ဘေဘီလေး နေမကောင်းဖြစ်နေလားဆိုတာကို ဒီအချက်တွေနဲ့သိနိုင်ပါတယ်နော်

ကလေးရဲ့ ကျန်းမာရေးကို ဒီအချက်တွေနဲ့သိနိုင်ပါတယ်

ကလေးရဲ့ ကျန်းမာရေးကိုသိနိုင်တဲ့ အချက်တွေကတော့ အများကြီးပါ။ ဒီအချက်တွေထဲမှာမှ အခုအချက်ကလေးတွေကို သိရုံနဲ့တင်ကလေးကနေကောင်းရဲ့လားဆိုတာကို သိနိုင်မှာပါ။

ကလေးကို ပါးစပ်ကနေ အပူချိန်တိုင်းမယ်ဆိုရင်တော့

• အဖျားတိုင်းတံကို ကလေးရဲ့ လျှာအောက်မှာထားပေးပါ
• ပြီးရင်ကလေးကို နှုတ်ခမ်းစေ့လို့ ပါးစပ်ပိတ်ခိုင်းထားပါ
• ခဏနေရင်ထုတ်ပြီး အပူချိန်ကိုဖတ်ကြည့်ပေးပါ။
• စအိုမှာတိုင်းတဲ့ သာမိုမီတာကို ပါးစပ်ထဲ မထည့်ပါနဲ့။

• ကလေးက နှလုံးခုန်နှုန်းအရမ်းမြန်နေမယ်
• သတိလစ်မယ်
• မှိန်းနေမယ်
• ပန်းနာရင်ကျပ် မရှိပါဘဲ အသက်ရှူရခက်နေမယ်
• ခန္ဓာကိုယ်က ဖျော့တော့နေမယ်
• နှုတ်ခမ်းတွေ ပြာနေမယ်ဆိုရင်တော့ စိုးရိမ်ရတဲ့အခြေအနေပါနော်။

(၃) အသက်ရှူနှုန်း

ဒါကတော့ ဘေဘီလေးရဲ့ တစ်မိနစ်အတွင်း အသက်ရှူနှုန်းကို တိုင်းတာပါ။ ကလေးက စိတ်လှုပ်ရှားတဲ့အခါ၊ စိတ်ရှုပ်ထွေးတဲ့အခါ၊ နာကျင်မှုတစ်ခုခုကိုခံစားရတဲ့အခါမျိုးနဲ့ အဖျားရှိနေတဲ့အခါမျိုးမှာ အသက်ရှူနှုန်းက ပုံမှန်ထက်ပိုမြန်နိုင်ပါတယ်။ အသက်ရှူနှုန်းမြန်နေတာ နှေးနေတာက ကလေးမှာ အသက်ရှူရတာအခက်အခဲရှိနေတယ်ဆိုတာကိုဖော်ပြနေတာပါ။ ဒါကြောင့် ကလေးက အသက်ရှူတာအပြောင်းအလဲဖြစ်နေမယ်ဆိုရင် ဆရာဝန်နဲ့ပြသဖို့လိုပါမယ်နော်။

ကလေးက အသက်ရှူမြန်နေပြီး အခုလိုလက္ခဏာတွေပြနေမယ်ဆိုရင် ကလေးအခြေအနေက ချက်ချင်းကုသမှုခံယူဖို့လိုနေပါပြီနော်။

• ပါးစပ်တစ်ဝိုက် ပြာနှမ်းနေမယ်
• အသားအရေက သွေးရောင်ပျောက်ပြီးဖျော့တော့နေမယ်
• အသက်ရှူတဲ့အခါ အသံတွေထွက်ပြီး ကလေးက အသက်ရှူရတာ ခက်ခဲနေပုံရနေမယ်
• နှာခေါင်းကို ပွပြီ အသက်ကိုရှိုက်ရှူနေမယ်
• အသက်ရှူတာ ချွဲသံပါနေမယ်
• ချွေးတွေ အရမ်းထွက်နေမယ်
• ပင်ပန်းနေမယ်
• အသက်ရှူလိုက်တိုင်း ရင်ဘတ်အပေါ်ပိုင်းက ချိုင့်ဝင်နေမယ်ဆိုရင်တော့ ကလေးကို ဆရာဝန်နဲ့အမြန်ဆုံးပြသပေးပါ။

• မွေးစကနေ ၁၂ လအရွယ်ကလေးတစ်ယောက်မှာ အသက်ရှူနှုန်းက တစ်မိနစ်ကို အကြိမ်ရေ ၃၀ ကနေ ၆၀
• ၁ နှစ်ကနေ ၃ နှစ်အရွယ်ကလေးတစ်ယောက်မှာ အသက်ရှူနှုန်းက တစ်မိနစ်ကို အကြိမ်ရေ ၂၄ ကနေ ၄၀
• အသက် ၃ နှစ်ကနေ ၅ နှစ်အရွယ်ကလေးတစ်ယောက်မှာ အသက်ရှူနှုန်းက တစ်မိနစ်ကို ၂၂ ကြိမ်ကနေ ၃၄ ကြိမ်
• အသက် ၅ နှစ် ကနေ ၁၂ အရွယ်ကလေးတစ်ယောက်မှာ အသက်ရှူနှုန်းက တစ်မိနစ်ကို ၁၈ ကြိမ်ကနေ အကြိမ်ရေ ၃၀
• အသက်၁၂ နှစ် ကန ၁၈ နှစ်အရွယ်ကလေးတစ်ယောက်မှာ အသက်ရှူနှုန်းကတစ်မိနစ်ကို ၁၂ ကြိမ် ကနေ ၁၆ ကြိမ်ရှိရပါမယ်။

ဒီအချက်လေးတွေကို ဆန်းစစ်ကြည့်လို့ ကလေးကျန်းမာရဲ့လားဆိုတာကို ကိုယ်တိုင်အဖြေထုတ်ကြည့်လိုက်ပါနော်။ ဘေဘီလေးတိုင်း ကျန်းမာပျော်ရွှင်စွာကြီးပြင်းနိုင်ကြပါစေကြောင်း……….