အရက်ကတော့ ရေနဲ့ ပြောင်းပြန်ပါပဲ။ အရက်က အစာစားချင်စိတ် လျော့နည်းစေတဲ့ ဟော်မုန်းကို တားဆီးနိုင်တဲ့ အတွက် အစာမစားခင် (ဒါမှမဟုတ်) စားရင်းသောက်ရင်း အရက်သောက်မိရင် ပုံမှန်ထက် ပိုစားမိစေပါတယ်။
အရက်အလွန်အကျွံသောက်မိရင် အစားပိုစားမိရုံတင်မဟုတ်ဘဲ နှလုံးနဲ့သွေးကြောကျန်းမာရေးကိုပါ ထိခိုက်စေတာမို့ ဘယ်အချိန်ဖြစ်ဖြစ် အရက်ကိုချင့်ချိန်ပြီး သောက်သုံးဖို့ အရမ်းအရေးကြီးပါတယ်။
ကိုယ်စားသောက်တဲ့ပုံစံကလည်း ဗိုက်ပြည့်မပြည့်ဆိုတဲ့ အချက်ပေါ်သက်ရောက်ပါသေးတယ်။ အစားကို ဖြည်းဖြည်းနဲ့ မှန်မှန်စားတာက အစာကြေညက်ဖို့လွယ်သလို ဗိုက်ပြည့်လွယ်စေတာကြောင့် ကျန်းမာရေးနဲ့ညီညွတ်ပါတယ်။ ဖြည်းဖြည်းချင်း စားသောက်တဲ့အချိန်မှာ ခန္ဓာကိုယ်တွင်းက ဗိုက်ပြည့်တာကိုအချက်ပြတဲ့ဟော်မုန်းတွေ ပိုထွက်လာစေတာကြောင့် တစ်ခါစားပြီးရင် တော်တော်နဲ့ ဗိုက်ပြန်မဆာအောင် လုပ်ဆောင်ပေးနိုင်ပါတယ်။
တီဗီကြည့်ရင်း (ဒါမှမဟုတ်) တစ်ခုခုလုပ်ရင်း အစားကို အမြန်စားသောက်ရင်တော့ စားစရာကို သေချာကြေညက်အောင် မဝါးမိတော့သလို ဗိုက်ပြည့်တာကိုလည်း သတိမထားမိဘဲ ဖြစ်သွားတတ်ပါတယ်။ ဒါ့ကြောင့် အစားကို အမြန်စားသောက်တတ်သူတွေက ရေရှည်မှာ အဝလွန်တဲ့ပြဿနာနဲ့ ကြုံရတတ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။