မုရိုးပင် ကပေးတဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 30, 2020 . 2 mins read
Share now

ရိုးတံဖြူဖြူ အရွက်ထူထူလေးနဲ့ အရွက်ပေါ်မှာ မွှေးညှင်းလေးတွေပါသလို အပွင့်လေးတွေ၊ လေပွအသီးလေးတွေပါနေတဲ့ အပူပိုင်းဒေသတွေမှာ အများဆုံးပေါက်ရောက်ကျတဲ့ အလေ့ကျပေါက်ပင် မုရိုးပင်လေးက ဘယ်လိုဆေးဖက်ဝင်လဲဆိုတာကို အတူတူကြည့်လိုက်ရအောင်လား။

မုရိုးပင်လေးရဲ့ ဆေးဖက်ဝင်မှုက

မုရိုးပင်လေးတွေက စိုက်ထားတာထက် အလေ့ကျပေါက်တာက များပါတယ်။ တစ်ပင်လုံးနီးပါး အသုံးဝင်တဲ့ မုရိုးပင်လေးကို

အဆူး စူးတာကို သက်သာစေတယ်

အဆူးစူးမိတဲ့အခါ အတွင်းပိုင်းမှာ အစူးကကျိုးပြီးကျန်နေခဲ့ရင် ထုတ်ဖို့တော်တော်လေးခက်ပါတယ်။ အပ်နဲ့ထွင်ထုတ်ဖို့ကလည်း ခက်တယ်။ ဆီးချိုလိုမျိုး အနာကျက်မလွယ်တဲ့ ကျန်းမာရေး ပြဿနာမျိုး ရှိနေတယ်ဆိုရင် အနာကို ရေစင်အောင်ဆေးလို့ မုရိုးပင်ကနေထွက်တဲ့ အစေးကို အနာမှာလိမ်းပြီး ပတ်တီး ခပ်ပါးပါးလေးနဲ့ စည်းထားပေးလိုက်ပါ။

၂ ရက် ကနေ ၃ ရက်လောက်ပုံမှန်လုပ်ပေးရုံနဲ့ အဆူးက သူ့အလိုလိုထွက်လာမှာပါ။

မွှေးကျွတ်နာ

မွှေးကျွတ်နာဖြစ်တဲ့အခါ အနာကို ရေနွေးဂွမ်းလေးတို့နဲ့ သန့်စင်ပြီးရင် ရေစင်အောင်ဆေးထားတဲ့ မုရိုးအရွက်ကို မီးကင်ပေးလို့ ကပ်ပေးရင် အနာသက်သာစေမှာပါ။

တင်းတိပ်

တင်းတိပ်သက်သာစေဖို့ဆိုရင် မုရိုးပင်အစေးကို သနပ်ခါးနဲ့ရောလို့ လိမ်းပေးလို့ရပါတယ်။  မုရိုးစေးက အက်ဆစ်ပါတာကြောင့် အရမ်းမများစေဖို့တော့ သတိထားဖို့ လိုပါမယ်။

ခြေသည်းလက်သည်း မှိုစွဲတာ

ခြေသည်းလက်သည်းမှိုစွဲတာကို သက်သာစေဖို့အတွက်လည်း မှိုစွဲတဲ့နေရာကို မုရိုးစေး ထည့်ပြီး ပတ်တီးလေးစည်းပေးပါ။ ပုံမှန်လုပ်ပေးရင် ၁ ပတ်လောက်အတွင်းမှာ သိသိသာသာ သက်သာနိုင်ပါတယ်။

အရိုးအဆစ်တွေ ကိုက်တဲ့အခါ

အရိုးအဆစ်တွေ ကိုက်တဲ့အခါ  ပင်စည်၊ အရွက်၊ အမြစ်တို့ကို ပြုတ်ပြီး ခပ်နွေးနွေးမှာ ချိုးပေးလို့ရပါတယ်။

ဒူးနာ၊ ခါးနာ ဖြစ်တဲ့အခါ

ဒူးနာ၊ ခါးနာဖြစ်တဲ့ အခါ မုရိုးရွက်ကို မီးကင်ပြီး နာနေတဲ့ ဒူး၊ ခါးတို့နေရာမှာ ကပ်ထားပေးရုံပါ။ ဒူးနာ၊ ခါးနတာကို သိသိသာသာ သက်သာစေမှာပါ။

ငါးမျက်စိ

ငါးမျက်စိရှိတဲ့နေရာကို မုရိုးပင် အစေးနဲ့ ပုံမှန် ပွတ်ပေးမယ်ဆိုရင် သက်သာစေမှာပါ။

သွားကိုက်သွားနာ

သွားကိုက်သွားနာဖြစ်မယ်ဆိုရင် မုရိုးအစေးကို ဂွမ်းနဲ့တို့ယူပြီး သွားကိုက်သွားနာတဲ့နေရာကို တို့ထားပေးရုံပါ။

ထိခိုက်ဒဏ်ရာတွေ

ထိခိုက်ဒဏ်ရာတွေ ဖြစ်တဲ့အခါ အနာကို မုရိုးပင် အစေးလေးယူပြီး လိမ်းပေးထားရင် အနာပိုးဝင်တာကို ကာကွယ်ပေးနိုင်မှာပါ။

နှာခေါင်းပိတ်ရင်

နှာခေါင်းပိတ်ခဲ့ရင် မုရိုးပင်အစေးကို နှာရိုးတလျှောက်လိမ်းပေးလို့ရသလို  အပင်အခေါက်ကို မီးရှို့ပြီး အငွေ့ခံပေးလို့ ရပါတယ်။

ဒါတွေအပြင် မိန်းကလေးတွေ ဓမ္မတာ မမှန်တာ၊ ပိုးကောင်ကိုက်တာ၊ ဂေါက်ရောဂါ၊ ဝမ်းပျက်ဝမ်းလျှောတာတွေ အတွက်လည်း အသုံးပြုလို့ရပါတယ်။ ရာသီလာစဉ်ကိုက်ခဲတာ၊ ချောင်းဆိုးတာ၊ ပန်းနာရင်ကျပ် သက်သာစေဖို့နဲ့ ကင်ဆာကာကွယ်ဖို့ အတွက်လည်း အသုံးပြုပေးလို့ ရပါတယ်။

တန်ဆေး လွန်ဘေး

မုရိုးပင်က ဆေးဖက်ဝင်တာမှန်ပေမယ့် အများကြီးသုံးရင်တော့ အဆင်မပြေပါဘူး။ မုရိုးပင်မှာပါတဲ့ ဓာတုပစ္စည်းတွေက နှလုံးရဲ့ လုပ်ဆောင်မှုကို ထိခိုက်စေနိုင်သလို အော့အန်တာ၊ ဝမ်းလျှော။ နှလုံးခုန်နှေးတာ၊ အခန့်မသင့်ရင် သေဆုံးတာမျိုးအထိ ဖြစ်စေနိုင်ပါတယ်။

ကိုယ်ဝန်ဆောင်တွေ၊ နို့တိုက်မိခင်တွေနဲ့ကတော့ လုံးဝမသင့်တော်ပါဘူး။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုယ်ဝန်ဆောင်ချိန်မှာ မေမေ အလက်ဂျီဖြစ်တာက ဘေဘီလေးကိုပါ ကူးစက်နိုင်သတဲ့။

လေ့လာမှုတွေအရ ကိုယ်ဝန်ဆောင်ချိန်မှာ မေမေက ဓာတ်မတည့်တာကို ခံစားရမယ်ဆိုရင် မွေးလာမယ့် ဘေဘီလေးမှာလည်း ဓာတ်မတည့်မှု ခံစားရနိုင်ခြေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုယ်ဝန်ဆောင်ချိန်မှာ ဖြစ်တဲ့ တင်းတိပ်ပြဿနာ

မိန်းကလေးတွေအတွက်တော့ ကိုယ်ဝန်ဆောင်နေစဉ် ကာလတစ်လျှောက်လုံးဟာ တင်းတိပ်ထွက်နိုင်ခြေ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ကိုယ်ဝန်ဆောင်နေချိန် Skin Care လုပ်သင့်လား

ဒီပြဿနာက ကိုယ်ဝန်ဆောင်အမျိုးသမီးတွေ မကြာခဏ မေးတတ်ကြတဲ့ ကိစ္စတစ်ခုပါ။ များသောအားဖြင့် ...

ရေးသားသူ Ye Myo Myat
အရေပြားကျန်းမာရေး, အလှအပ နိုဝင်ဘာ 30, 2020 . 3 mins read

နေ့ခင်းနေ့လယ်တွေမှာ တရေးတမော အိပ်ပါ

တရေးတမော အိပ်တယ်ဆိုတာ အရွယ်ရောက်ပြီးသူတွေ လုပ်သင့်လုပ်ထိုက်တဲ့ အလေ့အထတစ်ခုဖြစ်ပါတယ်။ ခွန်အားနဲ့ ဉာဏ်ရည်ကိုလည်း အထောက်အကူဖြစ်စေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ကိုဗစ်ကာကွယ်ဆေး နဲ့ myths များစွာ

ကိုဗစ်ကာကွယ်ဆေး နဲ့ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 3 mins read
အစားအသောက် မှီဝဲမှုနဲ့ Lupus ကို ထိမ်းချုပ်လို့တော့ ရပါတယ်။ လေ့လာချက်တွေအရဆိုရင် ချင်းဟာ Lupus ကို ထိမ်းချုပ်ကုသရာမှာ အလွန်အသုံးတည့်တယ်လို့ဆိုပါတယ်။ မစ်ချီဂန်တက္ကသိုလ်ရဲ့ လေ့လာချက်အရ ချင်းမှာပါဝင်တဲ့ 6-gingerol လို့ခေါ်တဲ့ bioactive compound တစ်မျိုးဟာ Lupus ရဲ့ ရောဂါလက္ခဏာတွေကို လျှော့ချပေးရာမှာ အလွန်ထိရောက်တယ်လို့ ဆိုပါတယ်။

Lupus ရှိရင် ချင်း (ဂျင်း) စားပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 16, 2021 . 2 mins read
သွေးတိုးရောဂါ (Hypertension)

သွေးတိုးရောဂါ (Hypertension)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 30, 2020 . 2 mins read
မန်ကျည်းခေါက်လေးရဲ့ ဆေးဖက်ဝင်ပုံ

မန်ကျည်းခေါက်လေးရဲ့ ဆေးဖက်ဝင်ပုံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 21, 2020 . 1 min read