ဘီလူးစီးတာကို ဘယ်သူတွေ အများဆုံး ခံရသလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် စက်တင်ဘာ 25, 2020 . 2 mins read
Share now

လူက အသိစိတ် ရှိနေတယ်။ နိုးနေတယ်။ ဒါပေမဲ့ တစ်ယောက်ယောက်က တက်ဖိထားသလိုမျိုး ခြေတွေ၊ လက်တွေလည်း လှုပ်မရ၊ အော်လို့လည်းမရ၊ ဘာမှ လုပ်မရဘဲ အတော်ကို ကြောက်စရာကောင်းတဲ့ အခြေအနေမျိုး ကြုံဖူးကြလား။ မြန်မာတွေကတော့ ဒါကို ဘီလူးစီးတယ်လို့ ခေါပြီး အနောက်တိုင်း ဆေးပညာအရတော့ ဒါကို Sleep Paralysis လို့ ခေါ်ပါတယ်။ ထမင်းလုံး တစ္ဆေခြောက်တာလို့လည်း တချို့တွေက ပြောကြသေးတယ်။ ဘယ်လိုပဲခေါ်ခေါ် ကျိန်းသေတာကတော့ တစ်ခါကြုံပြီး နောက်တစ်ခါဆိုတာ ယောင်လို့တောင် မကြုံချင်၊ မကြားချင်တော့တဲ့ အခြေအနေပါပဲ။

ဒီလို ဘီလူးစီးခြင်းက ဘယ်အချိန်တွေမှာ အများအားဖြင့် ဖြစ်တတ်တာလဲ။

ဘီလူးစီးခြင်းဟာ အချိန်နှစ်ချိန်မှာ ဖြစ်တတ်ပါတယ်။ အိပ်ပျော်နေချိန်မှာနဲ့ နိုးနေချိန်မှာ ဖြစ်တာပါ။ အိပ်ပျော်နေချိန်မှာ ဖြစ်တာကိုတော့ predormital sleep paralysis လို့ခေါပြီး နိုးနေချိန်မှာ ဖြစ်တဲ့ ဘီလူးစီးခြင်းကိုတော့ Postdormital sleep paralysis လို့ ခေါ်ပါတယ်။

ဘာကြောင့်ဖြစ်ရတာလဲဆိုတဲ့ အကြောင်းရင်းကိုတော့ Hello Sayarwon မှာ မကြာခဏ ဖော်ပြခဲ့ပြီးပြီမို့ ဘယ်သူတွေမှာ အများဆုံးဖြစ်တတ်လဲဆိုတာကို ဖော်ပြပေးပါမယ်။

တကယ်တော့ လူ(၁၀) ယောက်မှာ (၄) ယောက်က ဘီလူးစီး ခံရတတ်ပါတယ်တဲ့။ တစ်သက်လုံး တစ်ခါမှ ဘီလူးစီး မခံရသေးတဲ့ ကျွန်တော်တို့တွေကတော့ အင်မတန် ကံကောင်းကြတဲ့ လူတွေပေါ့ ခင်ဗျာ။ ဒီ အခြေအနေကို အများအားဖြင့် ဆယ်ကျော်သက် အရွယ်တွေမှာ အတွေ့ရများတယ်ဆိုပေမဲ့ ကျား၊မ အသက်အရွယ်မရွေး ဘီလူးစီး ခံရနိုင်ပါတယ်။ မျိုးရိုးလိုက်တာမျိုးလည်း ရှိသလို တခြား ဘီလူးစီးခြင်းနဲ့ ဆက်နွယ်နေတဲ့ အကြောင်းအရာတွေကတော့

  • အိပ်ရေးပျက်ခြင်း
  • အိပ်ချိန်မမှန်ခြင်း (နေ့ဆိုင်း၊ ညဆိုင်း အဆိုင်းမတူဘဲ အလုပ်ဆင်းရတာမျိုး အပါအဝင်)
  • လေယာဉ်ကြောင့် ခရီးပန်းခြင်း (အချိန်ဇုန်တွေ မတူတော့တဲ့ အခါမျိုးတွေမှာပါ။)
  • စိတ်ဖိစီးမှုများခြင်း
  • စိတ်ပိုင်းဆိုင်ရာ ပြဿနာတစ်ခုခု (ဥပမာ- စိတ်ကြွစိတ်ကျ ဝေဒနာ) ခံစားနေရခြင်း
  • ပက်လက်အိပ်ခြင်း
  • အိပ်စက်ခြင်းဆိုင်ရာ ပြဿနာများ (ဥပမာ- ညပိုင်း ခြေထောက် ကြွက်တက်ခြင်း)
  • ADHD ကဲ့သို့သော ကျန်းမာရေးအခြေအနေများအတွက် ဆေးဝါးများ သုံးစွဲနေရခြင်း
  • မူးယစ်ဆေးတစ်ခုခုကို သုံးစွဲ/ စွဲလမ်းနေခြင်း စတာတွေနဲ့လည်း ဆက်နွယ်နေလေ့ရှိပါတယ်။

ပုံမှန်အားဖြင့်တော့ ဘီလူးစီးတာကို အိပ်ချိန်မှန်အောင် ထိန်းအိပ်တာ (တစ်ရက်ကို အနည်းဆုံး ၇နာရီကနေ ၉နာရီကြားအိပ်တာ)၊ စိတ်ကျဝေဒနာအတွက် ဆေးတွေ သုံးစွဲတာ (ဆရာဝန်က အိပ်ချိန်မှန်ဖို့ ကူညီပေးနိုင်လိမ့်မယ်လို့ ညွှန်းခဲ့ရင်)၊ စိတ်ပိုင်းဆိုင်ရာ ပြဿနာတွေအတွက် ကုသမှု ခံယူတာ နဲ့ ညပိုင်း ကြွက်တက်တာတွေ၊ နာတာရှည်ရောဂါတွေအတွက် ကုသမှု ခံယူခဲ့ရင် သက်သာနိုင်ပါတယ်။

အတိုချုပ်ပြောရမယ်ဆိုရင် အိပ်ရေးဝဝ အိပ်ပါ။ အိပ်ချိန်မှန်အောင် အိပ်ပါ။ စိတ်ဖိစီးမှု ကင်းဝေးအောင် နေပါ။ ကျန်းမာရေးနဲ့ ညီညွတ်အောင် နေပါ။ ဒါဆိုရင်တော့ ဘီလူးစီးခြင်းကနေ ကင်းဝေးနိုင်ပါလိမ့်မယ်။

Wathun Myet Chal

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဦးနှောက်ထိုင်းမှိုင်းသွားခြင်း (Brain Fog) ဖြစ်ပွားစေသော အကြောင်းများ

စာမေးပွဲဖြေနေတုန်း သိပ်မခက်ခဲလှတဲ့ သင်သိပြီးသား အကြောင်းအရာကို ချမရေးနိုင်ဖြစ်နေပါသလား၊ သင့်တနေ့တာမှာ ပိုက်ဆံကို ဘာတွေ သုံးခဲ့သလဲဆိုတာ မမှတ်မိဖြစ်နေပါသလား၊

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အရိုးအဆစ်ရောင်ခြင်း၏ နောက်ဆက်တွဲပြဿနာများ

အရိုးအဆစ်ရောင်ခြင်းဆိုတာဟာ ခန္ဓာကိုယ်ရဲ့အရိုးတွေအဆုံး တခုနဲ့တခု အဆစ်အနေနဲ့စုဆုံရာမှာရှိတဲ့ အရိုးနုတွေ ပျက်စီးလာတဲ့ အခြေအနေပဲ ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အက်ဆစ်ဓာတ်ကဲသော အစားအစာများအကြောင်း

အက်ဆစ်ဓာတ်ကဲတဲ့ အစားအစာတွေစားရင် ဆီးမှာ အက်ဆစ်ဓာတ်များသွားနိုင်ပါတယ်။ လတ်ဆတ်တဲ့ ဟင်းသီးဟင်းရွက်တွေဟာ အက်ဆစ်ဓာတ်နည်းပါတယ်။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ဖိုးဖိုးဖွားဖွားတို့မှာ အဖြစ်များတဲ့ ရောဂါများ

အသက်ကြီးရင့်လာတဲ့သူတွေမှာ ဒါတွေ ခံစားရနိုင်ပါတယ်။ ဖိုးဖိုးဖွားဖွားတို့မှာ အဖြစ်များတဲ့ ရောဂါတွေက ဘာတွေများလဲ။ ဖိုးဖိုးဖွားဖွား ကြုံရနိုင်တဲ့ ကျန်းမာရေးပြဿနာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

သန်စွမ်းကြံ့ခိုင်စေမည့် လေ့ကျင့်ခန်းများ

သန်စွမ်းကြံ့ခိုင်စေမည့် လေ့ကျင့်ခန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 5, 2021 . 3 mins read
ကျုပ်သားက ဂေးနေတယ်

ကျုပ်သားက ဂေးနေတယ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် နိုဝင်ဘာ 26, 2020 . 2 mins read
ငှက်ပျောဖူး ကြိုက်ကြလား..............

ငှက်ပျောဖူး ကြိုက်ကြလား…………..

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 25, 2020 . 2 mins read
အမျိုးအစား- ၂ ဆီးချို ခံစားရနိုင်ခြေကို လျှော့ချဖို့ ပြောင်းလဲသင့်တဲ့ ဘဝနေထိုင်မှုပုံစံ

အမျိုးအစား- ၂ ဆီးချို ဖြစ်နိုင်ခြေကို လျှော့ချဖို့ ပြောင်းလဲသင့်တဲ့ ဘဝနေထိုင်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 12, 2020 . 3 mins read