လှဲနေရင်း လုပ်နည်း လူနာက လှဲပဲနေရတယ်ဆိုလည်း မစိုးရိမ်ပါနဲ့။ အောက်က လေ့ကျင့်ခန်းကို ဆက်လုပ်ပါ။
-ခြေထောက်ကို ဆန့်နေအောင် ထားပါ။ ပြီးရင် ခြေသလုံးတောင့်သွားတဲ့အထိ ခြေချောင်းတွေကို ကော့ပေးပါ။ ခဏလောက် တောင့်ထားပါ။ ပြန်လျှော့ပါ။ ခြေချောင်းတွေကို ခြေသလုံးတင်းလာတဲ့အထိ အောက်နိမ့်ချပါ။ ပြန်လျှော့ပါ။ ၅ခါလုပ်ပေးပါ။
-လှဲလျက်ကနေ ခြေထောက်ကို ၉၀ဒီဂရီဖြစ်အောင် မြှောက်ပါ။ လူနာမမြှောက်နိုင်ရင် ဘေးက ကူပေးပါ။ ကြွက်သားတွေ တင်းနေရင် နိုင်သလောက် မြှောက်ပေးပါ။ မြှောက်လျက်အနေအထားနဲ့ စက္ကန့်၃၀လောက်နေပါ။ ပြီးရင် ဖြည်းဖြည်းချင်း ပြန်ချပါ။ ဘယ်ညာ ၅ခါစီ လုပ်ပေးပါ။
-ဒါကို မလုပ်နိုင်ရင် နောက်တစ်နည်း ရှိပါတယ်။ လှဲပြီး ခြေထောက်ဆန့်လျက် အနေကနေ ဒူးထောင်လိုက်ပါ။ ဒူးတစ်ဖက်ကို ရင်ဘတ်ဆီ တွန်းတင်ပါ။ ၁၅စက္ကန့် တောင့်ထားပါ။ ပြန်လျှော့ပါ။ နောက်တစ်ဖက် ထပ်လုပ်ပါ။ ၅ခါစီ လုပ်ပေးပါ။
ဒီလေ့ကျင့်ခန်းတွေက အကြောင်းကြောင်းကြောင့် သွေးကျဲဆေး မထိုးရတဲ့ လူနာတွေမှာ အများကြီး အသုံးဝင်ပါတယ်။ သွေးကျဲဆေးထိုးထားတဲ့ လူနာတွေ၊ ရိုးရိုးလူနာတွေလည်း လုပ်လို့ရပါတယ်။ အကျိုးမယုတ်ပါဘူး။ အသက်ကြီးတဲ့ လူနာတွေဆို အကြောတင်းတာကြောင့် စစချင်းမှာ နာလို့ မလုပ်ချင်ဘူးလို့ ဂျီကျပါလိမ့်မယ်။ နောက်ရက်တွေကျရင် အကြောတင်းတာ သက်သာလို့ အဆင်ပြေသွားပါလိမ့်မယ်။ သွေးခဲပိတ်ရင် အန္တရာယ်ရှိတာကြောင့် လေ့ကျင့်ခန်းကို မဖြစ်မနေလုပ်ဖို့ လိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။