ဆေးလိပ်သောက်ခြင်းနှင့် ခံတွင်းကျန်းမာရေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 14, 2020 . 2 mins read
Share now

ဆေးလိပ်သောက်တာ မကောင်းဘူးလို့ ဘယ်လောက်ပြောပြော သောက်နေမိတယ်။ ဆေးလိပ်ဗူးမှာ ဆေးလိပ်သောက်ခြင်း က ကျန်းမာရေးကို ဆိုးရွားစွာထိခိုက်နိုင်ပါတယ် ဆိုပေမယ့်လည်း မစွန့်လွှတ်နိုင်သေးဘဲ ဆေးလိပ်ကို ဆက်သောက်နေမိမယ် ဆိုရင်တော့ ဒီဆောင်းပါးလေးကို ဖတ်ဖြစ်အောင် ဖတ်ဖို့တော့ လိုနေပါပြီ။ ဒီဆောင်းပါးလေးက ဆေးလိပ်မဖြတ်နိုင်ဘူး။ ဆေးလိပ်သောက်တာကြောင့် ခံတွင်းကျန်းမာရေး ထိခိုက်လာမှာကိုလည်း စိုးရိမ်တယ်ဆိုတဲ့ Smoker တွေအတွက်ပါ။

ဆေးလိပ်သောက်တာကြောင့် ခံတွင်းမှာ ဘာတွေဖြစ်လာနိုင်လဲ…….

ဆေးလိပ်သောက်တာကြောင့် ကျန်းမာရေးကို အဖက်ဖက်က ထိခိုက်စေနိုင်တယ်ဆိုတာ ပြောနေစရာမလိုဘဲ သိမယ်ထင်ပါတယ်။ ဆေးလိပ်ငွေ့ကို ရှူရှိုက်လိုက်တိုင်း အဆုတ်တွေတင်မဟုတ်ဘဲ သွား နဲ့ ခံတွင်းမှာပါထိခိုက်တာတွေရှိလာနိုင်ပါတယ်။ ဆေးလိပ်သောက်ခြင်းက

  • ခံတွင်းအနံ့ဆိုးစေတယ်
  • သွားဖုံးပြဿနာ ဖြစ်စေတယ်
  •  အရသာခံမှု အားနည်းစေတယ်
  • periodontal disease (သွားဖုံး နဲ့ သွားတဝိုက်တွင်ဖြစ်သော ရောဂါတစ်မျိုး) ခံစားရစေတယ်
  • သွားတွေအရောင်ပြောင်းစေတယ်
  • ပါးစပ်ထဲမှာ အဖြူရောင်အနာတွေဖြစ်နေမယ်
  • အနာကျက်နှေးမယ်
  • သွား ပျက်စီးမယ်
  • သွား ဆုံးရှုံးမယ်
  • သွားဖုံး သွေးယိုမယ်
  • သွားဖုံးတွေ နာမယ်
  • သွားနဲ့သွားဖုံးတွေဆီ သွေးစီးဆင်းရောက်ရှိမှု နည်းစေမယ်
  • ခံတွင်းကင်ဆာဖြစ်မယ် စတဲ့လက္ခဏာတွေ ခံစားရပါမယ်။

ဆေးလိပ်သောက်တာကြောင့်ဖြစ်တဲ့ ခံတွင်းပြဿနာကို ဘယ်လိုကာကွယ်မလဲ……..

ဆေးလိပ်က တစ်နေ့ကိုမှ တစ်လိပ်ပဲသောက်သောက် ဘယ်လိုသောက်သောက် ကျန်းမာရေးကို ထိခိုက်တာကတော့ အမှန်ပါပဲ။ အနှေးနဲ့အမြန်ပဲ ကွာပါတယ်။ ဒီတော့ ဆေးလိပ်ကိုမဖြတ်နိုင်ဘူးဆိုရင် နောက်ဆက်တွဲခံတွင်းပြဿနာတွေကို ကာကွယ်နိုင်ဖို့ ဒီအချက်လေးတွေကိုလုပ်ဖို့လိုပါမယ်။

သွားပုံမှန်တိုက်ပါ – မနက်တစ်ကြိမ်၊ ညတစ်ကြိမ် နေ့စဉ် ပုံမှန် သွားတိုက်ပေးပါ။ ဒါက ပုံမှန်ကျန်းမာရေးစောင့်ရှောက်မှုပဲဆိုပေမယ့်ဆေးလိပ်သောက်သူတိုင်း အနေနဲ့ မဖြစ်မနေလုပ်သင့်တဲ့ ကျန်းမာရေးစောင့်ရှောက်မှုပါ။

ရေများများသောက်ပါ – ရေသောက်တာက ခံတွင်းကျန်းမာရေးအတွက်ရော ခန္ဓာကိုယ် ကျန်းမာရေးအတွက်ပါ အများကြီးအထောက်အပံ့ဖြစ်စေနိုင်ပါတယ်။ ဒါကြောင့် ဆေးလိပ်သောက်တယ်ဆိုရင် ခံတွင်းခြောက်တာကြောင့် ခံတွင်းထဲမှာ ဘက်တီးရီးယားတွေ မပေါက်ဖွားစေဖို့ ရေများများသောက်ပေးပါ။

ပီကေဝါးပါ – ဆေးလိပ်သောက်တဲ့အခါ ခံတွင်းခြောက်ပြီး ဘက်တီးရီးယားတွေ ပိုမိုပေါက်ဖွားနိုင်တာကြောင့် သွား နဲ့ ခံတွင်းကျန်းမာရေးကို ထိခိုက်စေနိုင်ပါတယ်။ ဒီပြဿနာကို ဖြေရှင်းဖို့ဆိုရင် ပီကေဝါးပေးတာကလည်း နည်းလမ်းကောင်းတစ်ရပ်ပါ။ အချိုပါဝင်မှုနည်းတဲ့ ပီကေကို ဝါးပေးပါတာက တံထွေးထွက်ရှိမှုကိုကောင်းစေပြီး ခံတွင်းထဲက ဘက်တီးရီးယားတွေကို အကောင်းဆုံးတိုက်ဖျက်ပေးနိုင်မှာပါ။

ဆေးသကြားလုံး ငုံပါ – ဆေးလိပ်သောက်တာကြောင့် ခံတွင်းခြောက်ပြီး ခံတွင်းပြဿနာတွေဖြစ်လာမှာကို တားဆီးပေးနိုင်တဲ့ နောက်ထပ်နည်းလမ်းကောင်းတစ်ခုက ဆေးသကြားလုံးငုံတာပါပဲ။ သဘာဝ ဆေးဖက်ဝင်ပစ္စည်းလေးတွေ ပါဝင်ထုတ်လုပ်ထားတဲ့ Hudson လိုမျိုး ဆေးသကြားလုံးတွေက ဆေးလိပ်ကြောင့်ဖြစ်တဲ့ ခံတွင်းနံ့ဆိုး ကင်းစေသလို ဆေးလိပ်ကြောင့်ထိခိုက်ခဲ့တဲ့ ခံတွင်းကျန်းမာရေးအတွက်လည်း အထောက်အကူဖြစ်စေမှာပါ။

သွားပွတ်တံ ပုံမှန် လဲလှယ်ပါ – သွားပွတ်တံကို ပုံမှန် ၃ လတစ်ကြိမ်လောက်လဲလှယ်ပေးပါ။ သွားပွတ်တံက အနားတွေဖွာနေပြီဆိုရင် ဆက်မတိုက်ပါနဲ့။ သွားပွတ်တံရွေးတဲ့အခါမှာလည်း Brush နုနုလေးဖြစ်နေတာမျိုးကို ရွေးသုံးပါ။ ဒါမှ သွားကြိုသွားကြားမကျန် သန့်စင်ပေးနိုင်မှာဖြစ်သလို သွားချေးတွေကို အကောင်းဆုံး သန့်စင်ပေးနိုင်မှာဖြစ်ပါတယ်။

လတစ်ကြိမ် ပုံမှန်စစ်ဆေးမှုခံယူပါ – သွားတွေမှာ ပိုးပေါက်တွေရှိနေလား၊ ခံတွင်းပြဿနာတွေ ရှိနေလားဆိုတာကို သိစေဖို့ အနည်းဆုံး ၆ လတစ်ကြိမ် စစ်ဆေးပြီး လိုအပ်တဲ့ ကုသမှုကို ခံယူပါ။ ဒီလိုခံယူတာက သွားကျန်းမာရေးကို ဂရုစိုက်ရာကျသလို ခံတွင်းအနံ့ဆိုးမဖြစ်အောင် ကာကွယ်ရာလည်းရောက်ပါတယ်။

ဆေးလိပ်ဖြတ်ပါ – ဆေးလိပ်ကြောင့် ဖြစ်လာမယ့် ခံတွင်း ကျန်းမာရေး ပြဿနာတွေကို ကာကွယ်ဖို့ဆိုရင် အကောင်းဆုံးကတော့ ဆေးလိပ်ဖြတ်တာပါပဲ။ ဆေးလိပ်မသောက်တော့ဘူးဆိုရင် ခံတွင်းမှာ သွေးစီးဆင်းမှုကောင်းပြီး အနာဖြစ်တာ၊ သွားပျက်စီးတာ၊ အရောင်ပြောင်းတာ ခံတွင်းနံ့ဆိုးတာတွေ ကင်းသွားပြီး ကျန်းမာတဲ့ သွားနဲ့ခံတွင်းကို ပိုင်ဆိုင်စေမှာပါ။

ဆေးလိပ်က ငွေကုန်ကြေးကျများသလို ကျန်းမာရေးကိုလည်း ထိခိုက်စေနိုင်တာကြောင့် အကောင်းဆုံးကတော့ ဆေးလိပ်ဖြတ်တာပါပဲ။ ဆေးလိပ်မဖြတ်နိုင်ဘူးဆိုရင် ဒီနည်းလမ်းလေးတွေကို လုပ်ဆောင်ကြည့်ဖို့ ပြောပါရစေ။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

ဆေးယဉ်ပါးမှုပြဿနာ အဖြေရှာကြမယ်(သို့မဟုတ်) ကိုယ်ချစ်ရတဲ့ ကမ္ဘာကြီးကို ကိုယ့်လက်နဲ့ အဆုံးမသတ်မိပါစေနဲ့

ဆေးယဉ်ပါးတာက လူသားမျိုးနွယ်ကိုတင် မဟုတ်ဘဲ ကမ္ဘာမြေကြီးတစ်ခုလုံးကိုပါ ပျက်စီးစေနိုင်ပါတယ်။ ကိုယ်ချစ်တဲ့ကမ္ဘာမြေကြီးကို ကိုယ့်လက်နဲ့ကိုယ် အဆုံးမသတ်မိပါစေနဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အနှိပ်ခံလိုက်ရသလို ခါးအညောင်းပြေစေမယ့် လေ့ကျင့်ခန်းများ

အိမ်အလုပ်တွေ၊ ရုံးအလုပ်တွေကို ဇယ်ဆက်သလို လုပ်ရလို့ ဖြစ်ဖြစ် ခါးတွေက ညောင်းနေတာပဲ။ ကိုက်ခဲနေတာပဲ။ အနှိပ်ခံ ချင်လိုက်တာဆိုသူတွေရှိလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သွားပိုးဝင်ရာမှ ကိုယ်ခန္ဓာအခြားနေရာများသို့ ပျံ့နှံ့ခြင်း

သွားကိုက်တာကို သေချာစွာ မကုသဘဲထားရင် ရောဂါပိုးဝင်ခြင်း ဖြစ်နိုင်ပါတယ်။ ဒီထက်ဆိုးရင် ကိုယ်ခန္ဓာရဲ့တခြားနေရာတွေကို ပျံ့နှံ့သွားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

ကွန်ပျူတာကလာတဲ့ Blue Light တွေက အသားအရေကို ပျက်စီးစေနိုင်သလား။

အခုတလော ဝက်ခြံတွေ ပိုထွက်လာတယ်။ သတိထားမိသလောက် Covid-19 ကြောင့် Work from Home စလိုက်ကတည်းကပေါ့။ကွန်ပျူတာရှေ့မှာ မနက်ကစထိုင်လိုက်တာ ညနေစောင်းတဲ့အထိပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

တန်ဆောင်မုန်းမှာ ဆေးပေါင်းခဖို့ သုပ်စားကြတဲ့ မယ်ဇလီဖူး

တန်ဆောင်မုန်းမှာ ဆေးပေါင်းခဖို့ သုပ်စားကြတဲ့ မယ်ဇလီဖူး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
အစာရေမျိုအနာဖြစ်ခြင်း

အစာရေမျိုအနာဖြစ်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
ဘာတွေကများ ဆေးယဉ်ပါးမှုကို ဖြစ်စေတာလဲ.........

ဘာတွေကများ ဆေးယဉ်ပါးမှုကို ဖြစ်စေတာလဲ………

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
နာတာရှည် လေပြွန်ရောင် ဖြစ်စေတဲ့အကြောင်းရင်းနဲ့ ဖြစ်နိုင်ခြေများတဲ့သူများ

နာတာရှည် လေပြွန်ရောင် ဖြစ်စေတဲ့အကြောင်းရင်းနဲ့ ဖြစ်နိုင်ခြေများတဲ့သူများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 17, 2020 . 2 mins read