>> ၄ နှစ် ကနေ ၅ နှစ်လောက်ရောက်ပြီဆိုရင်
- အခြားသူတွေ နားလည်အောင် စကားပြောနိုင်စွမ်းက 90-100 ရာခိုင်နှုန်းလောက် ရှိလာပြီ
- တိတိကျကျ မေးတတ် ပြောတတ်လာပြီ
- ပုံပြင်တွေကို ပြန်ပြောပြတတ်ပါပြီ
- ပုံပြင်ထဲကအကြောင်းတွေကို မေးတဲ့ ရိုးရှင်းတဲ့ မေးခွန်းတွေကို ပြန်ဖြေတတ်ပါပြီ။
ဘာတွေ လုပ်ပေးမလဲ
ဒီကာလမှာ မေမေဖေဖေတို့အနေနဲ့ ကလေးရဲ့ ရုပ်ပိုင်းဆိုင်ရာ ကြီးထွားဖွံ့ဖြိုးမှုအတွက် အနည်းဆုံး တစ်နှစ်ကို တစ်ကြိမ် စစ်ဆေးတာ၊ ကာကွယ်ဆေး ထိုးပေးတာတွေကို ပုံမှန်လုပ်ပေးတာမျိုး လုပ်ပေးဖို့ လိုပါမယ်။
ဒီနှစ်တွေမှာ ကလေးက မူကြိုတက်ရတော့မှာ ဖြစ်သလို ကလေးကို ပတ်ဝန်းကျင်နဲ့ သဟဇာတ ဖြစ်စေဖို့နဲ့ ကြီးထွားဖွံ့ဖြိုးမှုတွေ စဉ်ဆက်မပြတ် ရှိနေစေဖို့အတွက် ဖေဖေမေမေတို့အနေနဲ့ သေချာလေး ဂရုစိုက်ဖို့ လိုပါမယ်။ ကျန်းမာတဲ့ အလေ့အထလေးတွေကို သင်ကြားပေးဖို့လည်း လိုပါမယ်။
ကလေးကို အရင်ကထက် ပိုပြီး အာရုံစိုက်ပေးဖို့ လိုပါမယ်။ မေးခွန်းတွေ အများကြီး မေးတာကို စိတ်ရှည်လက်ရှည် ဖြေပေးဖို့လည်း ပြင်ဆင်ထားပါ။ ကလေးရှေ့မှာ စံပြဖြစ်အောင် နေပေးပါ။ ကလေးက အပြုအမူတွေကို အတုယူတတ်နေပါပြီ။
ကလေးကို စာဖတ်ပြတာတွေ လုပ်ပေးပါ။ ဘာသာစကား စွမ်းရည် တိုးတက်စေဖို့ စကားကို သေချာ ပြည့်စုံအောင် ပြောပြပေးပါ။ ကလေးက စကားလုံးသုံးတာ မှားနေရင် ပြင်ပေးပါ။ အပြုအမူကို ယဉ်ကျေးစေဖို့ ဂရုစိုက်ပေးပါ။
မတ်တတ်ပြေးအရွယ်က အလေ့အကျင့်ကောင်းတွေ မွေးမြူပေးသင့်တဲ့ အကောင်းဆုံး အရွယ်ပါ
ဒီကာလမှာ ရုပ်ပိုင်းဆိုင်ရာ ဖွံ့ဖြိုးမှု နှေးသွားတယ်ဆိုပေမယ့်
ကလေးရဲ့ လှုပ်ရှားနိုင်စွမ်း၊ သိမြင်မှု စွမ်းရည်နဲ့ ဘာသာစကား စွမ်းရည်ကတော့ တော်တော်သိသိသာသာ တိုးတက်လာမှာပါ။
အမူအကျင့်ကောင်းလေးတွေ အလေ့အထကောင်းလေးတွေကို သင်ကြားပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။