ကျန်းမာရေးကိုဒုက္ခအပေးဆုံး Sleep Myths (၈) ခု

ရေးသားသူ

ရေးသား ထုတ်ဝေခဲ့သည် ဇန်နဝါရီ 27, 2021 . 2 mins read
Share now

ကျန်းမာရေးကိုဒုက္ခအပေးဆုံး Sleep Myths (၈) ခု အကြောင်းကို ပြောပြပေးချင်ပါတယ်။ ဘာလို့လဲဆိုရင် ယုံတမ်းစကားတွေဖြစ်ကြတဲ့ Myths တွေဟာ လူတွေရဲ့ ကျန်းမာရေးကို အများကြီး ဒုက္ခပေးတတ်တာကြောင့်ပါ။

အထူးသဖြင့် အိပ်စက်တာလိုမျိုး နေ့စဉ်ဘဝမှာ မဖြစ်မနေလိုအပ်တဲ့ ကိစ္စမျိုးမှာ မှားယွင်းတဲ့ ယုံတမ်းစကားတွေကို ယုံမှတ်မှားမိမယ်ဆိုရင် ကျန်းမာရေးပြဿနာ အများအပြားနဲ့ ရင်ဆိုင်လာရနိုင်တယ်မဟုတ်လား။

လူတွေ မှားယွင်းယုံကြည်နေကြတဲ့ Sleep Myths အမြောက်အများရှိပေမယ့် လူ့ ကျန်းမာရေးကိုဒုက္ခအပေးဆုံး Sleep Myths တွေကို ရွေးချယ်ဖော်ပြပေးသွားပါမယ်။

ကျန်းမာရေးကိုဒုက္ခအပေးဆုံး Sleep Myths များ

လွန်ခဲ့တဲ့ နှစ်ပေါင်း ၂၀ အတွင်း အိပ်စက်ခြင်းဆိုင်ရာ သိပ္ပံပညာရပ်တိုးတက်လာတာနဲ့အမျှ လူတွေရဲ့ အိပ်စက်မှုပုံစံနဲ့ ကျန်းမာရေးနဲ့ ဆက်စပ်မှုတွေကို ပိုနားလည်လာရပါတယ်။

ဒါကြောင့် တချို့သော လူသိများတဲ့ကိစ္စတွေဟာ ယုံတမ်းတွေဖြစ်ပြိး တကယ်မှန်ကန်ဘူးဆိုတာကိုလည်း သဘောပေါက်လာရပါတယ်။ ဘယ်လို ယုံတမ်းစကား Myth တွေက လူ့ ကျန်းမာရေးကိုဒုက္ခအပေးဆုံး ယုံတမ်းစကား တွေပါလဲ။ ကြည့်ကြရအောင်။

Myth 1: ‘ငယ်ရွယ်နုပျိုချိန်တွေမှာ ၅ နာရီထက်နည်းပြီး အိပ်လည်း ပြဿနာမရှိဘူး’ ဆိုတဲ့အချက်

လေ့လာချက်တွေအရဆိုရင် ဒီ Myth ဟာ လူ့ ကျန်းမာရေးကိုဒုက္ခအပေးဆုံး Sleep Myths တွေထဲက တစ်ခုပါတဲ့။ အထိခိုက်နိုင်စေဆုံး ချင်း (ဂျင်း) လို့တောင်ဆိုကြပါတယ်။

ဒီလို တစ်နေ့ကို ၅ နာရီလောက် အိပ်စက်တာဟာ ဘယ်အသက်အရွယ်အတွက်မဆို ကောင်းကျိုးတစ်ခုမှ မပေးလို့ဖြစ်ပါတယ်။ ဒီလို အိပ်ချိန်နည်းမယ်ဆိုရင် နှလုံးရောဂါ၊ နှလုံးဖောက်ပြန်တာ၊ သွေးတိုး၊ စိတ်ဖိစီးတာနဲ့ စိတ်ဓာတ်ကျတာလို ကျန်းမာရေးထိခိုက်မှုတွေ ဖြစ်လာမှာပါ။

Myth 2: ‘ရုပ်မြင်သံကြားကြည့်တာက အိပ်ယာမဝင်ခင် အကောင်းဆုံး စိတ်အပန်းဖြေစရာ’ ဆိုတဲ့အချက်

တီဗီပဲဖြစ်ဖြစ်၊ ကွန်ပျူတာပဲဖြစ်ဖြစ်၊ စမတ်ဖုန်းပဲဖြစ်ဖြစ် အားလုံးရဲ့ Screen ကနေထုတ်လွှင့်တဲ့ Blue Light ဟာ လူ့ကျန်းမာရေးကို ဆိုးဆိုးရွားရွားထိခိုက်စေနိုင်ပါတယ်။

ဒါကြောင့်လည်း ‘ရုပ်မြင်သံကြားကြည့်တာက အိပ်ယာမဝင်ခင် အကောင်းဆုံး စိတ်အပန်းဖြေစရာ’ ဆိုတဲ့အချက်က ကျန်းမာရေးကိုဒုက္ခအပေးဆုံး ယုံတမ်းစကား တစ်ခုဖြစ်နေတာပါ။

အိပ်ယာဝင်ခါနီးတိုင်း Blue Light တွေကို ကြည့်နေတဲ့အပြင် အိပ်ချိန်မှာပါ အိပ်ယာထဲ ဖုန်းတွေယူဆောင်ပြီး အိပ်နေတယ်ဆိုရင်တော့ သင့်ကျန်းမာရေးအခြေအနေ တော်တော်ဆိုးတော့မယ်လို့ ပြောပါရစေ။

Myth 3: ‘နေမကောင်းရင် နေ့ဘက်တွေမှာ ကြိုက်သလို အိပ်နိုင်တယ်’ ဆိုတဲ့အချက်

ကျန်းမာရေးမကောင်းလို့ လဲလျောင်းနေရတာက သဘာဝကျတဲ့ ကိစ္စပါ။ ဒါပေမယ့် ဒီလိုလဲလျောင်းနေလို့ အချိန်တိုင်း အိပ်စက်တာ ဒါမှမဟုတ် အဆင်ပြေသလို အိပ်စက်မယ်လို့တော့ တွေးလို့မဖြစ်ပါဘူး။ လူတွေမှာ အိပ်စက်တဲ့ရစ်သမ်ရှိပြီးတော့ နေ့အချိန်တွေမှာ အဆင်ပြေသလို အိပ်စက်မိတာကြောင့် ဒီရစ်သမ်ပျက်သွားရင် ကျန်းမာရေးကို ပိုထိခိုက်စေနိုင်ပါတယ်။

Myth 4: ‘အိပ်ယာထဲလှဲပြီး မျက်လုံးမှိတ်ထားရုံနဲ့ အိပ်ပျော်သလို အကျိုးရှိတယ်’ ဆိုတဲ့အချက်

အရမ်းပင်ပန်းလွန်းရင် ခနလှဲပြီး မျက်စိမှိတ်ထားလိုက်တာမျိုး လူတိုင်းလုပ်ဖူးကြတယ်မဟုတ်လား။ နည်းနည်းတော့ အပင်ပန်းသက်သာသွားတယ်ဆိုပါတော့။ တချို့တွေက အိပ်ရေးအရမ်းပျက်ချိန်တွေမှာ ဒီလိုနည်းကို သုံးတတ်ကြတယ်။

တကယ်တော့ အိပ်ချင်လို့ ပင်ပန်းနေရင် အိပ်လိုက်တာအကောင်းဆုံးပါပဲ။ တင်းခံပြီး ခနမျက်စိမှိတ်ပြီး နားလိုက်ရင် နှလုံး၊ အဆုပ်နဲ့ ဦးနှောက်လုပ်ဆောင်ချက်တွေကို ပို အနှောင့်အယှက်ဖြစ်စေပါလိမ့်မယ်။

Myth 5: ‘အချိန်နေရာမရွေး နှစ်နှစ်ခြိုက်ခြိုက် အိပ်ပျော်နိုင်တာ ကျန်းမာရေးကောင်းလို့’ ဆိုတဲ့အချက် 

ဘယ်အချိန်၊ ဘယ်နေရာမှာမဆို နှစ်နှစ်ခြိုက်ခြိုက် အိပ်ပျော်သွားတာက အိပ်ရေးမဝလို့ပါ။ ကျန်းမာလို့ မဟုတ်ပါဘူး။ အစည်းအဝေးခန်းတွေ၊ လေယာဉ်စီးချိန်တွေမှာ အိပ်ချင်စိတ်ပေါ်လာတတ်တာဟာ ကိုယ့်အိပ်ရေးဝအောင် မအိပ်စက်ထားနိုင်ဘူးဆိုတဲ့ အဓိပ္ပါယ်ဖြစ်ပါတယ်။

Myth 6: ‘မအိပ်ခင် အရက်သေစာ မှီဝဲရင် ပိုအိပ်ကောင်းစေတယ်’ ဆိုတဲ့အချက်

အိပ်ယာဝင်ခါနီးမှာ အရက်သေစာလေး နည်းနည်းပဲဖြစ်ဖြစ်၊ များများပဲဖြစ်ဖြစ် မှီဝဲလိုက်မယ်ဆိုရင် သင်အိပ်ပျော်ကောင်း အိပ်ပျော်သွားပါလိမ့်မယ်။ ဒါပေမယ့် သင့်ရဲ့အိပ်ပျော်မှုက အဆိပ်ရည်သောက်ပြီး ခနမှေးလိုက်တဲ့ အဓိပ္ပါယ်မျိုးပါပဲ။

အယ်လ်ကိုဟောက လုံးဝနှစ်နှစ်ခြိုက်ခြိုက်အိပ်ပျော်စေတာမဟုတ်ပဲ ဦးနှောက်ကို လေးလံစေပြီး ခနအိပ်ပျော်သွားစေတာသာဖြစ်သလို အချိန်မတော်ပြန်နိုးတာမျိုး၊ ရင်ပူတာမျိုး၊ အရက်နာကျတာမျိုးတွေ ဖြစ်စေဦးမှာပါ။

Myth 7: ‘မအိပ်ချင်အောင် လေ့ကျင့်ယူလို့ရတယ်’ ဆိုတဲ့အချက်

မအိပ်ချင်အောင် ကော်ဖီသောက်မယ်၊ စကားပြောမယ် တစ်ခုခုလုပ်မယ်။ ဒါတွေလုပ်ရင်း အကျင့်ပါသွားရင် အိပ်ချိန်ကို နည်းသွားအောင်လုပ်လို့ရတယ်လို့ တချို့က ထင်ကြတယ်။

တကယ်တော့ အဖြေက ဆန့်ကျင်ဘက်ပါ။ ခန္တာကိုယ်အတွက် အိပ်ချိန်ပိုလိုအပ်သွားပြီး ကျန်းမာရေးထိခိုက်သွားတာကလွဲလို့ သင့်အတွက် ဘာမှပြန်ရမှာမဟုတ်ပါဘူး။

Myth 8: ‘အိပ်ပျော်နေတုန်း ဟောက်သံထွက်တာ သဘာဝပဲ’ ဆိုတဲ့ အချက်

အိပ်ပျော်နေစဉ်မှာ ဟောက်သံထွက်တာက အိပ်ဟောက် အသက်ရှူရပ်ဝေဒနာကြောင့်ပါ။  ဒီဝေဒနာက ကျန်းမာရေးကိုဒုက္ခအပေးဆုံး Sleep Myths တွေထဲက တစ်ခုပါပဲ။

အိပ်ပျော်နေစဉ်မှာ အသက်ရှူရပ်တန့်သွားတာဖြစ်ပြီး အဓိကအကြောင်းတရားက အဝလွန်တာဖြစ်ပေမယ့်  တခြားကျန်းမာရေးအခြေအနေတွေနဲ့ပါဆက်စပ်နေတတ်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စိုးရိမ်ပူပန်စိတ် ကြောင့် အိပ်ရေးပျက်ညတွေ များနေရင် ဒီနည်းလေးတွေ သုံးကြည့်ပါ

ခုရက်ပိုင်း လူအတော်များများ အိပ်ရေးတွေပျက်တာတွေ စိုးရိမ်ပူပန်စရာတွေ မကြာခန ကြုံနေရကြရတယ်။ စိုးရိမ်ပူပန်စိတ် ကြောင့် အိပ်ရေးပျက်ညတွေများလာနေတဲ့ သဘောမျိုးပေါ့

ရေးသားသူ Ye Zon Aung

နှလုံးရောဂါနှင့် ဆီကြော်အစားအစာ များ

နှလုံးရောဂါရှိနေပြီဆိုရင် သင်နေ့စဉ် မှီဝဲစားသုံးတဲ့ အစားအသောက်တွေဟာ သိပ်အရေးကြီးလာမှာပါ။ ဥပမာပြောရရင် ဆီကြော်အစားအစာ တွေ စားတာက မသင့်လျော်တာမျိုးပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

စိတ်ပူပင်လို့ ရင်တုန်လာတာလား… နှလုံးရောဂါလား….

စိတ်ပူပင်လို့ ရင်တုန်လာတာလား ......... နှလုံးရောဂွ ခံစားနေရလို့များ ရင်တုန်နေတာလား ဆိုပြီး စိတ်ပူနေတဲ့ စာဖတ်သူတွေ ရှိကြလား....

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

စိတ်ဖိစီးမှု ကြောင့် သွေးတိုးနေတာ အမြန်သက်သာစေဖို့

စိတ်ဖိစီးမှု ကြောင့် သွေးတက်နိုင်ပါသလား။ တကယ်လို့ သွေးတက်ခဲ့ရင် ဘယ်လိုနည်းလမ်းတွေနဲ့ ပြုစုရမလဲ။ သွေးပေါင်မြန်မြန်ချတာက အန္တရာယ်ကင်းရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
အာပူရွက် ရဲ့ကျန်းမာရေး အာနိသင်

အာပူရွက် ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read
sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 1, 2021 . 2 mins read
how-hope-affects-your-health မျှော်လင့်ချက်ထား

မျှော်လင့်ချက်ထား ခြင်းက ကျန်းမာပျော်ရွှင်စေပါတယ် စိတ်ဓာတ်မကျပါနဲ့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 23, 2021 . 3 mins read