သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

သွားနဲ့ ခံတွင်း ကျန်းမာနေတယ်ဆိုတဲ့ လက္ခဏာ (၇) ရပ်

    သွားနဲ့ ခံတွင်း ကျန်းမာနေတယ်ဆိုတဲ့ လက္ခဏာ (၇) ရပ်

    ခံတွင်းဆိုတာ လူ့ကျန်းမာရေးရဲ့ အဓိကအကျဆုံး နေရာလို့ ဆိုကြတယ်။ ခန္ဓာကိုယ်အတွက် အားဖြစ်စေမယ့် အစာအာဟာရအားလုံးဟာ ခံတွင်းကနေတဆင့် ကိုယ်တွင်းကို ဝင်ကြရတယ်မဟုတ်လား။

    ဒီတော့ ခံတွင်းမကျန်းမာတဲ့အခါ အစားအသောက်ပါ တစ်ခါတည်းပျက်ရပါတယ်။ ဒါမှမဟုတ် ဆာနေလျက်နဲ့ မစားရတာမျိုးလည်းဖြစ်တတ်ပါသေးတယ်။

    ဒီလိုအရေးကြီးလှတော့ မိမိရဲ့ သွားနဲ့ ခံတွင်း ကျန်းမာရေးဟာ လူတိုင်းအတွက် အထူးအရေးပါနေတော့တာပေါ့။ လူတစ်ယောက်အနေနဲ့ မိမိရဲ့ ခံတွင်း ကျန်းမာလား မကျန်းမာလားဆိုတာကို သိထားဖို့ လိုအပ်ပါတယ်။

    ဘာကြောင့်လဲဆိုရင် တစ်ချက်ကတော့ အားနည်းနေတဲ့၊ ချို့ယွင်းနေတဲ့ နေရာကို ကုစားဖို့ဖြစ်ပြီးတော့ နောက်တစ်ချက်ကတော့ ကျန်းမာနေတယ်ဆိုရင် ဂုဏ်ယူဖို့အတွက်ပါပဲ။ လူအများစုဟာ သွားနဲ့ ခံတွင်းဆိုင်ရာ ပြဿနာ တစ်စုံတစ်ရာအမြဲရှိနေတတ်တာမို့ တကယ်လို့ ကိုယ်ကကျန်းမာနေတယ်ဆိုရင် အရမ်းကို ဂုဏ်ယူဖို့ ကောင်းနေပြီလေ။

    ကဲ သင့်ရဲ့ သွားနဲ့ ခံတွင်း ကျန်းမာရဲ့လားဆိုတာကို အောက်ကအချက်တွေနဲ့ ကိုက်ညှိပြီး ဆန်းစစ်ကြည့်ရအောင်

    • ခံတွင်းနံ့ဆိုး မရှိဘူး – ခံတွင်းအနံ့ဆိုးခြင်းကို ဖြစ်စေနိုင်တဲ့ ကျန်းမာရေးပြဿနာအများအပြားရှိပေမယ့် အဓိကအချက်ကတော့ ခံတွင်းကျန်းမာရေးဆိုင်ရာပြဿနာတစ်စုံတစ်ရာရှိနေတာကြောင့်ပါ။ တကယ်လို့သင့်မှာ ခံတွင်းအနံ့ဆိုးမရှိဘူးဆိုရင် သင့်ရဲ့ ခံတွင်းကျန်းမာရေးဟာ အိုကေနေတဲ့ သဘောပါ။
    • ပန်းရောင်သန်းတဲ့ လျှာ – လျှာကလည်း ကျန်းမာတဲ့ ခံတွင်းရဲ့ အရေးပါတဲ့ အရာတစ်ခုပါပဲ။ ကျန်းမာတဲ့ လျှာဟာ ပန်းရောင်သန်းပြီး နူးညံ့နေတတ်ပါတယ်။ လျှာကဖြူနေရင် ဒါမှမဟုတ် အရောင်တစ်ခုခုဖြစ်နေရင် သင့်ခံတွင်းကျန်းမာရေး အခြေအနေက အနှုတ်ဘက်ကို ရောက်နေပါပြီ။
    • ခိုင်မာတဲ့ သွား – ကျန်းမာတဲ့ ခံတွင်းကို ပိုင်ဆိုင်ဖို့ဆိုရင် သွားခိုင်ခိုင်လေးတွေ ရှိနေဖို့လည်းလိုတာပေါ့။ သွားလေးတွေဟာ ဖြူပြီးမာကျောကြံ့ခိုင်နေရင်လည်း ဒါက ကောင်းတဲ့ လက္ခဏာပါပဲ။ ကိုယ့်သွားခိုင်မခိုင်သိချင်ရင် ရေခဲရေ အေးအေးလေးသာ သောက်ကြည့်လိုက်ပါ။ မခိုင်တဲ့သွားတွေက အလွန်ကျဉ်တက်လာတတ်ပါတယ်။
    • တင်းရင်းတဲ့ သွားဖုံး – သွားဖုံးလေးကလည်း တင်းတင်းရင်းရင်းနဲ့ ခိုင်ခိုင်မာမာလေးဖြစ်နေဖို့ လိုပါတယ်။ သွားဖုံးက ဂျယ်လီလို ပျော့နေတာ၊ ပန်းရောင်မဟုတ်ပဲ အရောင်ပြောင်းနေတာ၊ မို့မောက်ဖောရောင်နေတာတွေဖြစ်နေရင် သင့်သွားဖုံးဟာ ပြဿနာရှိနေတာ သေချာနေပါပြီ။
    • သွားပိုးပေါက် မရှိတာ – သွားပိုးပေါက်တွေ ရှိနေပြီဆိုမှတော့ ဘယ်ကျန်းမာတော့မလဲ။ သွားပိုးပေါက်တွေ၊ အက်ကြောင်းတွေဟာ သွားရဲ့ ကြွေလွှာပျက်စီးမှုလက္ခဏာတွေဖြစ်ပါတယ်။ ကျန်းမာတဲ့ ခံတွင်းကို ပိုင်ဆိုင်ဖို့ဆိုရင် သွားပိုးပေါက်တွေ၊ အက်ကြောင်းတွေလည်း မရှိဖို့ လိုအပ်ပါတယ်။
    • လှပတဲ့သွား – လူတိုင်းကတော့ သွားတည်ဆောက်ပုံ ညီညာနေကြတာ မဟုတ်ပါဘူး။ ဒါပေမယ့် ကြည့်လိုက်ချိန်မှာ၊ ပြုံးလိုက်ချိန်တွေမှာ ကြည့်ပျော်တယ်၊ လှတယ်ဆိုတဲ ခံစားချက်မျိုးရတာကို ဆိုလိုတာပါ။ ညီနေရင်တော့ ပိုလှတာမို့ ခုနောက်ပိုင်းမှာ သွားညီအောင် သွားထိန်း (Braces) တပ်ပြီး ပြုပြင်ယူကြတာပါ။
    • အရောင်အသွေးညီတဲ့ သွား – သွားလေးတွေက ဖြူဖွေးပြီး ညီညာနေမှ လှတာဖြစ်သလို ဒီလို အရောင်အသွေးညီနေတာလေးကိုက သင့်သွား ကျန်းမာနေမှုရဲ့ လက္ခဏာတစ်ရပ်ဖြစ်ပါတယ်။ သွားတွေ ညစ်နေမယ်ဆိုရင် ပိုးကူးစက်ခံရတာတွေ၊ နာ့ဗ်ကြောသေလေးတွေ ရှိနေတာတွေ ဖြစ်နေနိုင်တာကြောင့်ပါ။
    • သွားတိုက်ရင် သွေးမထွက်ဘူး – တချို့တွေဆို သတိထားမိပါလိမ့်မယ်။ သွားတိုက်ရင် ဘာကြောင့်မှန်းမသိ သွေးစလေးတွေ ထွက်ထွက်လာတတ်တာကို။ ဒါက သင့်ရဲ့သွားတွေ ကြံ့ခိုင်မှုအားနည်းနေတာကို သိသာစေတဲ့အချက်ပါ။ ကျန်းမာတဲ့လူတစ်ယောက်ရဲ့သွားမှာ ဒီလိုမဖြစ်နိုင်ပါဘူး။

    အထက်ပါအချက်တွေနဲ့သာ ကိုက်ညီနေမယ်ဆိုရင် သင်ဟာ ဂုဏ်ယူစရာကောင်းလောက်အောင်ကို သွားနဲ့ ခံတွင်း ကျန်းမာနေသူတစ်ယောက်ဖြစ်ပါတယ်။ ဒီကျန်းမာခြင်းလာဘ်ကြီးကို ဆက်ပြီး ထိန်းသိမ်းထားပါနော်။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Ye Zon Aung မှ ရေးသားသည်။ 10/07/2020 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: