ဦးနှောက်ဆိုတာက လူသားတွေရဲ့ ခန္ဓာကိုယ် အတွင်းပိုင်းမှာရှိတဲ့ အရေးပါပြီး ထိရှလွယ်တဲ့ အစိတ်အပိုင်းတွေထဲက တစ်ခုပေါ့။ အာရုံကြောဆိုင်ရာ ရောဂါတွေက ဦးနှောက်မှာ ပုံမှန်မဟုတ်တဲ့ အခြေအနေ တစ်ရပ်ရပ် ရှိနေတဲ့ သဘောပါ။ ဦးနှောက်မှာ မူမမှန်တဲ့ အခြေအနေတစ်ရပ်ရပ် ရှိနေတာကြောင့် ဦးနှောက်အပေါ်မှာ မှီခိုလှုပ်ရှားနေတဲ့ ရုပ်ပိုင်းဆိုင်ရာ နဲ့ စိတ်ပိုင်းဆိုင်ရာ လုပ်ဆောင်မှုတွေမှာ ပြဿနာတွေ ရှိလာတာပါ။ ဒီတစ်ခေါက်တော့ သားသားမီးမီးတို့မှာ ဖြစ်တတ်တဲ့ အာရုံကြောဆိုင်ရာ ရောဂါများအကြောင်း လေ့လာကြည့်ရအောင်နော်။
အာရုံကြောဆိုင်ရာ ရောဂါတွေ ဘာကြောင့်ဖြစ်
အာရုံကြောဆိုင်ရာ ရောဂါတွေက ဦးနှောက်နဲ့အာရုံကြောစနစ်ရဲ့ လုပ်ဆောင်မှုတွေကို ထိခိုက်စေနိုင်ပါတယ်။ ( အထူးသဖြင့်တော့ ကျောရိုးမကြီးနဲ့ အာရုံကြောတွေမှာ ထိခိုက်တာပါ)။ ဒီလို ထိခိုက်မှုတွေက ရုပ်ပိုင်းဆိုင်ရာ နဲ့ စိတ်ပိုင်းဆိုင်ရာ ထိခိုက်မှုတွေကို ဖြစ်စေနိုင်ပါတယ်။
အပေါ်မှာ ပြောခဲ့သလိုပဲ ဦးနှောက်က ဘေဘီလေးတွေ သန္ဓေစတည်ကတည်းက ဖွံ့ဖြိုးလာတာပါ။ သန္ဓေသားကာလ တစ်လျှောက်လုံးရော မွေးဖွားပြီးချိန်မှာလည်း အသက်အရွယ်အလိုက် ဖွံ့ဖြိုးလာပါတယ်။ အာရုံကြောဆဲလ်တွေက မမွေးဖွားခင်အချိန်ကတည်းက ဖွံ့ဖြိုးနေတာပါ။ အာရုံကြောဆဲလ်တွေ တစ်ခုခုနဲ့ တစ်ခုကြားမှာ ချိတ်ဆက်မှုတွေက ထရီလျံနဲ့ချီပြီး ရှိပါတယ်။
ဦိးနှောက်ထဲမှာ
- Gray matter
- White matter ဆိုပြီး ၂ မျိုး ပါဝင်နေပါတယ်။
ဦးနှောက်ထဲက အာရုံကြောဆဲလ်လေးတွေက
- အထိအတွေ့တွေကို သိရှိစေဖို့
- အနံ့တွေကို ခွဲခြားတတ်စေဖို့
- အမြင်အာရုံကို သိရှိနိုင်စေဖို့
- အရသာကို ခံစားသိရှိနိုင်ဖို့နဲ့
- အကြားအာရုံကို သိရှိနိုင်စေဖို့ လုပ်ဆောင်ပေးပါတယ်။ ဒီအာရုံခံစားမှုတွေက ဦးနှောက်ထဲက အာရုံကြောဆဲလ်လေးတွေကို အချင်းချင်း ချိတ်ဆက်မိစေဖို့လည်း လုပ်ဆောင်ပေးပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။