မှ အချက်အလက် စစ်ဆေးထားပါသည်။ Dr. Thurein Hlaing Win
တုပ်ကွေး အမျိုးအစားတွေက အများကြီး ရှိနိုင်ပြီး တစ်နှစ်နဲ့တစ်နှစ် ဖြစ်ပွားတဲ့ တုပ်ကွေးမျိုးစိတ်ချင်းလည်း မတူနိုင်ပါဘူး။ တုပ်ကွေး အမျိုးအစားက ကွာခြားပေမယ့် ကလေးတွေမှာ ခံစားရနိုင်တဲ့ လက္ခဏာတွေကတော့ များသောအားဖြင့် တူတတ်ကြပါတယ်။
ဖေဖေမေမေတို့ အနေနဲ့ တုပ်ကွေးကာကွယ်ဆေး ထိုးတော့မယ်လို့ ဆုံးဖြတ်လိုက်ပြီဆိုရင် ခေါင်းထဲမှာ ပေါ်လာမယ့် အချက်တွေ အများကြီး ရှိနိုင်ပါတယ်။ တစ်ချက်ချင်းစီ စဉ်းစားအဖြေထုတ်ကြည့်ရအောင်လား။
ဘေဘီလေး ၆ လပြည့်ပြီဆိုတာနဲ့ စထိုးလို့ရပါပြီ။ ၆ လအောက် ဘေဘီလေးတွေကတော့ ကာကွယ်ဆေး ထိုးလို့မရသေးပါဘူး။ ပထမဆုံးအကြိမ် တုပ်ကွေးကာကွယ်ဆေး စထိုးတဲ့အခါ ဆေးတစ်လုံး ထိုးပြီး အနည်းဆုံး ၄ ပတ်ခြားပြီးမှ ဒုတိယ တစ်လုံးကို ထိုးရပါမယ်။
ကိုယ်ခံအားစနစ် ပြည့်ပြည့်ဝဝ မဖွံ့ဖြိုးသေးတဲ့ ၅ နှစ်အောက် ကလေးတွေမှာ တုပ်ကွေး ကူးစက်ခံရနိုင်ခြေက အခြားသူတွေထက် ပိုများပါတယ်။
တုပ်ကွေးရောဂါပိုးတွေက တစ်နှစ်နဲ့ တစ်နှစ် မတူတာကြောင့် ကာကွယ်ဆေးကို တစ်နှစ်ပြည့်တိုင်း နောက်တစ်ခါ ပြန်ထိုးပေးဖို့ လိုပါမယ်။
ထိုးပြီးတာနဲ့ ချက်ချင်း တုပ်ကွေးကို မကာကွယ်ပေးနိုင်သေးပါဘူး။ ကာကွယ်ဆေး ထိုးပြီး ၂ ပတ်ကြာမှစလို့ အာနိသင်ပြမှာပါ။
တုပ်ကွေးကာကွယ်ဆေးက ရာသီတုပ်ကွေး ရောဂါပိုးကိုပဲ ကာကွယ်နိုင်တာပါ။ သွေးလွန်တုပ်ကွေးကို မကာကွယ်ပေးနိုင်ပါဘူး။
တုပ်ကွေးကာကွယ်ဆေး ထိုးပြီးရင် ကလေးက ကိုယ်ပူတာ၊ မအီမသာဖြစ်တာ၊ ဆေးထိုးထားတဲ့ နေရာက နီနေတာ၊အောင့်နေတာမျိုးတွေ ဖြစ်နိုင်ပါတယ်။
တုပ်ကွေးကာကွယ်ဆေးက ဘေဘီလေးကို တုပ်ကွေးရောဂါကနေ အထိရောက်ဆုံး ကာကွယ်ပေးနိုင်မယ့် နည်းလမ်းပါ။ တုပ်ကွေးကာကွယ်ဆေး နှစ်မျိုးရှိပါတယ်။ တစ်မျိုးက ထိုးဆေးဖြစ်ပြီး တစ်မျိုးက နှာခေါင်းဖြန်းဆေးပါ။ ဒါပေမယ့် ထိုးဆေးပဲ အသုံးများပါတယ်။ ၆ လအထက် ကလေးတွေအတွက် အထိရောက်ဆုံး တုပ်ကွေးကာကွယ်ဆေးက ထိုးဆေးပါ၊လို့ အမေရိကန် ကလေးကျန်းမာရေး စောင့်ရှောက်ရေးအဖွဲ့က ထောက်ခံထားပါတယ်။
၆ လအထက် ကလေးတွေတိုင်း တုပ်ကွေးကာကွယ်ဆေး ထိုးထားသင့်ပါတယ်။ ဒီထဲမှာမှ အခုလိုမျိုး ဘေဘီလေးတွေက တုပ်ကွေးကာကွယ်ဆေးကို မဖြစ်မနေထိုးထားသင့်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။