အရက်အလွန်အကျွံသောက်ရင် အသည်းကိုဘယ်လိုထိခိုက်စေသလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 23, 2020 . 2 mins read
Share now

အရက်ကို တစ်ခါတရံလောက်ပဲ သောက်ရာကနေ ရေရှည်စွဲသွားတာမျိုး၊ မသောက်ရမနေနိုင် ဖြစ်သွားတာမျိုး ရှိတတ်ပါတယ်။ ဒါပေမယ့် အရက်သောက်ခြင်းဟာ သေချာစဉ်းစားရမယ့် ကိစ္စမျိုး ဖြစ်ပါတယ်။ အရက်ကို ရေရှည် အလွန်အကျွံ သောက်ရင် လူမှုရေးပြဿနာများသာမကပဲ ကျန်းမာရေးလည်း ထိခိုက်လာနိုင်ပါတယ်။ အထူးသဖြင့် အသည်းရောဂါများ ဖြစ်ပါတယ်။

အရက်ကို ကိုယ်ခန္ဓါက ဘယ်လိုစုပ်ယူသလဲ

အရက်သောက်ချိန်မှာ အရက်ကို အစာအိမ်နဲ့ အူလမ်းကြောင်းမှတဆင့် သွေးကြောတွေထဲကို စုပ်ယူလိုက်ပါတယ်။ အစာလမ်းကြောင်းကလာတဲ့ အရက်များဟာ နှလုံးဆီမရောက်ခင် အသည်းကို ဖြတ်ရပါတယ်။ ဒါကြောင့် အသည်းမှာ အရက်ပမာဏ အများဆုံးစုဝေးပါတယ်။ အသည်းရဲ့ဆဲလ်တွေမှာ အရက်ကို အင်ဇိုင်းစနစ်ရဲ့ ဓါတုဖြစ်စဉ်အဆင့်များစွာနဲ့ ပြောင်းလဲအပြီးမှာ ကာဗွန်ဒိုင်အောက်ဆိုဒ်နဲ့ ရေအဖြစ် ထွက်လာစေပါတယ်။ ပြီးရင် ဆီးထဲနဲ့ အဆုတ်ထဲ ရောက်သွားပါတယ်။

ဒါပေမယ့် အသည်းမှာလည်း အကန့်အသတ်ရှိပါတယ်။ နာရီတိုင်းမှာ အတိုင်းအတာတစ်ခုအထိပဲ ချေဖျက်ပေးနိုင်ပါတယ်။ သုတေသနတွေအရ တစ်နေ့ကို အပြည်ပြည်ဆိုင်ရာယူနစ် ၁ ယူနစ်ကနေ ၂ယူနစ်ထိပဲ ထောက်ခံထားပါတယ်။ ၁ ယူနစ်မှာ ၂၅ မီလီလီတာ သို့မဟုတ် တစ်ပက်ရှိပါတယ်။ ဒီတော့ တစ်နေ့ကို တစ်ပက်ကနေ နှစ်ပက်ထိပဲသောက်သင့်ပါတယ်။

တစ်ဖက်မှာလည်း အရက်စွဲသူများ၊ အလွန်အကျွံ သောက်သူများမှာ နောက်ဆက်တွဲပြသနာတွေဖြစ်တဲ့ အသည်းအဆီဖုံးခြင်း၊ အသည်းရောင်ခြင်း၊ အသည်းခြောက်ခြင်း စတဲ့ အရက်နဲ့ဆက်စပ်နေတဲ့ အသည်းရောဂါတွေပေါ်လာပြီး ကြာလာတာနဲ့အမျှ ဆိုးရွားလာပါတယ်။

အသည်းအဆီဖုံးခြင်း

အသည်းအဆီဖုံးခြင်းဆိုတာ အသည်းဆဲလ်တွေမှာ အဆီများစုဝေးလာခြင်းဖြစ်ပြီး အရက်အလွန်သောက်သူတွေမှာ ဖြစ်တတ်ပါတယ်။ အရက်သောက်ခြင်းကို ရပ်လိုက်ချိန်မှာတော့ ပျောက်သွားတတ်ပါတယ်။ ဆက်ပြီးသောက်နေရင်တော့ အသည်းရောင်တဲ့အဆင့် ရောက်သွားပါတယ်။ အရက်ကြောင့် အသည်းရောင်ခြင်းဟာ သိပ်မပြင်းထန်တဲ့ အခြေအနေကနေ ဆိုးရွားတဲ့ အခြေအနေထိ ရှိပါတယ်။

သိပ်မပြင်းထန်သေးချိန်မှာ လက္ခဏာမပြတတ်ဘဲ သွေးစစ်မှသာ ပုံမှန်မဟုတ်တဲ့ အင်ဇိုင်းတွေကို တွေ့ရမှာဖြစ်ပါတယ်။ တချို့မှာတော့ ရောဂါကြာသွားပြီး အသည်းဆဲလ်တွေ တဖြည်းဖြည်းပျက်စီးသွားတဲ့အခါ အသည်းခြောက်ခြင်းအထိ ဖြစ်စေပါတယ်။ ပိုဆိုးတဲ့ အခြေအနေတွေမှာ ပင်ပန်းနွမ်းနယ်ခြင်း၊ အသားဝါခြင်း၊ အသည်းအောင့်ခြင်း စတာတွေ ဖြစ်တတ်ပါတယ်။ ရုတ်တရက် အသည်းရောင်တဲ့အခါ အသည်းရောင်ခြင်းမှတဆင့် ကိုမာသတိမေ့ခြင်း၊ အသားဝါခြင်း၊ သွေးမခဲခြင်း၊ သိမြင်မှုအားနည်းခြင်း၊ သတိမေ့ခြင်း၊ အူလမ်းကြောင်း သွေးယိုခြင်း စတာတွေဖြစ်ပြီး သေဆုံးမှုလည်း မြင့်မားပါတယ်။

ဒီရောဂါဖြစ်ရင် အာဟာရဓါတ်မျှတအောင် စားရပါတယ်။ ဒါမှမဟုတ် အစာပြွန်ထည့်ပေးခြင်း၊ စတီးရွိုက်ပေးခြင်း စတာတွေ ပြုလုပ်ရပါတယ်။

အသည်းခြောက်ခြင်း

အသည်းခြောက်ခြင်းဆိုတာ အသည်းမှာ ဖိုင်ဘာတစ်ရှုးများ ပြောင်းလဲသွားပြီး အလုပ်မလုပ်နိုင်တော့ခြင်း ဖြစ်ပါတယ်။ ဒီဖြစ်စဉ်ဟာ ပိုမိုဆိုးရွားသွားတတ်တဲ့သဘောရှိပြီး ဖိုင်ဘာတစ်ရှုးတွေဟာ အသည်းဆဲလ်တွေရဲ့ ပုံမှန်တည်ဆောက်ပုံနဲ့ အသစ်ပြန်ဖြစ်ခြင်းအပေါ် ထိခိုက်မှုဖြစ်စေပါတယ်။ အသည်းဆဲလ်တွေဟာ ထိခိုက်သေဆုံးသွားပြီး တစ်သျှူးတွေဟာ အစားထိုးလာပါတယ်။ အချိန်ကြာလာတာနဲ့အမျှ အသည်းဟာ ပုံမှန်လုပ်ငန်းတွေ မလုပ်နိုင်တော့ပါဘူး။ ဖိုင်ဘာတစ်ရှုးတွေဟာ အသည်းဆီ ပုံမှန်သွေးစီးဆင်းမှုကို အနှောင့်အယှက် ပေးလာပါတယ်။

အမာရွတ်တစ်ရှုးများပေါ်လာပြီး အရင်လိုပြန်မဖြစ်တော့ပါဘူး။ ပထမပိုင်းမှာ အသည်းဆဲလ်တွေဆုံးရှုံးခြင်းဟာ လူကို မထိခိုက်စေပါဘူး။ ဒါပေမယ့် အသည်းဆဲလ်တွေ ပိုမိုပျက်စီးလာတာနဲ့အမျှ ဖိုင်ဘာတစ်ရှုးတွေ များသထက် များလာပါတယ်။ အသည်းရောင်ခြင်းနဲ့ ပတ်သက်တဲ့လက္ခဏာတွေနဲ့တူတဲ့အပြင် နောက်တဖြည်းဖြည်းနဲ့ အသည်းခြောက်လာပါတယ်။ အချိန်ကြာကြာ အသည်းခြောက်နေသူများနဲ့ အသည်း သွေးပြန်ကြောပိတ်သူများမှာ ရေဖျဉ်းစွဲခြင်းပါ ဖြစ်လာပါတယ်။ အသည်းခြောက်ခြင်းရဲ့ အဆိုးအရွားဆုံး အခြေအနေကတော့ အသည်းကင်ဆာကို ဦးတည်နေခြင်းပဲ ဖြစ်ပါတယ်။

အသည်းခြောက်ခြင်းဟာ ဗိုင်းရပ်စ်ပိုးများ၊၊ မျိုးရိုးဗီဇရောဂါများ၊ ဇီဝဖြစ်ပျက်မှုပြဿနာများ စတာတွေကြောင့်လည်း ဖြစ်တတ်ပါတယ်။ ဒါပေမယ့် အမြင့်ဆုံးကတော့ အရက်ကို ၁၀နှစ်အထက် သောက်ခဲ့သူတွေဖြစ်ပြီး ၁၀ ရာခိုင်နှုန်းခန့်ရှိပါတယ်။

အထက်ဖော်ပြပါလက္ခဏာတွေအပြင် တခြား စစ်ဆေးနည်းတွေကလည်း ရောဂါရှာဖွေနိုင်ပါတယ်။ ALT နဲ့ ALP မြင့်တက်ခြင်း၊ အယ်လ်ဗျူမင်နည်းခြင်း၊ သွေးတွင်းဘီလီရူဘင် ပါဝင်မှုများခြင်း စတာတွေကို သိနိုင်ဖို့ သွေးစစ်ခြင်း၊ အသည်းပျက်စီးမှုကို သိနိုင်တဲ့ အာထရာဆောင်းရိုက်ခြင်း၊ အသည်းဆဲလ်များကို နမူနာစယူ စစ်ဆေးခြင်း စတာတွေပဲ ဖြစ်ပါတယ်။

ကုသခြင်းနှင့် ကာကွယ်ခြင်း

အရက်ဖြတ်ဖို့ လိုပါတယ်။ ပြီးရင် အစားအသောက် အာဟာရမျှတအောင်စားဖို့၊ ဗီတာမင်နဲ့ သတ္တုဓါတ် ဖြည့်စွက်စာတွေကို အချိန်အတိုင်းအတာတစ်ခုအထိစားသုံးဖို့ လိုပါတယ်။

ရေဖျဉ်းရှိတဲ့ လူနာတွေမှာ ဆီးဆေးနဲ့ ပဋိဇီဝဆေးတွေ ပေးဖို့ လိုအပ်ပါတယ်။ အသည်းဟာ အလုပ်မလုပ်နိုင်တော့ဘူးဆိုရင် တစ်ခုတည်းသော နည်းလမ်းကတော့ အသည်းအစားထိုးခြင်းပဲ ဖြစ်ပါတယ်။

ကာကွယ်နိုင်ရေးအတွက်ဆိုရင်တော့ နေထိုင်မကောင်းဖြစ်ရင် အရက်မသောက်ပါနဲ့။ အရက်ကိုဖြတ်ပါ။ ဒါမှမဟုတ် လျှော့ပါ။ အကန့်အသတ်နဲ့လုပ်ပါ။ အမျိုးသားတွေမှာ တစ်နေ့ကို ၄ယူနစ်နဲ့ တစ်ပတ်ကို ၂၁ယူနစ်ထက် ပိုမသောက်ပါနဲ့။ အမျိုးသမီးတွေဆိုရင် တစ်နေ့ကို ၃ယူနစ်၊ တစ်ပတ်ကို ၁၄ယူနစ်ထက် ပိုမသောက်ပါနဲ့။ ကိုယ်ဝန်ဆောင် အမျိုးသမီးတွေမှာ လုံးဝမသောက်ပါနဲ့။ သောက်နေသေးတယ်ဆိုရင်လည်း တစ်ပတ်ကို ၁-၂ယူနစ်အောက်ပဲ သောက်ပြီး မမူးပါစေနဲ့။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy
ရင်းမြစ်များ

သင်ဒါလည်း နှစ်သက်နိုင်ပါတယ်။

အကျပ်အတည်းကာလဆိုပြီး ပိုသောက်မိနေပြီလား

ကိုယ်လက်ရှိရင်ဆိုင်နေရတဲ့ အကျပ်အတည်းတွေ၊ ကပ်ဘေးတွေကြောင့် စိတ်တွေညစ်လိုက်တာ၊ စိတ်တွေပင်ပန်းလိုက်တာဆိုပြီး နေ့စဉ်ရက်ဆက် ပိုသောက်မိနေပြီလား ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အော်ရင်း ဟစ်ရင်း လည်ချောင်းနာ နေပြီလား

လည်ချောင်းနာ တာက ရက်ပိုင်းလောက် ကြာတတ်တယ်ဆိုပေမယ့် အရင်လို ပြန်ပြီး အော်ဖို့ ဟစ်ဖို့ဆိုရင် ခဏတော့ သည်းခံရမှာပါ။ သက်သာစေဖို့ ဒီနည်းလမ်းတွေ လိုက်လုပ်ပေးပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

လမ်းလျှောက်များလို့ ဖိနပ်ပေါက် တဲ့အခါ ဒီလိုလုပ်ပါ

ဖိနပ်ပေါက် တာက အမျိုးသားရော အမျိုးသမီးပါ ကြုံဖူးမယ့် ပြဿနာပါ။ ဒီပြဿနာကို ဘယ်လိုနည်းနဲ့ အကောင်းဆုံး ဖြေရျင်းမလဲဆိုတာကို ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read