နှုတ်ခမ်းပေါ်မှာ မှဲ့မဟုတ်တဲ့ အမည်းစက်လေးတွေ ပေါ်လာတာ ဘာကြောင့်လဲ ။ ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 22, 2020 . 2 mins read
Share now

မှန်ထဲကြည့်လိုက်တဲ့အခါ ကိုယ့်နှုတ်ခမ်းမှာ မှဲ့လည်းမဟုတ် ပေနေတာလည်းမဟုတ်တဲ့ အမည်းစက်တစ်ခု တွေ့လိုက်ရတဲ့အခါ ခေါင်းထဲ အတွေးများသွားမှာတော့ ကျိန်းသေပါတယ်။ စိုးရိမ်စရာတွေရှိလား။ ဘာ့ကြောင့်များဖြစ်တာလဲ ။ ။
အများအားဖြင့် ဒီလို နှုတ်ခမ်းမှာပေါ်တဲ့ အမည်းစက်လေးတွေက စိတ်ပူစရာတော့မရှိပါဘူး။ ဒါပေမယ့် သူ့ကို ဖြစ်စေတဲ့ အကြောင်းအရင်းတွေ အပေါ်မှာတော့ မူတည်တာပေါ့။

ဒါဆို နှုတ်ခမ်းမှာ အမည်းစက်တွေ ပေါ်တာ ဘာ့ကြောင့် ဖြစ်ရတာလဲ ။ ။

ဗီတာမင် B12 ချို့တဲ့ခြင်း – သွေးအားကောင်းစေဖို့အတွက်သာမက အသားရောင်ညီညာစေဖို့အတွက်လိုအပ်တဲ့ ဗီတာမင် B12 ချို့တဲ့သွားတဲ့အခါ နှုတ်ခမ်းမှာ အမည်းစက်လေးတွေ ဖြစ်လာမယ့်အပြင် အသားအရေလည်း ညိုတစ်ကွက် ဖြူတစ်ကွက်နဲ့ မညီညာဘဲဖြစ်နေတတ်ပါတယ်။

ရေဓာတ်ခမ်းခြောက်ခြင်း – ရေများများ မသောက်တဲ့အခါ နှုတ်ခမ်းခြောက်သွားတာမျိုး၊ နှုတ်ခမ်းကွဲတာမျိုးတွေ အားလုံးဖြစ်ဖူးကြမှာပါ။ ဖြစ်သွားတဲ့အနာလေးတွေ ပြန်ကျက်တဲ့အခါ အမာရွတ်ကျန်တာမျိုးတွေကနေလည်း နှုတ်ခမ်းမှာ အမည်းစက်တွေပေါ်လာတတ်ပါတယ်။

သံဓာတ်များခြင်း – hemochromatosis လို့ခေါ်တဲ့ မွေးရာပါ သံဓာတ်စုပ်ယူမှု ပြင်းထန်တဲ့ရောဂါ၊ သွေးအားနည်းတတ်လို့ဆိုပြီး သံဓာတ်ဖြည့်သွေးအားကောင်းဆေးတွေ သောက်ပါများတဲ့အခါ ၊ သွေးခဏခဏ သွင်းရတဲ့အခါမျိုးတွေဆို သွေးထဲမှာ သံဓာတ်တွေ များနေပြီး အမည်းစက်တွေ ပေါ်နေတတ်ပါတယ်။

သောက်နေရတဲ့ဆေးတွေ – ကိုယ်သောက်နေတဲ့ ဆေးတွေရဲ့ ဘေးထွက်ဆိုးကျိုးကြောင့် အသားအရောင်ပြောင်းတာ၊ အမည်းစက်ပေါ်တာမျိုးတွေ ဖြစ်တတ်ပါတယ်။
• ကင်ဆာဆေးတွေမှာသုံးထားတဲ့ cytotoxic drugs
• Chlorpromazine စိတ်ငြိမ်ဆေး
ငှက်ဖျားဆေး တစ်ခုဖြစ်တဲ့ quinine sulfate
• အတက်ရောဂါ ကိုကုသတဲ့ phenytoin နဲ့
• နှလုံးတုန်ခြင်းကို ကုသတဲ့ amiodarone တို့ဟာ အသားအရောင်ပြောင်းလဲခြင်းနဲ့ နှုတ်ခမ်းပေါ်မှာ အမည်းစက်လေးတွေ ပေါ်လာတာမျိုးကို ဖြစ်စေတတ်ပါတယ်။

Melasma ( အသားအရောင်ရင့်လာခြင်း ) – ဟော်မုန်းအပြောင်းအလဲကြောင့် ဖြစ်လာတဲ့ Melasma ရောဂါဟာလည်း ဖြစ်တတ်တဲ့ အရေပြားပြဿနာတစ်ခုဖြစ်ပါတယ်။ Melasma ရောဂါ ဖြစ်နေတဲ့သူတစ်ယောက်ဟာ နေပူထဲ အကာအကွယ်မပါဘဲ မထွက်သင့်ပါဘူး။ ခရမ်းလွန်ရောင်ခြည်တွေကြောင့် အသားရောင်ပိုရင့်လာနိုင်လို့ပါ။

ဓာတ်မတည့်ခြင်း – ဆိုးလိုက်တဲ့ နှုတ်ခမ်းနီသွားတိုက်ဆေး၊ မိတ်ကပ်နဲ့ အခြားအလှကုန်ပစ္စည်းတွေနဲ့ ဓာတ်မတည့်တဲ့အခါမျိုးမှာ နှုတ်ခမ်းပေါ်မှာ အစက်လေးတွေ ပေါ်တတ်ပါတယ်။

သွေးခြည်ဥ – နှုတ်ခမ်းပေါ်မှာ ဖြစ်တဲ့ အမည်းစက်လေးတွေဟာ သွေးကြောပေါက်တာ၊ တစ်ခုခုထိခိုက်မိပြီး သွေးခြည်ဥတာတွေ ကြောင့်လည်း ဖြစ်တတ်ပါသေးတယ်။

နေလောင်ခြင်း – နေထဲမှာရှိတဲ့ ခရမ်းလွန်ရောင်ခြည်နဲ့ ထိတွေ့ပါများတဲ့အခါ မျက်နှာမှာ အစက်အပြောက်လေးတွေ ဖြစ်လာရုံတင်မက နှုတ်ခမ်းပေါ်မှာလည်း အစက်အပျောက်လေးတွေ ဖြစ်လာနိုင်ပါသေးတယ်။

သွားထိန်း– သွားညီအောင်လို့ဆိုပြီး တပ်ထားတဲ့ သွားထိန်းတွေ ပုံစံမကျတဲ့အခါ နှုတ်ခမ်းကို ထိခိုက်မိသလိုဖြစ်ပြီး သွေးခြည်ဥတာ၊ အမည်းစက်လေးတွေ ပေါ်တာမျိုးတွေ ဖြစ်တတ်ပါတယ်။

ဆေးလိပ် – ကိုယ်ခန္ဓာအတွက် ကောင်းကျိုးတစ်ခုမှ မပေးတဲ့ ဆေးလိပ်ကြောင့် နှုတ်ခမ်းမည်းလာတတ်တယ်ဆိုတာ အားလုံးသိကြမှာပါ။ တချို့ဆို နှုတ်ခမ်းမည်းရုံမက နှုတ်ခမ်းမှာ အမည်းစက်လေးတွေပါ ဖြစ်နေတတ်ပါတယ်။

ဒါတွေကတော့ နှုတ်ခမ်းမှာ အမည်းစက်လေးတွေကို ဖြစ်စေတဲ့ အကြောင်းအရင်းတွေဖြစ်ပါတယ်။ အများစုက စိတ်ပူစရာမလိုဘူးဆိုတော့ ဘယ်လိုအချိန်ဆို ဆရာဝန်ဆီသွားပြသင့်သလဲ။ ပေါ်နေတဲ့ အမည်းစက်လေးဟာ အချိန်တိုတိုတွင်းမှာ ကြီးလာတယ်၊ ပြောင်ပြောင်လေးဖြစ်နေမယ်၊ အချိန်တော်တော်ကြာထိ မပျောက်ဘူးဆိုရင် ဆရာဝန်ဆီသွားပြီး ဘာကြောင့်ဖြစ်ရလဲဆိုတာကို အဖြေရှာကာ ဆေးကုသမှု ခံယူသင့်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကျန်းခံ့သာလို့ မာပါစ

ကျန်းမာခြင်း သည် လာဘ်တစ်ပါးဆိုတဲ့ စကားက တကယ်ကို မှန်ပါတယ်။ ကျန်းမာခြင်းက အဖိုးဖြတ်လို့မရတဲ့ အရာတစ်ခုပါ။ ကိုယ်တိုင် ကျန်းမာရဲ့လား ဆိုတာကို ဘယ်လို ဆန်းစစ်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဝါးကပေးတဲ့ အလှအပတရား

ဝါးက အသုံးအဆောင် ဆိုတာထက် ပို အသုံးဝင် ပါတယ်။ ဝါးမှာ အသားအရေကို glow စေတဲ့ သဘာဝ silica ပါဝင်နေပါတယ်။ အသားအရေကို ရေဓာတ် ဖြည့်ပေးနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ဘေဘီလေးကို ဘယ်အချိန်မှာ ချိစ် စကျွေးမလဲ။

ချိစ်က နို့ထွက်ပစ္စည်းတစ်မျိုးပါ။ ကယ်လ်ဆီယမ်၊ ပရိုတင်းနဲ့ အာဟာရဓာတ်များစွာ ပါဝင်ပါတယ်။ ကြီးထွားဖွံ့ဖြိုးဖို့ အရှိန်ယူနေတဲ့ ဘေဘီလေးတွေကို ချိစ်ကျွေးလို့ရလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

နှလုံး ကြွက်သား အားကောင်းစေဖို့ဆိုရင်

အစားအသောက်ကို ရွေးချယ်မှီဝဲပြီး နှလုံးရောဂါကို ကာကွယ်ကြပါတယ်။ လူတိုင်းက နှလုံးရောဂါဖြစ်မှာကို မလိုလားကြပါဘူး။ နှလုံးကျန်းမာစေဖို့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

သွေးနီဥဆဲလ်များကြီးမားပြီး သွေးအားနည်းခြင်း (Macrocytic Anemia)

သွေးနီဥဆဲလ်များ ကြီးမားပြီး သွေးအားနည်းခြင်း (Macrocytic Anemia)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 12, 2020 . 2 mins read

အိမ်မှာနေရင်း နှုတ်ခမ်းသားကို ပန်းသွေးကြွအောင် ဘယ်လိုထိန်းသိမ်းမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 2 mins read
နှုတ်ခမ်းပါးလေးတွေ ခြောက်သွေ့အက်ကွဲတဲ့အခါ

နှုတ်ခမ်းပါးလေးတွေ ခြောက်သွေ့အက်ကွဲတဲ့အခါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် စက်တင်ဘာ 25, 2020 . 2 mins read
အဆုတ်ကျန်းမာစေဖို့ နေ့စဉ် လုပ်ပေးသင့်တဲ့ လေ့ကျင့်ခန်း ၄ မျိုး

အဆုတ်ကျန်းမာစေဖို့ နေ့စဉ် လုပ်ပေးသင့်တဲ့ လေ့ကျင့်ခန်း ၄ မျိုး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် စက်တင်ဘာ 21, 2020 . 2 mins read