 . 2 mins read
Share now

လူကြီးတွေလို ရောဂါလက္ခဏာ တိတိကျကျ မပြောပြတတ်တဲ့ ကလေးတွေရဲ့ ကျန်းမာရေးနဲ့ ပတ်သတ်ရင် သူတို့ရဲ့ အပြုအမူနဲ့ ပြင်ပလက္ခဏာလေးတွေကို အမြဲသတိထားမိဖို့ အရေးကြီးပါတယ်။

ကလေးက အစာမစားချင်ဘူးပဲ ပြောနေပြီဆိုရင် ကလေးမှာ အစာမကြေတာများဖြစ်နေလားလို့ စတင် သံသယရှိသင့်ပါပြီ။ အစာမကြေတာက ဝမ်းချုပ်တာလိုပဲ ကလေးတွေမှာ အဖြစ်များတဲ့ ကျန်းမာရေး ကိစ္စတစ်ခုပါ။ လူကြီးတွေမှာလိုပဲ ကလေးတွေမှာလည်း ဖြစ်နိုင်ခြေများပါတယ်။

အစာမကြေတာက ကြီးကြီးမားမား ကျန်းမာရေး ပြဿနာလို့ မဆိုသာပေမယ့် သေချာလေး ဂရုစိုက် စောင့်ရှောက်ဖို့တော့ လိုပါတယ်။ အစာမကြေခြင်းက နောက်ဆက်တွဲ ကျန်းမာရေးပြဿနာတွေ ဖြစ်လာစေနိုင်သလို သားသားမီးမီးတို့ရဲ့ ပျော်ရွှင်စရာအချိန်လေးတွေကို ထိခိုက်စေနိုင်လို့ပါ။

ကလေးက အစာမကြေဖြစ်နေတာလား။

ကလေးက အစာမကြေဖြစ်နေတဲ့အခါ

  • လေပွမယ်
  • မကြာခဏ လေတက်နေမယ်
  • စားချဉ့်ရည်(အစာခြေရည်) ပြန်ဆန်တက်မယ်
  • မအီမသာဖြစ်မယ်
  • အော့အန်မယ်
  • အစားမစားဘဲ နေမယ် စတဲ့ လက္ခဏာတွေ ခံစားရနိုင်ပါတယ်။

ဘာတွေက ကလေးကို အစာမကြေဖြစ်စေတာလဲ။

စားလိုက်တဲ့ အစားအသောက်တွေကြောင့် အစာမကြေဖြစ်နိုင်သလို အချို့သော အခြေအနေတွေကြောင့်လည်း အစာမကြေဖြစ်နိုင်ပါတယ်။

  • အစား အများကြီးစားတာ
  • အစားကို မြန်မြန်စားလိုက်တာ
  • အပူအစပ်တွေ စားတာ
  • အမျှင်ဓာတ်ကြွယ်ဝတဲ့ အစားတွေ အစားများလွန်းတာ
  • အဆီများတာတွေ စားမိတာ
  • အစာကြေခဲတာတွေ စားတာ
  • ညဘက်နောက်ကျမှ အစားစားတာ
  • ကဖင်းပါတာတွေ သောက်တာ
  • အချိုရည်တွေ သောက်တာ
  • ကောင်းကောင်းမအိပ်တာ
  • ချောကလက်စားများတာ
  • သံဓာတ် အားဖြည့်ဆေးအပါအဝင် ဆေးဝါးတွေ သောက်သုံးရတာ
  • စိတ်ဖိစီးနေတာ
  • တဆင့်ခံ ဆေးလိပ်ငွေ့တို့ကြောင့် ကလေးတွေမှာ အစာမကြေတာ ဖြစ်နိုင်ပါတယ်။

ကလေးကို အစာမကြေမှု ကင်းဝေးစေဖို့

ကလေးက အစာမကြေဖြစ်တတ်တယ်ဆိုရင် အစားအသောက်၊ အနေအထိုင် သေချာလေး ဂရုစိုက်ပေးဖို့ လိုပါမယ်။ ဒါကြောင့် ..

အဆီများတာတွေ မကျွေးပါနဲ့

အဆီများတဲ့ အစားအစာတွေက ကလေးကို အစာမကြေ ဖြစ်စေနိုင်ပါတယ်။ ကျန်းမာရေးနဲ့ ညီညွတ်တဲ့ အသီးအရွက်၊ သစ်သီး၊ အိမ်ချက်အစားအစာတွေ၊ အာဟာရဖြည့်နို့ စတာတွေ ကျွေးပေးပါ။

ချောကလက် လျှော့ကျွေးပါ

ချောကလက်၊ သကြားလုံးတွေက ကလေးတွေ သည်းခြေကြိုက်ဆိုပေမယ့် အစာမ​ကြေဖြစ်စေနိုင်တာကြောင့် ကလေးကိုလည်း သူနေမကောင်းဖြစ်နိုင်လို့ မစားခိုင်းတာဆိုတာကို နားလည်အောင်ရှင်းပြပါ။
အလိုလိုက်ပြီး ပိုမကျွေးမိအောင်လည်း သတိထားပါ။

ကလေးကို ဖြည်းဖြည်း စားတတ်အောင် သင်ပေးပါ

အစာမြန်မြန်စားတာက အစာမကြေဖြစ်စေနိုင်ပါတယ်။ ဒါကြောင့် အစာစားတဲ့အခါ ဖြည်းဖြည်းမှန်မှန်နဲ့ သေချာ ကြေညက်အောင်ဝါးစားတတ်ဖို့ အလေ့အကျင့် လုပ်ပေးပါ။

ကလေးကို စိတ်ဖိစီးမှု ကင်းအောင်ထားပါ

ကလေးဆိုပေမယ့် လူကြီးတွေလိုပဲ စိတ်ဖိစီးမှု ရှိနိုင်ပါတယ်။ စိတ်ဖိစီးမှုကလည်း ကလေးကို အစာမကြေ ဖြစ်စေနိုင်တဲ့ အကြောင်းအရင်းတစ်ခု ဖြစ်တာကြောင့် ကလေးကို စိတ်ဖိစိးမှု ကင်းအောင် ဂရုစိုက်ပါ။
အိမ်တွင်းအကြမ်းဖက်မှုတွေ၊ ပဋိပက္ခတွေမဖြစ်စေဖို့ သတိထားပါ။

အစာစားပြီးပြီးချင်း ပြေးလွှားဆော့တာမျိုး မလုပ်စေဖို့ သတိပြုပါ

အစားစားပြီးပြီးချင်းမှာ ပြေးတာ၊ ခုန်ပေါက်ဆော့တာက ကလေးကို အစာမကြေဖြစ်စေနိုင်ပါတယ်။ အစာစားပြီး အနည်းဆုံး တစ်နာရီကြာမှ ပြေးလွှား လှုပ်ရှားလုပ်သင့်ပါတယ်။ ဒီလိုမှ မဟုတ်ဘူးဆိုရင် အစာမကြေတာမျိုး ဖြစ်စေနိုင်ပါတယ်။

ဒါကြောင့် ကလေးကို အစာစားပြီးပြီးချင်း ပြေးလွှားဆော့တာမျိုး မလုပ်မိအောင် ဂရုစိုက်ပေးပါ။

အစာခြေစနစ်အတွက် အထောက်အကူဖြစ်စေမဲ့ အစားအသောက်တွေပိုကျွေးပါ

ကလေးရဲ့ နေ့စဉ်အစားအသောက်မှာ အစာအိမ်နဲ့အူလမ်းကြောင်းအတွက်အထောက်အကူဖြစ်စေမဲ့ Prebiotics ပါတဲ့ နို့တွေ၊ အစားအသောက်တွေ (ဥပမာ – ကြက်သွန်ဖြူ၊ ကြက်သွန်နီ၊ ငှက်ပျောသီး၊ ကညွတ်၊ အုတ်ဂျုံ၊ ပန်းသီး၊ ရေညှိ စသည်တို့) ပါဝင်အောင် ကျွေးမွေးပါ။

ဒီအချက်လေးတွေ သေချာဂရုစိုက်လိုက်နာပေးရင်တော့  ကလေးအစာမကြေခြင်း ပြဿနာကို အမြန်ဆုံးသိရှိပြီး အလွယ်ကူဆုံး ဖြေရှင်းနိုင်ပါလိမ့်မယ်နော်…။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

စွန့်ချင်ပါလျက်နဲ့ အောင့်ထားမိတဲ့အခါ

တစ်ချို့အခြေအနေတွေမှာတော့ ဝမ်းသွားချင်စိတ်ကို တမင်ထိမ်းချုပ်ထားမိတတ်ပါတယ်။ ဝမ်းသွားချင်စိတ်ကို ထိမ်းချုပ်တာက မှန်ကန်တဲ့ ကိစ္စတစ်ခုတော့ မဟုတ်ပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သွေးသန့်စေဖို့ ဒါတွေစားပါ။

ခန္ဓာကိုယ်က အလုပ်တွေ အကောင်းဆုံး လုပ်ဆောင်နိုင်စေဖို့ သွေးတွေကို လိုအပ်ပါတယ်။ သွေးဆိုတဲ့နေရာမှာ အဆိပ်အတောက်ကင်းပြီး သန့်စင်တဲ့ သွေး ဖြစ်ဖို့က အရေးကြီးပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင် ဆီးချိုနဲ့ ပတ်သက်ပြီး သိထားသင့်သမျှ

ကိုယ်ဝန်ဆောင်ဆီးချိုဆိုတာက ကျန်တဲ့အချိန်တွေမှာ မဖြစ်ဘဲ ကိုယ်ဝန်ဆောင်ချိန်မှာမှ ဖြစ်တဲ့ ဆီးချို အမျိုးအစား တစ်ရပ်ပါ။ မေမေတိုင်းသတိထားဖို့ လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဘေဘီလေးကို သီဟိုဠ်စေ့ ကျွေးတဲ့အခါ

သီဟိုဠ်စေ့မှာ အရိုးနဲ့သွေးကြောတွေကို ကျန်းမာစေတဲ့ copper၊ မဂ္ဂနီဆီယမ်လိုမျိုး အာဟာရဓာတ် ကြွယ်ဝတဲ့ သီဟိုဠ်စေ့ကို ဘေဘီလေးကို ကျွေးလို့ ရမလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

သားသားမီးမီးတို့ရဲ့ အစားအစာတွေထဲမှာ Prebiotics ပါစေဖို့

သားသားမီးမီးတို့ရဲ့ အစားအစာတွေထဲမှာ Prebiotics ပါစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
အိပ်နေစဉ် သွားရည်ကျတာကို သက်သာစေဖို့

အိပ်နေစဉ် သွားရည်ကျတာကို သက်သာစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
ယနေ့ခေတ်မှာ prebiotics တွေ ဘာလို့ သတင်းကြီးလာတာလဲ။

ယနေ့ခေတ်မှာ prebiotics တွေ ဘာလို့ သတင်းကြီးလာတာလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 23, 2020 . 2 mins read
သားသားမီးမီးတို့ကို စိတ်ညစ်အောင်လုပ်နေကျ ဗိုက်ဗိုက်ပြဿနာတွေအကြောင်း

သားသားမီးမီးတို့ကို စိတ်ညစ်အောင်လုပ်နေကျ ဗိုက်ဗိုက်ပြဿနာတွေအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 23, 2020 . 2 mins read