ထွက်မှာ သေချာပြီလား။
သံသယလွန်ကဲသော စိတ်ဝေဒနာဆိုသည်မှာ လူတစ်ယောက်သည် သူတစ်ပါးအပေါ် ဘယ်တော့မှမဆုံးနိုင်သော သံသယစိတ် နှင့် မယုံကြည်မှုများ ဖြစ်နေသော ထူးခြားသော စိတ်ဝေဒနာတစ်မျိုးဖြစ်သည်။ ဤရောဂါ၏ အခြား ထူးခြားချက်များမှာ သူတစ်ပါးကို ယုံကြည်ဖို့ ဝန်လေးခြင်း၊ အညှိုးကြီးခြင်း၊ ရိုးသားသော ကိစ္စရပ်စကားရပ်များအပေါ်တွင်ပင် ခြိမ်းခြောက်နေသည်ဟု အထင်ရောက်ခြင်းတို့ပဲ ဖြစ်ပါသည်။ ဤစိတ်ဝေဒနာရှိသောလူသည် သူတစ်ပါးအပေါ် ဒေါသထွက်လွယ်၊ ရန်ပြုလွယ်သည်။
သံသယစိတ်လွန်ကဲမှုသည် ကျိုးကြောင်းမဆီလျော်သော အတွေးနှင့် ယုံကြည်မှုများ ခိုင်မာလာချိန်တွင် ထင်ယောင်ထင်မှားဖြစ်လာစေတတ်သည်။ ထိုအခါတွင် သူတို့ တွေးနေ၊ ခံစားနေရသော အရာတွေက မမှန်ကန်ဘူးဆိုတာကို ထိုလူအား ဘယ်အရာကမှ (သက်သေအထောက်အထားများ ရှိနေလျှင်တောင်) နားချလို့မရပါ။ လူတစ်ယောက်သည် သံသယစိတ်လွန်ကဲသော စိတ်ဝေဒနာ (သို့) ထင်ယောင်ထင်မှားဖြစ်ခြင်းသာ ရှိပြီး အခြားလက္ခဏာများ (တကယ်မရှိသော အရာများကို မြင်နေ၊ ကြားနေခြင်းကဲ့သို့သော လက္ခဏာများ) မရှိလျှင် သူတို့ကို ထင်ယောင်ထင်မှားဖြစ်သော စိတ်ဝေဒနာသည်ဟုလည်း ခေါ်သည်။ အဘယ်ကြောင့်ဆိုသော် အတွေးများတွင်သာ ပြဿနာရှိပြီး ထိုရောဂါသည်များသည် နေ့စဉ် ပုံမှန်လုပ်ငန်းဆောင်တာများကို လုပ်ကိုင်နိုင်သည်။ သို့သော် သူတို့၏ ဘဝတွင် ကန့်သတ်ချက်များရှိပြီး အထီးကျန်ဆန်ပါသည်။
ဤဝေဒနာသည် အလွန်အဖြစ်များပါသည်။ အမျိုးသမီးများထက် အမျိုးသားများတွင် ပိုအဖြစ်များပါသည်။ အသက်အရွယ်မရွေးဖြစ်နိုင်ပါသည်။ ရောဂါဖြစ်ပွားနိုင်ချေ မြင့်မားစေသော အကြောင်းအရာများကို လျော့ချခြင်းဖြင့် ရောဂါကို စီမံနိုင်ပါသည်။ ပိုမိုသိရှိလိုသော အချက်များအတွက် သင့်ဆရာဝန်နဲ့ တိုင်ပင်နိုင်ပါသည်။
သံသယလွန်ကဲ စိတ်ဝေဒနာ၏ အဖြစ်များသော ရောဂါလက္ခဏာများမှာ
အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။
အကယ်၍ သံသယစိတ်က သင့်ဆက်ဆံရေး (သို့) လုပ်ငန်းခွင်တွင် နှောင့်ယှက်လာပါက ဆရာဝန် (သို့) စိတ်ကျန်းမာရေး ဆရာဝန်နဲ့ ဆက်သွယ်ပါ။
ဤ စိတ်ဝေဒနာကို ဖြစ်စေသော အဓိက အကြောင်းရင်းကို ပြည့်ပြည့်၀၀ မသိရှိရသေးပါ။ သို့သော် ရုပ်ပိုင်းဆိုင်ရာ ရော စိတ်ပိုင်းဆိုင်ရာ ပါ ပေါင်းစပ်ပါဝင်နေခြင်း ဖြစ်ဖို့များပါတယ်။ သံသယလွန်ကဲ စိတ်ဝေဒနာသည် စိတ်ကစဉ့်ကလျား ရောဂါသည် ဆွေမျိုးများတွင် အဖြစ်များပါသည်။ ကလေးဘဝအစောပိုင်းတွင် ရုပ်ပိုင်းဆိုင်ရာ (သို့) စိတ်ပိုင်းဆိုင်ရာ ထိခိုက်ဒဏ်ရာရခဲ့ဖူးခြင်းသည်လည်း ဤရောဂါဖြစ်ပွားမှုတွင် တစ်စိတ်တစ်ပိုင်း ပါဝင်နိုင်သည်။
သံသယလွန်ကဲ စိတ်ဝေဒနာ ဖြစ်ပွားမှုများစေတဲ့ အဓိကအကြောင်းအရင်းကတော့
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
သံသယလွန်ကဲ စိတ်ဝေဒနာကို ရုပ်ပိုင်းဆိုင်ရာနှင့် စိတ်ပိုင်းဆိုင်ရာ စစ်ဆေးအကဲဖြတ်မှုပေါ်တွင် အခြေခံပြီး အတည်ပြုသတ်မှတ်သည်။ ဆရာဝန်က ပြည့်စုံသော ဆေးစစ်ဆေးမှုနှင့် စိတ်ပိုင်းဆိုင်ရာ မေးမြန်းစစ်ဆေးခြင်းများကို ပြုလုပ်သည်။ လိုအပ်လျှင် ခန္ဓါကိုယ် စစ်ဆေးစမ်းသပ်မှုများ ပြုလုပ်သည်။ သံသယလွန်ကဲ စိတ်ဝေဒနာကို အတည်ပြုနိုင်သော ဓါတ်ခွဲစစ်ဆေးနည်း မရှိပါ။ သို့သော် ဆရာဝန်က ဖြစ်စေသော အကြောင်းရင်း၊ ရုပ်ပိုင်းဆိုင်ရာ နာမကျန်းမှုများကို ဖယ်ထုတ်ဖို့ များစွာသော စစ်ဆေးမှုများကို ပြုလုပ်ကောင်းပြုလုပ်နိုင်သည်။ အကယ်၍ ရုပ်ပိုင်းဆိုင်ရာ ဖြစ်စေသော အကြောင်းရင်းရောဂါ မတွေ့ရှိလျှင် ဆရာဝန်က သင်၏ စိတ်ပိုင်းဆိုင်ရာကို စစ်ဆေးရန် စိတ်ကျန်းမာရေး ဆရာဝန်ကို လွှဲပေးလိမ့်မည်။
စိတ်ကျန်းမာရေး ဆရာဝန်က ရှုပ်ထွေးနက်နဲသော စစ်ဆေးမှုများကို ပြုလုပ်လိမ့်မည်။ သူတို့က သင့်ငယ်ဘဝ၊ ကျောင်း၊ လုပ်ငန်းခွင် နှင့် ဆက်ဆံရေးအကြောင်းကို မေးမြန်းလိမ့်မည်။ သူတို့က သင်၏ အတွေးပုံရိပ်များကို ဘယ်လိုတုန့်ပြန်သလဲဆိုတာကို မေးမြန်းလိမ့်မည်။ ထိုမေးခွန်းများသည် သင်အခြေအနေတစ်ရပ်ကို ဘယ်လိုတုန့်ပြန်သလဲဆိုတာကို စစ်ဆေးခြင်းဖြစ်သည်။ ဥပမာ။ ။ သင်သည်လမ်းပေါ်တွင် တစ်စုံတစ်ယောက်၏ ပိုက်ဆံအိတ်ကို တွေ့လျှင် ဘယ်လိုလုပ်မလဲဆိုသော မေးခွန်းမျိုးကို မေးလိမ့်မည်။ ထို့နောက် စိတ်ကျန်းမာရေး ဆရာဝန် က ရောဂါအတည်ပြုပြီး ကုသမှုကို စီစဉ်ပေးလိမ့်မည်။
ဤရောဂါ ခံစားနေရသော လူနာများသည် ဆရာဝန်အပေါ်သံသယစိတ်များသောကြောင့် ကုသမှုသည် ခက်ခဲပါသည်။ အကယ်၍ ကုသမှုကို လက်ခံလျှင် စကားပြောကုထုံးနှင့် ဆေးဝါးများသည် ထိရောက်ပါသည်။
ကုသမှုကို လက်ခံသောသူများသည် အလုပ်ဆက်လုပ်နိုင်ပြီး ကျန်းမာသော ဆက်ဆံရေးကို ဆက်လက်ထိန်းသိမ်းနိုင်သည်။ သို့သော် သူတို့သည် ဘဝတစ်လျှောက် ကုသမှုကို ဆက်လက်ခံယူရမည်။ အဘယ်ကြောင့်ဆိုသော် သံသယလွန်ကဲ စိတ်ဝေဒနာကို အမြစ်ပြတ်ကုသနည်း မရှိပါ။ သံသယလွန်ကဲ စိတ်ဝေဒနာ ရောဂါလက္ခဏာများ ဆက်လက်ဖြစ်နေမည်ဖြစ်သော်လည်း အများ၏ ထောက်ပံ့မှု၊ ဂရုစိုက်မှုများနှင့် ရောဂါကို ကုသနိုင်ပါသည်။
လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက သံသယလွန်ကဲ စိတ်ဝေဒနာ ကို ကုသရာမှာ ဘယ်လိုအထောက်အကူပြုနိုင်မလဲ။
ဤစိတ်ဝေဒနာကို ကုသနိုင်သော နည်းလမ်းမရှိသေးပါ။ အဘယ်ကြောင့်ဆိုသော် သံသယလွန်ကဲ စိတ်ဝေဒနာသည် လူနာသည် အခြားလူများကို မယုံကြည်၊ သံသယစိတ်များသောကြောင့် အုပ်စုဖွဲ့ကူညီခြင်းနည်းလမ်းမျိုးသည် မဖြစ်နိုင်သလို အန္တရာယ်တောင်များသေးသည်။
အကယ်၍သင့်မှာ မေးခွန်းတွေရှိမယ်ဆိုရင် သင့်အတွက်သင့်တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
Paranoid Personality Disorder. http://www.webmd.com/mental-health/paranoid-personality-disorder. Accessed September 21, 2016.
Paranoid personality disorder. https://medlineplus.gov/ency/article/000938.htm. Accessed September 21, 2016.
Personality disorders. http://www.mayoclinic.org/diseases-conditions/personality-disorders/basics/symptoms/con-20030111. Accessed September 21, 2016.
