ညှစ်ယူထားတဲ့နို့ရည်ကို ရေခဲဘူးထဲမှာရေခဲတွေနဲ့ထားမယ်ဆိုရင် (၂၄) နာရီအတွင်း အထားခံပါတယ်။
နို့ရည်ကို လုံးဝအေးခဲထားမယ်ဆိုရင် (၁၂) လအထိ သိမ်းဆည်းထားနိုင်ပါတယ်။ ဒါပေမယ့် (၆) လအတွင်းသာ အသုံးပြုတာ အကောင်းဆုံးပါ။
လေ့လာချက်တွေအရ မိခင်နို့ရည်ကို ရိုးရိုးအအေးခံ ထားထား၊ အေးခဲအောင်ပဲ ထားထား၊ ကြာကြာသိမ်းဆည်းထားလေ နို့ရည်မှာပါတဲ့ ဗီတာမင် စီ ကလျော့နည်းသွားလေ ဖြစ်ပါတယ်တဲ့။ ဒါ့ကြောင့် အာဟာရဓာတ်တွေ မဆုံးရှုံးရအောင် အလုပ်မသွားခင် တစ်နေ့တစ်ကြိမ် နို့ရည် သိမ်းဆည်းပေးခဲ့တာ အကောင်းဆုံးဖြစ်ပါတယ်။
နို့ရည်ကို တိုက်ကျွေးခါနီး ပြန်နွှေးတဲ့အခါလည်း ရေနွေးထည့်ထားတဲ့ ပန်းကန်ထဲမှာ နို့ဗူးလေးစိမ်ထားပြီး ခပ်နွေးနွေးဖြစ်စေတာမျိုးပဲ လုပ်သင့်ပါတယ်။ မိုက်ခရိုဝေ့ဖ် သို့မဟုတ် မီးဖိုပေါ်တင် အပူပေးတာမျိုးမလုပ်ရပါဘူး။ အပူပေးခြင်းက နို့ရည်မှာပါတဲ့ ပဋိပစ္စည်းတွေကို ပျက်စီးစေနိုင်လို့ပါပဲ။
ကဲ..ဘေဘီလေးတွေကို ဘယ်နည်းနဲ့မှ မိခင်နို့ရည်နဲ့ မကင်းကွာရစေဖို့ မေမေတို့ကို နည်းလမ်းကောင်းလေးပေးလိုက်ပြီနော်။ ကျန်းမာဖွံ့ဖြိုးတဲ့ သားသမီးရတနာလေးတွေကို အကောင်းဆုံးပံ့ပိုးပေးနိုင်ပါစေ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။