ဘာကြောင့် နို့သီးခေါင်း နာကျင်နေတာလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 13, 2020 . 2 mins read
Share now

အမျိုးသမီးတွေရဲ့ ခန္ဓာကိုယ်အစိတ်အပိုင်းတွေထဲမှာ ရင်သားရဲ့ ထိပ်ဖျားမှာတည်ရှိနေတဲ့ နို့သီးခေါင်းက ထိလွယ်ခိုက်လွယ်တဲ့ အစိတ်အပိုင်းတစ်ခုလို့ ဆိုလို့ရပါတယ်။

အကြောင်းပြချက် အမျိုးမျိုးကြောင့် နို့သီးခေါင်းကို ထိခိုက်နာကျင်မှုဝေဒနာ ခံစားရစေနိုင်ပါတယ်။ တင်းကျပ်တဲ့ အဝတ်အစားတွေဝတ်ဆင်မိတာကစလို့ ရောဂါကူးစက်ခံရတာအထိ အကြောင်းပြချက်အမျိုးမျိုးကြောင့် နို့သီးခေါင်း နာကျင်နိုင်တာပါ။

အထူးသဖြင့် အမျိုးသမီးတွေအတွက်တော့ နို့သီးခေါင်းနာကျင်တာဟာ ကောင်းမွန်တဲ့ လက္ခဏာတစ်ရပ်မဟုတ်ပါဘူး။ ကျန်းမာရေးဆိုင်ရာ ပြဿနာတစ်စုံတရာ ဖြစ်ဖို့ အလွန်နီးစပ်လှပါတယ်။

အမျိုးသမီးတစ်ယောက် ရုတ်တရက် နို့သီးခေါင်းနာကျင်မှုဝေဒနာ ခံစားလာရပြီဆိုရင် ဒီလိုဖြစ်ရတာဟာ ဘာကြောင့်လဲဆိုတာကို ဆန်းစစ်လေ့လာကြည့်ရအောင်။

မတော်တဲ့ အဝတ်အစားတွေကြောင့်

ကိုယ့်ရဲ့ ရင်သားအရွယ်အစားနဲ့ မတော်တဲ့ ဘရာစီယာမျိုးကို အချိန်ကြာမြင့်စွာ ဝတ်ဆင်နေမိတာမျိုး၊ အလွန်တင်းကျပ်လွန်းတဲ့ အဝတ်အစားမျိုးတွေကို ဝတ်ဆင်နေမိတာမျိုးတွေကြောင့် ရင်သားသာမက နို့သီးခေါင်းပါ နာကျင်မှုဖြစ်နိုင်ပါတယ်။ သာမန် ပြဿနာတစ်ခုလို့ ထင်မြင်စရာရှိပေမယ့် အလွန်ဆိုးရွားလာရင် နို့သီးခေါင်းကနေ သွေးယိုစီးတာအထိဖြစ်တတ်ပါတယ်။

အရေပြားပြဿနာကြောင့်

ယားနာတွေသာမက ရင်သားပတ်ဝန်းကျင်မှာ အရေပြားနဲ့သက်ဆိုင်တဲ့ ကျန်းမာရေးပြဿနာ တစ်စုံတရာရှိနေရင်လည်း ခုလို နို့သီးခေါင်းနာကျင်မှုကို ခံစားရနိုင်ပါတယ်။ ဓာတ်မတည့်တာမျိုး၊ ထိခိုက်မိတာမျိုး၊ အဖျားဝေဒနာ၊ Eczema နဲ့ Dermatitis တို့လို ရောဂါတွေကြောင့်လည်း ခုလို နာကျင်တာနဲ့ ယားယံတာတွေဖြစ်နိုင်ပါတယ်။

ရာသီသွေးဆင်းချိန် ဖြစ်နေတာကြောင့်

တစ်ခါတစ်လေမှာတော့ ရာသီသွေးဆင်းနေတာရဲ့ သက်ရောက်မှုအဖြစ် နို့သီးခေါင်းတွေ နာနေတတ်ပါတယ်။ ကိုယ်တွင်းမှာ အက်စထရိုဂျင်လယ်ဗယ်မြင့်တက်လာပြီး ရင်သားမှာရှိတဲ့ တစ်ရှူးတွေ ရောင်ရမ်းလာတာကြောင့်ပါ။ ဒီဝေဒနာက ရာသီသွေးဆင်းချိန်ပြီးဆုံးချိန်မှာ အလိုလို ပျောက်ကင်းသွားနိုင်ပါတယ်။

ကိုယ်ဝန်ကြောင့်

ဟိုမုန်းအပြောင်းအလဲကြောင့် ရင်သားနဲ့ နို့သီးခေါင်းတို့ တင်းတာ၊ နာကျင်တာတွေ ဖြစ်တတ်ပါတယ်။ ဒါပေမယ့် ရာသီထိမ်တာ၊ အော့အန်တာ၊ ပင်ပန်းနွမ်းနယ်တာမျိုးတွေကလည်း ကိုယ်ဝန်ရလာချိန်တွေမှာ ခံစားရတဲ့ လက္ခဏာတွေပါပဲ။ ရင်သားနာကျင်မှုကို သက်သာစေဖို့ဆိုရင် ကိုယ်ဝန်သည်တွေအတွက် သီးသန့်ထုတ်လုပ်ထားတဲ့ maternity bra မျိုးပြောင်းလဲ ဝတ်ဆင်သင့်ပါတယ်။

နို့တိုက်ချိန်ဖြစ်နေတာကြောင့်

ရင်သွေးရလာပြီး နို့ချိုတိုက်ကျွေးနေရတဲ့ ကာလမျိုးတွေမှာလည်း နို့သီးခေါင်း နာကျင်တတ်ပါတယ်။ နောက်ပြီး ကလေးက နို့သီးခေါင်းကို ကိုက်မိတာကြောင့်လည်း နာကျင်နိုင်ပါတယ်။ ဒီလိုမျိုးကတော့ ခဏတဖြုတ်အတွင်း သက်သာသွားတတ်ပါတယ်။ ပိုမြန်မြန်သက်သာချင်ရင် အဆီပါဝင်တဲ့ လိမ်းဆေးတွေ လိမ်းကျံပေးလို့ရပါတယ်။

ရောဂါပိုး ကူးစက်ခံထားရတာကြောင့်

ဆက်တိုက်နာကျင်နေပြီဆိုရင်တော့ ရောဂါပိုးတစ်ခုခုကူးစက်ခံထားရတာကြောင့် ဖြစ်နိုင်ခြေပိုများပါတယ်။ Mastitis ဟာ ဒီလိုဖြစ်စေနိုင်တဲ့ အကြောင်းအရင်းတစ်ရပ်ဖြစ်ပါတယ်။ ဘက်တီးရီးယားတွေ နို့အုံမှာ ပေါက်ပွားပြီး ရှင်သန်နေတာကြောင့် နာကျင်မှုဝေဒနာကို ခံစားရတာပါ။ နို့ချိုတိုက်ကျွေးနေတဲ့ မိခင်တွေမှာပိုအဖြစ်များပါတယ်။ ဒါ့အပြင် အဖျား ၁၀၁ ကျော်နေတာ၊ ချမ်းတုန်ဖျားတာနဲ့ ရင်သားမှာ အင်ပြင်ထတာတွေကြောင့်လည်း ခုလို နာကျင်နိုင်ပါသေးတယ်။

ရင်သားကင်ဆာကြောင့်

ရင်သားနဲ့ နို့သီးခေါင်း အလွန်အမင်းနာကျင်မှုဟာ ရင်သားကင်ဆာဖြစ်နေတယ်ဆိုတဲ့ လက္ခဏာဖြစ်နိုင်တာကို မမေ့ပါနဲ့။ ပုံမှန်မဟုတ်တဲ့ လက္ခဏာတစ်ခုဖြစ်ပေမယ့် တချို့သော ရင်သားကင်ဆာဝေဒနာရှင်တွေမှာ ဒီလိုနာကျင်မှုမျိုး ခံစားရတတ်ပါတယ်။ တခြားသော ရင်သားကင်ဆာဝေဒနာတွေကတော့ နို့သီးခေါင်းအတွင်းထဲကို ချိုင့်ဝင်သွားတာ၊ အနီကွက်တွေထလာတာ၊ နို့မထွက်ပဲ နို့သီးခေါင်းပွင့်လာတာမျိုးတွေပါပဲ။

Paget’s Disease ရောဂါရှိနေတာကြောင့်

Paget’s Disease ဆိုတာက နို့သီးခေါင်းနာကျင်စေတဲ့ ဝေဒနာတစ်မျိုးဖြစ်ပါတယ်။ ရင်သားကင်ဆာဝေဒနာရှင် ၄% လောက်ဟာ ဒီရောဂါကိုလည်း ရင်ဆိုင်ရတတ်ပါတယ်။ ကင်ဆာရောဂါရဲ့ ဘေးထွက်ဆိုးကျိုးတစ်ခုလို့ သတ်မှတ်ခံထားရတဲ့ ဝေဒနာတစ်မျိုးပါ။ ဒါပေမယ့် Paget’s Disease ဟာ ရင်သားတစ်ဖက်ကိုသာ ဝေဒနာဖြစ်စေလေ့ရှိပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အစာရေမျိုကင်ဆာ ဒီလိုကာကွယ်ပါ

ကင်ဆာတွေက ကာကွယ်လို့ရပါတယ်။ ဒီတစ်ခေါက်တော့ အဖြစ်နည်းပေမယ့်လည်း ကာကွယ်ထားရင် မမှားတဲ့ ကင်ဆာ အမျိုးအစားတစ်ခုဖြစ်တဲ့ အစာရေမျို ကင်ဆာလေးအကြောင်း ပြောပြပေးပါရစေ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အဝလွန်မှုရဲ့ နောက်ဆက်တွဲ ကင်ဆာအမျိုးအစားများ

အဝလွန်တာရဲ့ နောက်ဆက်တွဲမှာ ကျန်းမာရေးပြဿနာတွေ ရှိလာမယ်။ ဒီလိုဖြစ်လာမယ့် ကင်ဆာလည်း ပါတယ်။ ဒီတော့ အဝလွန်ရင် ဘယ်လို ကင်ဆာတွေဖြစ်နိုင်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
အဝလွန်ခြင်း, ကျန်းမာရေးစင်တာ အောက်တိုဘာ 13, 2020 . 2 mins read

သွေးနီဥဆဲလ်များ ကြီးမားပြီး သွေးအားနည်းခြင်း (Macrocytic Anemia)

ပြဿနာတခုခုကြောင့် သွေးနီဥဆဲလ်များဟာ ပုံမှန်ထက် အရွယ်အစား ကြီးမားနေတတ်ပါတယ်။ သွေးဆဲလ်တွေ ကောင်းစွာ ဆောင်ရွက်နိုင်ခြင်းမရှိတဲ့အခါ သွေးအားနည်းတတ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
anemia, ကျန်းမာရေးစင်တာ အောက်တိုဘာ 12, 2020 . 2 mins read

ဘယ်အရာတွေက သင့်အသားအရေကို ပျက်စီးစေတာလဲ

အသားလေး ဖြူရင် ဘာဝတ်ဝတ်လှတယ်။ သူက ချစ်စရာလေးနော်။ အသားအရေလေး လှတာကိုး ဆိုတဲ့ စကား ငယ်ငယ်ကတည်းက ကြားဖူးမယ် ထင်တယ်နော်။ အသားအရေကျန်းမာစေဖို့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ရင်သားကင်ဆာ ကာကွယ်ပေးမယ့် အစားအစာများ

ရင်သားကင်ဆာ ကာကွယ်ပေးမယ့် အစားအစာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 15, 2020 . 2 mins read
ရင်သားကင်ဆာ သဘာဝအတိုင်း ကာကွယ်ပါ

ရင်သားကင်ဆာ သဘာဝအတိုင်း ကာကွယ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 15, 2020 . 2 mins read
ရင်သားကင်ဆာ

ရင်သားကင်ဆာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 15, 2020 . 5 mins read
ရင်သားထွားထွား ရောဂါများများ

ရင်သားထွားထွား ရောဂါများများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 14, 2020 . 2 mins read