Phobias (အကြောက်လွန်ခြင်း) တို့၏ အကျိုးဆက်

Phobias (အကြောက်လွန်ခြင်း) တွေက သဘာဝအတိုင်း ဖြစ်လာတာတွေ ရှိသလို အရာဝတ္ထုတွေ၊ နေရာတွေနဲ့ အခြေအနေတွေကြောင့်လည်း ဖြစ်ပေါ်ခံစားလာရနိုင်ပါတယ်။ ကြောက်လန့်ခြင်းတွေက စိုးရိမ်ပူပန်မှုတွေနဲ့ မတူပါဘူး။ အကြောက်လွန်မှုက သူစိတ်ထဲက ကြောက်နေတဲ့ အရာကို မြင်တိုင်း အရမ်း ထိတ်လန့်တာမျိုး ဖြစ်နိုင်သလို ကြောက်လန့်တဲ့ အခြေအနေကို တွေ့ကြုံရတိုင်း အရမ်း ထိတ်လန့်တာမျိုးပါ။

အကြောက်လွန်ခြင်းတွေက ထိခိုက်စေတာမျိုး မရှိဘူးလို့ ထင်စရာရှိပေမယ့် တကယ်ကတော့ အကြောက်လွန်ခြင်းက လူတွေရဲ့ နေ့စဉ်ဘ​ဝ လှုပ်ရှားမှုတွေမှာ ထိခိုက်တာတွေရှိသလို ဆက်ဆံရေးတွေ အပေါ်မှာလည်း ထိခိုက်မှုတွေ ရှိလာနိုင်ပါတယ်။

ဒီတော့ အကြောက်လွန်ခြင်း (Phobias) တွေက ဘယ်လိုတွေများ ထိခိုက်စေနိုင်သလဲဆိုတာကို ပြောပြပေးသွားမယ်။

အကြောက်လွန်ခြင်း (Phobias) တွေက ဘယ်လိုတွေများ ထိခိုက်စေနိုင်သလဲ

အကြောက်လွန်ခြင်း (Phobias) တွေကြောင့် အခုလို ထိခိုက်စေနိုင်ပါတယ်။

ပြင်းထန်တဲ့ စိုးရိမ်မှုတွေကြောင့် အရွယ်မတိုင်ခင် သေစေနိုင်တယ်

အကြောက်လွန်ခြင်းတွေက အရွယ်မတိုင်ခင် သေဆုံးစေတဲ့ အကြောင်းအရင်းတွေထဲက တစ်ခုပါ။ အကြောက်လွန်ခြင်းက ပြင်းထန်လေလေ ထိခိုက်ခံစားရနိုင်ခြေက များလေလေပါ။

အကြောက်လွန်ခြင်းက အချိန်တိုင်းမှာ စိတ်ထဲရှိနေတာကြောင့် အမြဲလိုလို စိုးရိမ်ပူပန်နေပြီး ပညာရေး၊ လုပ်ငန်းခွင် တိုးတက်ရေးတွေကို ထိခိုက်စေနိုင်သလို နေ့စဉ် လုပ်ဆောင်မှုတွေအပေါ်မှာပါ ထိခိုက်စေနိုင်ပါတယ်။ အကြောက်လွန်ခြင်းကြောင့် ဘဝရှင်သန်မှုကိုပါ ထိခိုက်စေနိုင်ပါတယ်။

အထီးကျန်မယ်

အကြောက်လွန်မှုကြောင့် နေထိုင်မှုပုံစံမှာ အကန့်အသတ်တွေဖြစ်လာရာကနေ လူမှုဆက်ဆံရေးမှာပါ အထီးကျန်တာတွေ ဖြစ်လာနိုင်ပါတယ်။ ဒီလိုကနေ မိသားစုတွေကြားက ဆက်ဆံရေးတွေ ဝေးကွာလာတာ၊ မိတ်ဆွေသူငယ်ချင်းတွေနဲ့ အလှမ်းဝေးလာတာတွေ ဖြစ်လာပြီး ကြာလာလေလေ သီးသန့်ဆန်လာပြီး အထီးကျန်ဆန်လာနိုင်ပါတယ်။

ကသိကအောက် ဖြစ်စေတယ်

ထိန်းချုပ်ဖို့ ခက်မယ်

ကူကယ်ရာမဲ့သလို ခံစားရမယ်