ကျန်းမာရေးကိရိယာများ
သင် အသည်းကင်ဆာ ဖြစ်နိုင်သလား ဆိုတာကို အွန်လိုင်းကနေ စစ်ဆေးလို့ ရပါတယ်
ရေတိမ်ဖြစ်နိုင်ခြေ ဘယ်လောက်ရှိသလဲဆိုတာကို အွန်လိုင်းကနေ စစ်ဆေးနည်း
ကိုဗစ်ရောဂါဖြစ်နိုင်ခြေ ရှိမရှိဆိုတာကို အွန်လိုင်းကနေ စစ်ဆေးကြမယ်
ပန်းသေးပန်းညှိုး ဖြစ်နိုင်ခြေ ကို အွန်လိုင်းကနေ အလွယ်တကူ စစ်ဆေးလို့ရပါပြီ
သင့်ရဲ့ ဆီးချိုအကြိုအဆင့် ဖြစ်နိုင်ခြေ ကို အွန်လိုင်းကနေ စစ်ဆေးမယ်
နှလုံးခုန်နှုန်း ဘယ်လောက်ရှိသင့်လဲ ဆိုတာကို အွန်လိုင်းကနေ တွက်ချက်ခြင်း
မှ အချက်အလက် စစ်ဆေးထားပါသည်။ Aye Thi Mon
Aye Thi Mon မှ ရေးသားသည်။ · 26/09/2022 တွင် အသစ်ဖြည့်စွက်ခဲ့သည်။
တစ်နေ့လုံးအရမ်းပင်ပန်းထားတယ်၊ ကိုယ့်ကိုယ်ကိုမောင်းထားတယ်၊ အိမ်ပြန်ရောက်မှ နားပစ်လိုက်မယ်ဆိုတဲ့ စိတ်ထဲကကြိမ်းဝါးသံက ညအိပ်ချိန်မှာ ဘယ်ပျောက်သွားမှန်းမသိတော့ပါဘူး။ ပင်ပန်းထားတဲ့ဦးနှောက်ကို အနားပေးဖို့လိုနေပါပြီဆို အိပ်လို့ကမရတော့ဘူး။ အိပ်ရေးမဝရင်လည်းနောက်ထပ်အလုပ်တွေ ဆက်မလုပ်နိုင်ဘဲနေပါလိမ့်မယ်။ ဒီတော့ ပင်ပန်းနေလျက် မျက်စိကြောင်ရင် ဘယ်လိုလုပ်ရမလဲ၊ ရတဲ့အချိန်လေးအေးဆေးနှပ်ချင်ရင် ဘယ်လိုလုပ်ရမလဲ အကြံနည်းနည်းပေးမယ်နော်။
နောက်နေတာမဟုတ်ဘူးနော်။ ညတိုင်းအချိန်မှန်အိပ်သင့်တယ်ဆိုပေမယ့် ကိုယ့် ဦးနှောက် ကပြေးနေတာအရှိန်မကုန်သေးဘဲ အိပ်ဖို့အသင့်မဖြစ်သေးတဲ့အချိန်တွေရှိတယ်။ ဒီလိုဖြစ်လာရင် အတင်းကြီးလှိမ့်အိပ်မနေပါနဲ့။ အိပ်မပျော်တဲ့အတွေးပေါင်းသောင်းခြောက်ထောင်က ဖိစီးလာလိမ့်မယ်။ အဲ့တော့ သင့်ခန္ဓါကိုယ်ကို ပင်ပန်းလာ၊ပျင်းရိလာစေတဲ့အထိ မပင်ပန်းတဲ့အလုပ်တစ်ခု ထလုပ်ပါ။ ဥပမာ ပျင်းစရာကောင်းတဲ့စာအုပ်(ကိုယ်နှစ်သက်လေ့မရှိတဲ့အမျိုးအစား)ဖတ်တာမျိုး၊ရေနွေးနဲ့ရေထချိုးတာမျိုး၊ ကိုယ်တခြမ်းမှီပြီး သီချင်းအေးအေးလေးနားထောင်နေတာမျိုး။ အိပ်ရာထဲလှိမ့်ရင်း မျက်စိကြောင်နေတာထက် အပြင်မှာခဏအချိန်ဖြုန်းပြီး အိပ်ငိုက်လာတာနဲ့ ချက်ချင်းဝင်အိပ်ပါ။
အလုပ်ကိစ္စ သို့မဟုတ်ငွေရေးကြေးရေးကိစ္စ တို့လို စိတ်ဖိစီးစေနိုင်တဲ့အကြောင်းအရာတွေကြောင့် အတွေးတွေများနေတတ်ပါတယ်။ အိပ်ချိန်နီးတဲ့အခါ ဒီအတွေးတွေကိုဖျောက်သင့်တယ်၊ စိတ်လှုပ်ရှားရတဲ့ရုပ်ရှင်တွေလည်း ပိတ်ပါ၊ အွန်လိုင်းလည်း မတက်ပါနဲ့။ ဒါတွေအသုံးပြုချိန်ကို အနည်းဆုံး တစ်နာရီတော့ အိပ်ချိန်နဲ့ ခွာထားပါ။
မပြီးသေးတဲ့အလုပ်တွေက ခေါင်းထဲ ကျန်နေမှာဆိုတော့ဦးနှောက်က အနားယူမှာမဟုတ်ပါဘူး။ အိပ်ရာမဝင်ခင် ကိုယ်ခေါင်းထဲရှိသလောက် အလုပ်အကျန်တွေကို ချရေးထားပါ။ခေါင်းထဲရှိသမျှကို စာရွက်ထဲ အကုန်သာလွှတ်ပေတော့။ပြီးရင် အားလုံးမေ့လိုက်ပြီးခေါင်းအေးအေးနဲ့ အိပ်စက်ပါ။
တစ်ကိုယ်လုံးကိုဖြေလျှော့ချပြီး သက်တောင့်သက်သာနေလိုက်တာက စိတ်ဖိစီးတာကိုပါ သက်သာစေနိုင်ပါတယ်။ ကြမ်းပြင်မှာ လှဲချပြီးခြေပစ်လက်ပစ်အိပ်ပါ။ အသက်ကိုရှိုက်ပြီး ရှူသွင်း၊ရှူထုတ်ပါ။ တစ်ကိုယ်လုံး တစ်ပိုင်းချင်း တင်းထားပြီးမှပြန်ဖြေလျှော့ပါ။ ဥပမာခြေချောင်းတွေကိုတင်းထား၊ပြန်လျှော့၊ ဖနောင့်ကြော၊ပြီးရင်ပေါင်၊ ဗိုက် စသည်ဖြင့်ပေါ့။ နဖူးကြောကိုနောက်ဆုံးမှလျှော့ပါ။ အကြောပြေလျော့သွားမှ စိတ်ချလက်ချအိပ်ပါ။
ဝင်လေထွက်လေမှတ်တဲ့သဘောပါပဲ။ လူကိုဖြေလျော့ပြီး အတွေးတွေကိုနှေးစေဖို့ပါ။ ပက်လက်အိပ်နေတဲ့အခါ လက်ကိုရင်ဘတ်မှာထားပြီး နှလုံးခုန်သံကို ခံစားကြည့်ပါ။ အသက်တစ်ခါရှူရင် ၄ စက္ကန့်လောက်ကြာအောင်ရှိုက်ရှူပြီးဖြည်းဖြည်းချင်းပြန်ရှူထုတ်ပါ။
ဖုန်း၊ တက်ဘလက်တို့လို ဒစ်ဂျစ်တယ်ပစ္စည်းတွေက အိပ်စက်မှုကိုအနှောင့်အယှက်ဖြစ်စေပါတယ်။ သူတို့ဆီက ထွက်တဲ့ အပြာရောင်အလင်းကြောင့် ခန္ဓါကိုယ်မှာ အိပ်ချင်စိတ်ကိုထိန်းချုပ်တဲ့melatoninဟော်မုန်းထွက်ရှိမှုကို ရပ်တန့်စေပါတယ်။ပြီးတော့ ဦးနှောက်ကို အနားမယူဖို့ လှုံ့ဆော်ပေးပါတယ်။ အိပ်ရာထဲ ဖုန်းပွတ်တတ်တဲ့သူတွေ ညဉ့်နက်ကြတာလည်း မဆန်းပါဘူး။ အိပ်မပျော်လို့ အွန်လိုင်းတက်တာ ဆိုတဲ့ ဆင်ခြေနဲ့ပဲ အိပ်ရေးပျက်နေကြမှာပဲ။
အတွေးတွေထဲမှာ နစ်နေပြီး ပူပင်မှုတွေကနေ ရုန်းမထွက်နိုင်မယ့်တူတူ ကိုယ့်ပူပင်စရာ၊ဖိစီးစရာ၊လုပ်စရာတွေကို အဖြေရှာဖို့ အချိန်တစ်ခုသတ်မှတ်ပါ။ တိတ်တိတ်ဆိတ်ဆိတ်လေး ထိုင်တွေးနေဖို့၊ ဆုံးဖြတ်ချက်ချနိုင်ဖို့ အချိန်ခဏလောက်ပေးလိုက်ပါ။ ဒါတွေတွေးပြီးရင် စိတ်ထဲနည်းနည်းတော့ပေါ့သွားပြီး အိပ်ပျော်လာပါလိမ့်မယ်။
မပင်ပန်းတဲ့ ယောဂကစားကွက်ကြောင့် အိပ်ရေးဝနိုင်ပါတယ်။ နည်းလမ်းနှစ်မျိုးရှိတယ်နော်။ တစ်မျိုးက ကြမ်းပြင်ပေါ် ဒူးတုပ်ထိုင်ပါ၊ခြေမလေးတွေထောက်ထားမှာပေါ့။ပြီးရင် ဒူးနှစ်ဖက်ကို နည်းနည်းလေးခွဲလိုက်ပါ၊ လက်နှစ်ဘက်ကို အပေါ်ဆန့်တန်းပြီးဖြည်းဖြည်းချင်းရှေ့ကိုမှောက်ချပါ။ ရင်ဘတ်ကပေါင်နဲ့ထိမယ်၊ နဖူးက ကြမ်းပြင်နဲ့ထိမယ်၊ဖြည်းဖြည်းနော်။ ဒူးနာတတ်တယ်ဆိုရင် ဒုတိယနည်းက ပက်လက်အိပ်ပါ၊ခြေကားယား လက်ကားယား အိပ်ပစ်လိုက်ပါ။ဘေးဘက်ကို အကြောပြေသလောက်ဖြန့်ကားအိပ်ပါ။ အသက်ကိုအားရပါးရရှူပြီး ၃/၄/၅ မိနစ်လောက် ဒီအတိုင်းနေပါ။ အကြောတွေပြေပြီး အိပ်လို့ကောင်းမှာသေချာပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
Ref:
https://psychcentral.com/blog/how-to-quiet-your-mind-get-more-shuteye/
Accessed Feb 5, 2019.
https://www.webmd.com/sleep-disorders/sleep-science-18/slideshow-sleep-quiet-mind
Accessed Feb 5, 2019.
https://www.brainmdhealth.com/blog/6-ways-to-quiet-your-mind/
Accessed Feb 5, 2019.
ယခုပုံစံ
26/09/2022
Aye Thi Mon မှ ရေးသားသည်။
မှ အချက်အလက် စစ်ဆေးထားပါသည်။ Aye Thi Mon
Aye Thi Mon မှ ပြင်ဆင်ခဲ့ပါသည်။
မှ အချက်အလက် စစ်ဆေးထားပါသည်။
Aye Thi Mon
Aye Thi Mon မှ ရေးသားသည်။ · 26/09/2022 တွင် အသစ်ဖြည့်စွက်ခဲ့သည်။
ဤဆောင်းပါးက အကူအညီဖြစ်ပါသလား။