သန္ဓေသားဘဝမှာ ဗိုက်ထဲမှာ ရှိနေတဲ့ ဝှေးစေ့က ကပ္ပာအိတ်ထဲကို ဆင်းမလာဘဲ ဗိုက်ထဲမှာ ကျန်နေတာမျိုးပါ။ တစ်လုံးတည်း ကျန်နေတာ ရှိသလို နှစ်လုံးလုံး ဆင်းမလာတာရှိပါတယ်။ တစ်လုံးတည်း ကျန်ခဲ့ရင်တော့ အောက်ကို ဆင်းလာတဲ့ တစ်လုံးက သူ့အလုပ်သူလုပ်တာကြောင့် ကလေးရနိုင်ပါတယ်။
နှစ်လုံးလုံး ကျန်ခဲ့ရင်တော့ ဝမ်းဗိုက်အပူချိန်မှာ သုက်ကောင်ထုတ်ဖို့ ခက်ခဲတာကြောင့် ကလေးရဖို့ ခက်မှာပါ။ ခွဲစိတ်ပြုပြင်လိုက်ရင်တော့ ကလေးရနိုင်ခြေ ပြန်မြင့်လာပါတယ်။
ခုနက ပြောတဲ့ ဝှေးစေ့ဆီရောက်တဲ့ သွေးကို အေးအောင်လုပ်ပေးတဲ့ pampiniform plexus က ပုံမှန်မဟုတ်ဘဲ တွန့်ခေါက်ပြီး ကြီးလာတာပါ။ ဘာကြောင့် ဒီလိုဖြစ်လဲဆိုတာ သေသေချာချာ မပြောနိုင်ကြပါဘူး။ သွေးကြောပိတ်တာ၊ ဖိအားများတာလို့ ယူဆကြပါတယ်။ လူပျိုဖော်ဝင်စအချိန်မှာ အဖြစ်များပါတယ်။ ဘယ်ဘက်မှာ ပိုဖြစ်တတ်ပါတယ်။
ဒီလိုမျိုး သွေးကြောက ပုံမှန်မဟုတ်တဲ့အတွက် သူ့အလုပ်ဖြစ်တဲ့ သွေးကို အေးအောင်လည်း မလုပ်ပေးနိုင်တော့ပါဘူး။ ဒီလိုနဲ့ ကြာလာရင် သုက်ကောင်ထုတ်လုပ်တာကို ထိခိုက်နိုင်ပါတယ်။ ကောင်းတဲ့အချက်ကတော့ ကုသလိုက်ရင် ပြန်ပြီးကောင်းလာနိုင်တာပါ။
နေထိုင်မှု ပုံစံကြောင့် ဝှေးစေ့ အပူချိန်တက်ခြင်း
ဒီနေရာမှာလည်း ပတ်ဝန်းကျင်ကြောင့်၊ ကိုယ်နေဟန်ထား၊ အလုပ်အကိုင်နဲ့ အလေ့အကျင့်တွေကြောင့် ပါဝင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။