ကလေးတိုင်း ကျန်းမာသန်စွမ်းတဲ့ကလေးတစ်ယောက်အနေနဲ့ ကြီးပြင်းလာဖို့ဆိုတာက အာဟာရသင့်တင့်မျှတအောင်ကျွေးမွေးဖို့လိုအပ်တယ်ဆိုတာကို မိဘတိုင်းလိုလို သိရှိပြီးဖြစ်ကြမှာပါ။ ကလေးတွေကို အာဟာရမျှတအောင်ကျွေးမွေးနိုင်စေဖို့အတွက် ကလေးတွေမှာ မဖြစ်မနေလိုအပ်တဲ့ အာဟာရဓါတ်အချို့နဲ့ သူတို့ရဲ့ လုပ်ဆောင်မှုတွေကို ဖော်ပြပေးလိုက်ပါတယ်။
ပရိုတင်း – ကြွက်သားတွေနဲ့ ကလေးရဲ့ကိုယ်ခန္ဓါက အခြားတစ်ရှုးတွေကို တည်ဆောက်ပေးတဲ့အာဟာရဓါတ်ဖြစ်ပါတယ်။ ကိုယ်ခံအားစနစ် တိုးတက်ကောင်းမွန်အောင်လည်း အထောက်အပံ့ပေးပါတယ်။
ပရိုတင်းဓါတ်ပါဝင်တဲ့အစားအစာများ –
ကာဗိုဟိုက်ဒရိတ်ဓါတ် – ကာဗိုဟိုက်ဒရိတ်က ခန္ဓါကိုယ်အတွက်အလွန်အရေးပါလှတဲ့ စွမ်းအင်အရင်းအမြစ်တစ်ရပ်ဖြစ်ပါတယ်။ ကာဗိုဟိုက်ဒရိတ်က ကလေးတွေရဲ့ ခန္ဓါကိုယ်တည်ဆောက်ဖို့နဲ့ တစ်ရှုးတွေပြုပြင်ဖို့အတွက် အဆီတွေနဲ့ ပရိုတင်းတွေကို အသုံးပြုရာမှာ အထောက်အကူပေးပါတယ်။ ကာဗိုဟိုက်ဒရိတ်ကို အစားအသောက်အမျိုးမျိုးကနေရရှိနိုင်ပါတယ်။
ကာဗိုဟိုက်ဒရိတ်ရရှိနိုင်တဲ့အစားအသောက်များ –
သံဓါတ် – ခန္ဓါကိုယ်အတွက်အောက်ဆီဂျင်တွေကို သယ်ဆောင်ပေးတဲ့သွေးနီဥဆဲလ်တွေဖြစ်ပေါ်အောင် အထောက်အပံ့ပေးပါတယ်။ ကလေးတွေကြီးထွားဖို့အတွက်ထောက်ကူပေးပါတယ်။ သံဓါတ်ချို့တဲ့ရင် ကလေးတွေမှာသွေးအားနည်းရောဂါဖြစ်ပေါ်ခံစားရ နိုင်ပြီး ပင်ပန်းနွမ်းနယ်တာ၊ အားမရှိတာနဲ့ အမြဲစိတ်ဆိုးနေတာမျိုးတွေကိုဖြစ်ပေါ်စေနိုင်ပါတယ်။
သံဓါတ်ရရှိနိုင်တဲ့ အစားအသောက်များ –
ကယ်လ်ဆီယမ် – အရိုးနဲ့သွားတွေကို သန်မာစေပြီး အာရုံကြောကျန်းမာသန်စွမ်းမှုကိုတိုးမြှင့်ပေးသလို ကြွက်သားတွေရဲ့လုပ်ဆောင်မှုကို လည်းတိုးမြှင့်ပေးပါတယ်။သွေးကိုခဲစေပြီးသွေးတိတ်အောင်လုပ်ဆောင်ပေးပါတယ်။ ခန္ဓါကိုယ်ကအစားအသောက်တွေကို စွမ်းအင်အဖြစ်ပြောင်းလဲရာမှာလည်း အထောက်အကူပြုပေးပါတယ်။
ကယ်လ်ဆီယမ်ရရှိနိုင်တဲ့ အစားအစာများ –
Essential fatty acids (EFAs) – ဆဲလ်တွေဖြစ်ပေါ်တာ၊ အာရုံကြောစနစ်ကိုထိန်းညှိတာ၊ နှလုံးသွေးကြောစနစ်ကို သန်စွမ်းစေတာ၊ ကိုယ်ခံအားစနစ်ကို တည်ဆောက်တာတွေမှာ အထောက်အပံ့ဖြစ်စေသလို ခန္ဓါကိုယ်ကအာဟာရဓါတ်တွေကို စုပ်ယူရာမျာလည်း အထောက်အပံ့ပေးပါတယ်။ EFAs ကဦးနှောက်ရဲ့လုပ်ငန်းစဉ်တွေကောင်းမွန်စေဖို့နဲ့ အမြင်အာရုံတွေကိုကောင်းမွန်သန်စွမ်းစေဖို့လည်း လိုအပ်ပါတယ်။
EFAs ရရှိနိုင်တဲ့ အစားအစာများ –
အမျှင်ဓါတ် – အမျှင်ဓါတ်က ကလေးကိုဝမ်းမှန်အောင်အထောက်အပံ့ပေးပါတယ်။ နှလုံးရောဂါဖြစ်ပေါ်ခံစားရနိုင်ခြေ နဲ့ အသက်ကြီးလာတဲ့အခါ ကင်ဆာရောဂါခံစားရနိုင်ခြေကို လျှော့ချပေးရာမှာလည်း အရေးပါတဲ့ အခန်းကဏ္ဍကနေပါဝင်နေပါတယ်။
အမျှင်ဓါတ်ပါတဲ့ အစားအစာတွေ-
ဗီတာမင်အေ – အမြင်အာရုံနဲ့အရိုးတွေကြီးထွားဖွံ့ဖြိုးမှုမှာ အရေးပါတဲ့အခန်းကဏ္ဍကနေပါဝင်နေပါတယ်။ ခန္ဓါကိုယ်ကိုရောဂါတွေကူးစက်မခံရအောင်ကာကွယ်ပေးသလို ခန္ဓါကိုယ်ရဲ့ ဆဲလ်တွေနဲ့ တစ်ရှုးတွေ ကျန်းမာဖွံ့ဖြိုးမှုကို တိုးမြှင့်ပေးပါတယ်။
ဗီတာမင်အေ ရရှိနိုင်တဲ့အစားအသောက်များ –
ဗီတာမင် စီ -သွေးနီဥဆဲလ်တွေ၊အရိုးတွေ၊တစ်ရှုးတွေဖြစ်ပေါ်မှုကို အထောက်အပံ့ပေးပါတယ်။ ကလေးငယ်ရဲ့ သွားဖုံးကျန်းမာရေးနဲ့သွေးကြောတွေသန်စွမ်းစေဖို့အထောက်အကူပြုသလို အနာကျက်မြန်စေပြီး ကိုယ်ခံအားစနစ်ကို တိုးမြှင့်ပေးပါတယ်။ ကူးစက်ရောဂါတွေမဝင်ရောက်နိုင်အောင်လည်း ဟန့်တားပေးပါတယ်။ ခန္ဓါကိုယ်ကသံဓါတ်ကြွယ်ဝတဲ့အစားအစာတွေကနေ သံဓါတ်စုပ်ယူမှုကိုလည်း အထောက်အပံ့ပေးပါတယ်။
ဗီတာမင် စီကြွယ်ဝတဲ့အစားအစာများ –
ဗီတာမင် ဒီ – သွားတွေ၊အရိုးတွေ ခိုင်မာစေအောင်အထောက်အပံ့ပေးသလို ခန္ဓါကိုယ်ကသတ္တုဓါတ်တွေစုပ်ယူမှုကိုလည်း အကူအညီပေးပါတယ်။ ကလေးတွေကိုယ်ခန္ဓါကြီးထွားဖို့နဲ့ အရိုးသိပ်သည်းအားကောင်းစေဖို့အတွက် မရှိမဖြစ်အရေးကြီးပါတယ်။ ကိုယ်ခံအားစနစ်ကောင်းမွန်စေဖို့ ၊ ခန္ဓါကိုယ်က အင်ဆူလင်ထုတ်လုပ်မှုနဲ့ဆဲလ်ကြီးထွားမှု ကဏ္ဍတွေမှာဟော်မုန်းတစ်ရပ်အနေနဲ့လုပ်ဆောင်ပေးပါတယ်။
ဗီတာမင် ဒီက အစားအစာတွေထဲမှာပါခဲပါတယ်။ နို့ထွက်ပစ္စည်းအချို့နဲ့ cereals တွေထဲမှာတွေ့ရှိရပါတယ်။နေရောင်ခြည်ကနေလည်း ဗီတာမင် ဒီ ကိုရရှိနိုင်ပါတယ်။နေရောင်ခြည်ကနေ ဗီတာမင် ဒီ ရရှိနိုင်တယ်ဆိုပေမယ့်နေရောင်ခြည်အချိန်ကြာမြင့်စွာထိတွေ့မှုက ကလေးကို အရေပြားကင်ဆာဖြစ်စေနိုင်တာကြောင့်နေရောင်ခြည်နဲ့တအားထိတွေ့စေတာမျိုး မဖြစ်အောင်သတိထားပါ။
ဗီတာမင် အီး – ဆဲလ်တွေကို ထိခိုက်ပျက်စီးစေနိုင်တဲ့free radicalsတွေထုတ်လွှတ်မှုကို ကန့်သတ်ပေးပါတယ်။ ဗီတာမင် အီက ကိုယ်ခံ အားစနစ်၊ ဒီအန်အေပြုပြင်မှုနဲ့ အခြားဇီဝတွင်းဖြစ်ပျက်ပြောင်းလဲမှုဖြစ်စဉ်တွေအတွက် အရေးပါပါတယ်။
ဗီတာမင် အီး ရရှိနိုင်တဲ့အစားအစာများ –
မဂ္ဂနီဆီယမ် – အရိုးတွေကိုသန်မာစေပြီး နှလုံးခုန်မှန်စေသလို ကိုယ်ခံအားစနစ်ကိုလည်း အထောက်အပံ့ပေးပါတယ်။ ကြွက်သားတွေကို ထိန်းသိမ်းရာမှာအထောက်အကူပေးသလို အာရုံကြောစနစ်ရဲ့ လုပ်ငန်းစဉ်တွေကိုလည်း တိုးတက်ကောင်းမွန်စေပါတယ်။
မဂ္ဂနီဆီယမ် ပါဝင်တဲ့အစားအစာများ –
ပိုတက်ဆီယမ် – ခန္ဓါကိုယ်ရဲ့သွေးပေါင်ချိန်ကို ထိန်းညှိရာမှာ အထောက်အကူပြုတဲ့ ရေဓါတ်ကို ထိန်းညှိဖို့ ဆိုဒီယမ်နဲ့အတူ လုပ်ဆောင်ပါတယ်။ ကြွက်သားတွေရဲ့လုပ်ငန်းစဉ်တွေကို ကူညီပေးသလို နှလုံးခုန်နှုန်းကိုလည်းမှန်စေပြီးကျောက်ကပ်ကျောက်တည်တာနဲ့ အရိုးပွတာမျိုးတွေဖြစ်ပေါ်ခံစားရနိုင်ခြေကိုလည်းလျှော့ချပေးပါတယ်။
ပိုတက်ဆီယမ်ပါဝင်တဲ့အစားအစာများ –
ဇင့် – အစာချေဖျက်မှုနဲ့ ဇီဝတွင်းဖြစ်ပျက်ပြောင်းလဲမှုဖြစ်စဉ်တွေကို အကူအညီပေးတဲ့ အင်ဇိုင်းအမျိုးအစား ၇၀ကျော်အတွက်လိုအပ်တဲ့ဓါတ်တစ်မျိုးဖြစ်သလို ကြီးထွားဖွံ့ဖြိုးမှုအတွက်လည်း မရှိမဖြစ်လိုအပ်တဲ့ ဓါတ်တစ်မျိုးဖြစ်ပါတယ်။
ဇင့် ဓါတ်ပါဝင်တဲ့အစားအစာများ –
Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။