သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ပရိုတင်း လုံလုံလောက်လောက် မစားကြောင်းပြနေတဲ့ လက္ခဏာ ၅ ချက် ။ ။

    ပရိုတင်း လုံလုံလောက်လောက် မစားကြောင်းပြနေတဲ့ လက္ခဏာ ၅ ချက် ။ ။

    ကျန်းမာပြီး ကြံ့ခိုင်တဲ့ ကိုယ်ခန္ဓါတစ်ခု ရဖို့ဆိုရင် ကာဘိုဟိုက်ဒရိတ်၊ ပရိုတင်း၊ အမျှင်ဓါတ် မျှမျှတတနဲ့ လုံလုံလောက်လောက်စားဖို့လိုတယ်ဆိုတာ သိကြမှာပါ။ ဒါပေမယ့်လည်း ကိုယ်ကြိုက်တာချည်းပဲ ကိုယ်ရွေးစားတဲ့သူတွေ များနေတော့ အာဟာရဓါတ်တွေ ပိုနေတာက ပို၊ လိုနေတာကလိုတာတွေ ဖြစ်နေတော့တာပေါ့ ။

    ဒီနေ့ပြောမယ့် ဆောင်းပါးလေးကတော့ ပရိုတင်း လုံလုံလောက်လောက် မစားထားကြောင်းကို ပြနေတဲ့ အချက် ၅ ချက်အကြောင်းပဲ ရှိပါတယ်။ ကိုယ့်မှာ ဒီ အချက်တွေ ရှိနေပြီဆိုရင်တော့ အသားတွေ၊ ပရိုတင်းတွေ မြန်မြန်သားပြေးစားပေတော့ဗျို့ ။ ။

    ပရိုတင်းဓါတ်ချို့တဲ့နေပြီဆိုတာကို ကိုယ်ခန္ဓါက ဘယ်လိုပြနေလဲ ။ ။

    ဒီလို ပရိုတင်း ချို့တဲ့တဲ့ ပြဿနာဟာ သတ်သတ်လွတ်စားတဲ့သူတွေနဲ့ အသားစားဖို့ ကြေးများတဲ့သူတွေ မှာ ပိုတွေ့ရတတ်ပါတယ်။ ဘာတွေလဲဆိုတာ ဆက်ကြည့်လိုက်ရအောင် ။ ။

    ( ၁ ) အရိုးကျိုးလွယ် အက်လွယ်တာ။

    ထိုင်ခုံ အပုလေးပေါ်ကနေ ပြုတ်ကျတာ၊ ချော်လေးလဲတာလောက်နဲ့တင် အရိုးအက် အရိုးကျိုးသွားပြီဆိုရင် သေချာပါတယ်။ သင့်ကိုယ်ထဲမှာ ပရိုတင်းဓါတ်ချို့တဲ့နေပါပြီ။ အရိုးတစ်ခုကြံ့ခိုင်ဖို့ ကယ်လ်ဆီယမ်ဓါတ်က အရေးကြီးသလိုပဲ ပရိုတင်းများများရှိုဖို့ကလည်း အဓိကကျပါတယ်။ ဒါအပြင် ကိုယ်တွင်းက ကလီစာတွေ ကောင်းကောင်းအလုပ်လုပ်နိုင်ဖို့အတွက် ပရိုတင်းများများရှိဖို့လိုပါတယ်။ ဒါကို ကိုယ်က နည်းနည်းပဲ စားတဲ့အခါ လိုအပ်နေတဲ့ ပရိုတင်းကို အခြား ပရိုတင်းကြွယ်ဝတဲ့နေရာတွေကနေဖြစ်တဲ့ ( အရိုး) တွေကယူကြတဲ့အတွက် ပရိုတင်းချို့တဲ့တဲ့သူတွေမှာ အရိုးပြဿနာတွေ အဖြစ်များတာဖြစ်ပါတယ်။

    ( ၂ ) ဆံပင်တွေ လက်သည်းတွေ ကျိုးကျေလွယ်နေတာ ။

    ဆံသားနဲ့ လက်သည် းတွေ အတွက် ပရိုတင်း အဓိက လိုအပ်တာကြောင့် ပရိုတင်းဓါတ်ချို့တဲ့နေတဲ့အခါ လက်သည်းတွေ ပျော့နေတာ ကျိုးကျေလွယ်တာတွေ ဖြစ်တတ်ပြီး ဆံပင် တွေ လည်း နှစ်ခွဖြတ်တာ၊ အဖျားပြတ်တာမျိုးတွေ ဖြစ်တတ်ပါတယ်။ နောက်ပိုင်းကျရင် ဆံပင်တွေ ကျွတ်ကုန်ပြီး အသစ်ပြန်ပေါက်ဖို့ ပရိုတင်းဓါတ်လည်း အလုံအလောက်မရှိတော့တာကြောင့် ဆံပင်ပါးတဲ့ ပြဿနာတွေ ပါရင်ဆိုင်ရတတ်ပါတယ်။

    ( ၃ ) ကိုယ်အလေးချိန် ကျဆင်းလာတာ ။ ။

    ကိုယ်ခန္ဓာမှာ အရိုးလိုပဲ နောက်ထပ် ပရိုတင်း တွေ အများကြီး သိုလှောင်ထားတဲ့ နေရာတစ်ခုရှိပါသေးတယ်။ ဒါကတော့ ကိုယ်ပေါ်က ကြွက်သားတွေပါ။ ပရိုတင်း လုံလောက်အောင် မစားမိတဲ့အခါ ပရိုတင်းလိုအပ်နေတဲ့ ကလီစာတွေက ပရိုတင်းရဖို့အတွက် ကြွက်သားတို့အရိုးတို့က ပရိုတင်းတွေကို ဖြိုခွဲပြီး သုံးတတ်ကြပါတယ်။ ဒီလိုနဲ့နောက်ပိုင်း ကြွက်သားတွေ လျော့ရဲလာပြီး ကိုယ်အလေးချိန်ပါ ကျဆင်းလာမှာ ဖြစ်ပါတယ်။

    ( ၄ ) အားနည်းသလိုမျိုး ခံစားရပါလိမ့်မယ် ။ ။

    ပရိုတင်း ချို့တဲ့တာကြောင့် ချက်ချင်းကြီးတော့ ပင်ပန်းသွားမှာ မဟုတ်ပေမယ့် တဖြည်းဖြည့်းကြာလာတဲ့အခါ အခြားသူတွေထက်ပိုပြီး နုန်းခွေမောပန်းတဲ့ ပြဿနာတွေ ကြုံတွေ့ရမှာပါ။ ကြွက်သားတွေအားနည်းရုံသာမက သွေးနီဥဖြစ်တဲ့ hemoglobin ဖွဲ့စည်းဖို့ ပရိုတင်းလိုအပ်တာကြောင် သွေးအားနည်းတဲ့ ပြဿနာတွေပါ ခံစားရမှာပါ။

    ( ၅ ) ခုခံအားနည်းြပီး အအေးမိလွယ်နေတတ်ပါတယ်။

    ကိုယ်တွင်း ခုခံအားအတွက် ပရိုတင်းက မရှိမဖြစ် အရေးကြီးတဲ့အရာတစ်ခုပါ။ ခုခံအား စနစ်ရဲ့ တပ်သား immunoglobulin ကို amino protein နဲ့ပဲ ဖွဲ့စည်းရတာဆိုတော့ ပရိုတင်းချို့တဲ့တဲ့အခါ ခုခံအားလည်း အလိုလို အားနည်းသွားပါလိမ့်မယ်။

    ဒါတွေကတော့ ပရိုတင်းဓါတ်ချို့တဲ့တဲ့အခါ ဖြစ်လာမ့ယ့် အထင်ရှားဆုံး ပြဿနာတွေပါ။ ဒါ့ကြောင့် ကိုယ်စားတဲ့ အစားအသောက်တွေထဲမှာ

    • အသားငါးအမျိုးမျိုး
    • ပဲ အမျိုးမျိုး
    • နို့နဲ့ နို့ထွက်ပစ္စည်း တွေ
    • ကြက်ဥ ဘဲဥတွေ ပါဖို့တော့ လိုမယ်နော်။ ။

    health-tool-icon

    အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

    အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 21/06/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: