backup og meta

ကူးစက်ရောဂါတွေကနေ ပြန်လည်သက်သာလာချိန်မှာ မှီဝဲသင့်တဲ့ အစားအစာ ၇ မျိုး

မှ အချက်အလက် စစ်ဆေးထားပါသည်။ Dr. Thurein Hlaing Win


Hello Sayarwon Panel မှ ရေးသားသည်။ · 12/06/2023 တွင် အသစ်ဖြည့်စွက်ခဲ့သည်။

    ကူးစက်ရောဂါတွေကနေ ပြန်လည်သက်သာလာချိန်မှာ မှီဝဲသင့်တဲ့ အစားအစာ ၇ မျိုး

    ဒီတစ်ခေါက်တော့ ကူးစက်ရောဂါတွေကနေ ပြန်လည်သက်သာလာချိန်မှာ မှီဝဲသင့်တဲ့ အစားအစာ တွေအကြောင်းကို ပြောပြပေးချင်ပါတယ်။

    ကူးစက်ရောဂါဆိုတာက ဗိုင်းရပ်စ်တွေ၊ ဘက်တီးရီးယားတွေ၊ မှိုတွေ၊ ပါရာဆိုက်တွေကနေတဆင့် ကူးစက်ကပ်ငြိပြီး ဖြစ်ပွားတဲ့ရောဂါတွေပါ။ လက်ရှိကမ္ဘာတစ်လွှားမှာ ကပ်ဘေးအသွင်နဲ့ ပျံ့နှံ့နေတဲ့ COVID-19 ကနေစလို့ တုပ်ကွေး၊ ငှက်ဖျား၊ ရိုးရိုးအဖျားနဲ့ ဝမ်းပျက်ဝမ်းလျှောတွေဟာလည်း ကူးစက်ရောဂါအမျိုးအစားတွေပါပဲ။

    တုပ်ကွေး၊ အဖျားစတဲ့ ကူးစက်ရောဂါတွေကနေ ပြန်လည်သက်သာလာချိန်မှာ အစားအသောက်ပျက်တာ၊ ချက်ချင်းပြန်လည် အင်အားပြည့်ဖြိုးလာဖို့ အချိန်ကြန့်ကြာတာတွေ ရင်ဆိုင်ရတတ်ပါတယ်။

    ဒီလို အခြေအနေတွေကို ကျော်ဖြတ်ဖို့ဆိုရင် လူ့ရဲ့ ခန္ဓာကိုယ် ခုခံအားစနစ်ကို အားဖြည့်ပေးပြီး ပုံမှန်အခြေအနေကို အလျင်အမြန် ပြန်ရောက်အောင် ကူညီပေးမယ့် အစားအစာမျိုးတွေကို မှီဝဲစားသုံးပေးဖို့ လိုအပ်ပါတယ်။

    ကိုယ်ခံအားစနစ်ကို မြှင့်တင်ပေးပြီး ကူးစက်ရောဂါတွေကနေ သက်သာကာစ လူနာတွေကို recovery မြန်မြန်ပြန်ဖြစ်အောင် တွန်းအားပေးတဲ့အစားအစာတွေဟာ နာလန်ထူကာစလူနာတွေအတွက်တော့ အလိုအပ်ဆုံးအရာတွေပါပဲ။

    ဒါပေမယ့် နာလန်ထခါစလူနာတွေတိုင်း အစားအသောက်ပျက်တဲ့ ပြဿနာနဲ့ ရင်ဆိုင်ရတတ်ပါတယ်။ အစားအသောက်စားချင်စိတ် နည်းပါးနေတာကြောင့် ဘာမှမစားဖြစ်ကြတဲ့အခါ နဂိုအတိုင်း ထူထူထောင်ထောင်ပြန်ဖြစ်လာဖို့ အချိန်အများကြီးယူရတတ်ပါတယ်။

    ဒါကြောင့် အစားအသောက် ပျက်တဲ့ဝေဒနာကို ရှောင်လွှဲကာ အရသာရှိရှိနဲ့ မှီဝဲစားသောက်ပြီး နာလန်ထလူနာကိုလည်း အလျင်အမြန် ထူထူထောင်ထောင်ဖြစ်လာအောင် ကူညီပေးနိုင်တဲ့ အစားအစာ ၇ မျိုးကို ဖော်ပြပေးချင်ပါတယ်။

    ကူးစက်ရောဂါတွေကနေ ပြန်လည်သက်သာလာချိန်မှာ မှီဝဲသင့်တဲ့ အစားအစာ ၇ မျိုး

    ကူးစက်ရောဂါတွေကနေ ပြန်လည်သက်သာလာချိန်မှာ မှီဝဲသင့်တဲ့ အစားအစာ ၇ မျိုး ကတော့

    အသားညှပ်ပေါင်မုန့်တွေဟာ အရသာရှိလှသလို ပရိုတိန်းဓာတ်လည်း ကြွယ်ဝစွာပါဝင်နေပါတယ်။ ပေါင်မုန့်၊ အသီးအရွက်၊ အသားတွေနဲ့ ဖန်တီးထားတာမို့ အာဟာရပြည့်ဝသလို ကိုယ်နှစ်သက်ရာ အသား၊ အရသာမျိုးကို ရွေးချယ် စားသုံးလို့ရတာကလည်း နာလန်ထကာစလူနာတွေအတွက် အစားအသောက်ပျက်မှုပြဿနာကို ဖြေရှင်းပေးနိုင်စေမှာဖြစ်ပါတယ်။ ကျန်းမာရေးပညာရှင်တွေကတော့ ကြက်ဆင်သား အသားညှပ်ပေါင်မုန့်ကို အဓိက ရွေးချယ်စားသုံးဖို့ အကြံပေးထားကြပါတယ်။

    သစ်သီးဖျော်ရည်တွေဟာ ကျန်းမာရေးအခြေအနေအားလုံးအတွက် ကောင်းမွန်တဲ့ ဓာတ်စာတစ်မျိုးဖြစ်ပါတယ်။ အသင့်ဖျော် သစ်သီးဖျော်ရည်တွေဟာ ကျန်းမာရေးနဲ့ ကိုက်ညီမှုမရှိလှပါဘူး။ ကိုယ်နှစ်သက်ရာ သစ်သီးကို ရွေးချယ်ပြီး သဘာဝအတိုင်း ဖျော်စပ်ထားတဲ့ သစ်သီးဖျော်ရည်တွေကိုသာ မှီဝဲသင့်ပါတယ်။ သစ်သီးဖျော်ရည်တွေဟာ ကိုယ်ခံအားစနစ်ကို မြှင့်တင်ပေးနိုင်သလို အလျှင်အမြန် recovery ဖြစ်စေဖို့လည်း အထောက်အကူဖြစ်စေပါလိမ့်မယ်။

  • ကြက်သားစွပ်ပြုတ်
  • ကြက်စွပ်ပြုတ်ဆိုရင် လူအတော်များများက လူမမာစာလို့ မြင်တတ်ကြပါတယ်။ တကယ်က ကြက်စွပ်ပြုတ်ကို ဖွယ်ဖွယ်ရာရာ အမယ်စုံစုံနဲ့ ပြုတ်ပြီးစားပေးရင် အရသာလည်း ရှိလှသလို နာလန်ပြန်ထတာ မြန်ဆန်အောင်လည်း အထောက်အကူပေးပါတယ်။ ကြိုက်တတ်လို့ ချင်းနဲ့ ကြက်သွန်ဖြူလေးပါ ထည့်ပြီး ပြုတ်စားမယ်ဆိုရင် ကိုယ်ခံအားနစ်ကိုလည်း မြှင့်တင်ပေးဦးမှာဖြစ်ပါတယ်။

    လက်ဖက်စိမ်းပဲဖြစ်ဖြစ်၊ စံပယ်ရနံ့ လက်ဖက်ခြောက်ပဲဖြစ်ဖြစ်၊ အူလောင်းပဲဖြစ်ဖြစ်၊ လက်ဖက်နက်ပဲဖြစ်ဖြစ် ကိုယ်နှစ်သက်ရာ လက်ဖက်ခြောက်အမျိုးအစားကို သုံးပြီး နေ့စဉ် ရေနွေးကြမ်းမှီဝဲပေးပါ။ ရေနွေးဟာ ကျန်းမာရေးနဲ့သင့်လျော်သလို လက်ဖက်ရွက်ကလည်း antioxidants တွေ ကြွယ်ဝစွာပါဝင်နေတာမို့ ကျန်းမာရေးကို အထောက်အကူဖြစ်စေပါတယ်။ ရေနွေးကို မသောက်ခင် သံပုရာရည်တစ်ဇွန်းစာလောက်ခပ်ပြီး အနံ့ရှူရှိုက်ပေးတဲ့ အလေ့အထလေးလည်း လုပ်ကြည့်ပါ။ အသက်ရှူလမ်းကြောင်းကို ကောင်းမွန်သန့်စင်စေပြီး လည်ချောင်းနာတာကိုလည်း သက်သာစေနိုင်ပါတယ်။

    ငှက်ပျောသီးကိုတော့ အစာပြေစာပဲဖြစ်ဖြစ်၊ မနက်ခင်း မနက်စာပဲဖြစ်ဖြစ်၊ ညစာအနေနဲ့ပဲဖြစ်ဖြစ် မှီဝဲပေးလို့ရပါတယ်။ ကြိုက်သလိုပုံစံမျိုးနဲ့ မှီဝဲစားသုံးပေးလို့ရပါတယ်။ အစာအိမ်နဲ့ အစာခြေဖျက်မှုစနစ်ကို အထောက်အကူပေးနိုင်ပြီးတော့ ဝမ်းသွားတာ၊ အန်တာနဲ့ ဗိုက်အောင့်တာတွေကိုလည်း သက်သာစေနိုင်ပါတယ်။

    မနက်ခင်းမှာ မနက်စာအဖြစ် ပေါင်မုန့်မီးကင်လေး စားပေးတာကလည်း အဖျားသက်သာပြီး နာလန်ထကာစ လူနာတွေ အလျင်အမြန်ပြန်သက်သာလာစေဖို့ အထောက်အကူဖြစ်စေပါတယ်။ ကြက်သားပြုတ်လေးနဲ့ တွဲဖက်မှီဝဲတာမျိုး၊ ငှက်ပျောသီးနဲ့ တွဲဖက်စားသုံးတာမျိုးလုပ်ရင် ပိုကောင်းပါတယ်။ မလိုအပ်ဘဲ  ဗိုက်ဆာတာမျိုးကိုလည်း လျှော့ချပေးနိုင်ပါတယ်။ အာဟာရဗေဒပညာရှင်တွေကတော့ ကူးစက်ရောဂါတွေကနေ နာလန်ထလာတဲ့ လူနာတွေအနေနဲ့ Whole-grain bread တွေကို ပိုမိုမှီဝဲစားသုံးပေသင့်တယ်လို့ လမ်းညွှန်ထားကြပါတယ်။

    အနက်ရောင် ချောကလက်

    ယုံချင်ယုံ မယုံချင်နေ၊ အနက်ရောင် ချောကလက်တွေဟာ အဖျားဝေဒနာကနေ နာလန်ထကာစ လူနာအတွေအတွက် အထူးသင့်လျော်တဲ့ ဖြည့်စွက်စာတစ်မျိုးဖြစ်ပါတယ်။ Dark chocolate မှာ theobromine လို့ ခေါ်တဲ့ antioxidant တစ်မျိုးကြွယ်ဝစွာပါဝင်နေပြီး ဒီဓာတ်ဟာ ချောင်းဆိုးဝေဒနာကိုလည်း သက်သာစေပါတယ်။

    ဒါ့အပြင် ချင်းပြုတ်ရည်၊ လိမ္မော်သီး၊ ရိုးရိုးရေ၊ ဂရိဒိန်ချဉ်၊ ဘလူးဘယ်ရီ၊ ဂျင်ဆင်းလက်ဖက်ရည်၊ ခရမ်းချဉ်သီး၊ ဆာလ်မွန်ငါး၊ ပန်းဂေါ်ဖီစိမ်း၊ သံလွင်ဆီ၊ ကညွတ်၊ ဥအမျိုးမျိုးနဲ့ ပန်းသီးတွေကိုလည်း မှီဝဲပေးသင့်ပြီး အဆိုပါ အစားအစာတွေကလည်း ကူးစက်ဝေဒနာကနေ ပြန်လည်သက်သာလာတဲ့ နာလန်ထကာစလူနာတွေကို အထောက်အကူဖြစ်စေမှာဖြစ်ပါတယ်။ ဒါတွေအပြင် အာဟာရပြည့်ဝလုံလောက်စွာ ထည့်သွင်းထုတ်လုပ်ထားတဲ့ အာဟာရဖြည့်စွက်စာတေါကလည်း နလန်ထလူနာကို မြန်မြန်အားပြည့်စေဖို့ အကောင်းဆုံး အားဖြည့်ပေးနိုင်မှာ အသေအချာပါပဲ။

    မသက်ဆိုင်ကြောင်း ရှင်းလင်းချက်

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    မှ အချက်အလက် စစ်ဆေးထားပါသည်။

    Dr. Thurein Hlaing Win


    Hello Sayarwon Panel မှ ရေးသားသည်။ · 12/06/2023 တွင် အသစ်ဖြည့်စွက်ခဲ့သည်။

    advertisement iconadvertisement

    ဤဆောင်းပါးက အကူအညီဖြစ်ပါသလား။

    advertisement iconadvertisement
    advertisement iconadvertisement