သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ဓာတ်ဆားဖြည့်အချိုရည်တွေနဲ့ ပတ်သက်ပြီး ဒါတွေမှားသိနေကြပါသတဲ့။

    ဓာတ်ဆားဖြည့်အချိုရည်တွေနဲ့ ပတ်သက်ပြီး ဒါတွေမှားသိနေကြပါသတဲ့။

    ဓာတ်ဆားရည် ဆိုတာ ဓာတ်ဆား၊ ဂလူးကို့စ်၊ ရေ စတာတွေကို ပေါင်းပြီးဖျော်စပ်ထားတဲ့ ဖျော်ရည် တစ်ခုပါ။ ဒီထဲမှာ လူအများသိကြတဲ့ BPI ဓာတ်ဆားကစလို့ sport drinksတွေလည်း ပါပါတယ်။ အားကစားသမားတင်သာမက လူတိုင်းသောက်နိုင်တဲ့ ဓာတ်ဆားဖြည့်အချိုရည်တွေ လည်း ပါပါတယ်။

    ဒီဟာတွေ သောက်တဲ့အခါ အများစုအနေနဲ့ အယူအဆမှားနေတာလေးတွေ ရှိပါတယ်။ ဓာတ်ဆားဖြည့်အချိုရည်တွေက ခန္ဓာကိုယ်အတွက် လိုအပ်တဲ့ ဓာတ်ဆားတွေ၊ အားအင်ပေးနိုင်တဲ့ ဂလူးကို့စ်တွေအပြင် ရေဓာတ်ပါဖြည့်ပေးနိုင်တာကြောင့် ကျန်းမာရေးအတွက် အထူးသင့်တော်ပါတယ်။ ဒါကို မှန်မှန်ကန်ကန်သောက်မယ်ဆိုရင် ကျန်းမာရေးအတွက် အကျိုးများမှာ သေချာပါတယ်။

    ဓာတ်ဆားဖြည့်အချိုရည်တွေနဲ့ ပတ်သက်ပြီး သင်ဘာတွေ မှားသိထားသလဲ။

    ဓာတ်ဆားဖြည့်အချိုရည်တွေနဲ့ ပတ်သက်ပြီး မှားသိနေကြတာတွေကတော့

    # ချွေးထွက်တဲ့အခါ ရေပဲ ဆုံးရှုံးတာဖြစ်လို့ ရေပဲသောက်ရင် လုံလောက်တယ်။

    ချွေးထွက်တဲ့အခါ ရေအပြင် ဓာတ်ဆားတွေပါ ဆုံးရှုံးတာ ဖြစ်ပါတယ်။ သိသာတဲ့အချက်ကတော့ ချွေးက ငန်ကျိကျိအရသာရှိနေတာပါပဲ။ ဆိုလိုတာက ချွေးထဲမှာ ရေအပြင် ဆားဓာတ်တွေပါ ဆုံးရှုံးသွားတာပါ။ ဒါကြောင့် ပြန်ဖြည့်တဲ့အခါ ရေအပြင် ဆားဓာတ်ကိုပါ ပြန်ဖြည့်ရမှာ ဖြစ်ပါတယ်။ ဆားဓာတ် ဆုံးရှုံးသွားတာကို ရေပဲပြန်ဖြည့်ရင် ခန္ဓာကိုယ်ထဲမှာ ဓာတ်ဆားမျှခြေပျက်ပြီး ပျို့အန်ချင်တာ၊ ကိုယ်တွေလက်တွေကိုက်ပြီး နေထိုင်မကောင်းတာ ဖြစ်တတ်ပါတယ်။

    ဒါကြောင့် ချွေးထွက်များတဲ့အခါ ရေထက်စာရင် ဓာတ်ဆားဖြည့်အချိုရည်တွေ သောက်ပေးသင့်ပါတယ်။

    # ဓာတ်ဆားဖြည့်အချိုရည်ဆိုတာ အားကစားသမားတွေပဲ သောက်ရတယ်။

    ဓာတ်ဆားဓာတ်ဆိုတာ လူတိုင်းမှာ ရှိတဲ့အတွက် လူတိုင်းလိုအပ်ပါတယ်။ အားကစားသမားတွေက လေ့ကျင့်ခန်းလုပ်တဲ့အခါ ချွေးထွက်များတဲ့အတွက် ဓာတ်ဆားရည်သောက်ကြပါတယ်။ ဒါကြောင့် ဓာတ်ဆားဖြည့်အချိုရည်တွေက အားကစားသမားတွေအတွက်ပဲ၊ သာမန်လူတွေ သောက်စရာမလိုဘူးလို့ ထင်ကြတာာ ဖြစ်ပါတယ်။

    တကယ်က အားကစားသမားမှ မဟုတ်ပါဘူး။ ဓာတ်ဆားဓာတ်လိုအပ်တဲ့ ဘယ်သူမဆို သောက်လို့ရပါတယ်။ အားကစားသမားမဟုတ်ပေမယ့် ချွေးထွက်များတဲ့သူ၊ တစ်နေ့တာမှာ လှုပ်လှုပ်ရှားရှား နေရတဲ့သူ၊ ရာသီဥတုပူပူမှာ သွားလာနေရတဲ့ ဘယ်သူမဆို သောက်နိုင်ပါတယ်။

    # ဓာတ်ဆားဖြည့်အချိုရည်တွေက ငန်လွန်းတယ်။

    ချွေးထွက်များတဲ့အခါ အဓိကဆုံးရှုံးတာက ဆားဓာတ်ပါ။ ဒါကြောင့် ဓာတ်ဆားရည်တွေမှာ အငန်ကဲထားတာဖြစ်ပါတယ်။ နောက်တစ်ချက်က အငန်ဓာတ်က ရေပိုဆာစေပါတယ်။ ဒါကြောင့် ရေပိုသောက်ဖြစ်အောင် လှုံ့ဆော်ပေးသလို ဖြစ်စေပါတယ်။

    တစ်ခုရှိတာက ဓာတ်ဆားဖြည့်အချိုရည်တွေမှာ ဆားဓာတ် (ဆိုဒီယမ်) ပါဝင်မှုက တစ်ခုနဲ့ တစ်ခု မတူနိုင်တာကြောင့် ပမာဏကို အရင်စစ်ဆေးသင့်ပါတယ်။ များလွန်းတော့လည်း ဆားဓာတ်က ခန္ဓာကိုယ်အတွက် ဘေးဖြစ်စေပါတယ်။

    # ဓာတ်ဆားဖြည့်အချိုရည်တွေက ဆိုဒီယမ်ပါလို့ သွေးတိုးရှိရင် မသောက်သင့်ဘူး။

    ဆိုဒီယမ်က ခန္ဓာကိုယ်ရဲ့ လုပ်ငန်းစဉ်တော်တော်များများမှာ အရေးပါပါတယ်။ ဒါကြောင့် ခန္ဓာကိုယ်မှာ ပေါပေါများများလည်းတွေ့ရပါတယ်။ ဆဲလ်တွင်း ဆဲလ်ပြင် ရေဓာတ်မျှတမှုကို ဖြစ်စေတာကြောင့် နှလုံး၊ အသည်းနဲ့ ကျောက်ကပ်ကို ကျန်းမာစေပါတယ်။ သွေးဖိအားကိုလည်း ထိန်းပေးနိုင်ပါတယ်။

    အများစုသိထားကြတာက ဆိုဒီယမ်များရင် သွေးတိုးတယ်ဆိုတာပါ။ ဒါက မှန်ပါတယ်။ ဒါပေမယ့် ဆိုဒီယမ်နည်းလွန်းရင်လည်း ခန္ဓာကိုယ်မှာ ရေဓာတ်မျှခြေပျက်တာ၊ သွေးပေါင်ကျတာတွေ ဖြစ်တတ်ပါတယ်။ အထူးသဖြင့် သွေးတိုးရှိသူတွေက ဆိုဒီယမ်များလို့ဆိုပြီး ဓာတ်ဆားဖြည့်အချိုရည်ကို လိုအပ်နေတာတောင် မသောက်ချင်ကြပါဘူး။

    နေပူထဲမှာ အချိန်ကြာကြာ အလုပ်လုပ်ရတဲ့အခါ၊ ချွေးထွက်များတဲ့အခါ ရေနဲ့ ဓာတ်ဆားဆုံးရှုံးတဲ့အတွက် ဓာတ်ဆားဖြည့်အချိုရည် သောက်ဖို့ လိုပါတယ်။ သွေးတိုးရောဂါအခံရှိသူဆိုရင်တောင် ဒီအချိန်မှာ ဆိုဒီယမ်ဆုံးရှုံးနေတဲ့အတွက် သွေးဖိအားကို ထိန်းဖို့ ဆက်နေမှာပါ။ ဒါ့ပြင် ရေဓာတ်နဲ့ တခြားဆားဓာတ်တွေလည်း ဆုံးရှုံးနေမှာ ဖြစ်တဲ့အတွက် ပြန်ဖြည့်ဖို့ လိုပါတယ်။ မသောက်ဘဲ နေလိုက်ရင် ရေဓာတ်ဆုံးရှုံးတာရော၊ ဓာတ်ဆားတွေ မျှခြေပျက်တာရောပေါင်းပြီး ကိုယ်တွင်းအင်္ဂါတွေ ထိခိုက်နိုင်ပါတယ်။

    သာမန်အချိန်မှာ ဓာတ်ဆားရည်ခဏခဏသောက်တာမျိုးက မသင့်တော်ပေမယ့် တကယ်လိုအပ်တဲ့အချိန်မှာတော့ သောက်သင့်ပါတယ်။

    ဓာတ်ဆားဖြည့်အချိုရည်နဲ့ ပတ်သက်ပြီး အယူအဆမှားတွေကို ပြင်ဆင်လိုက်ပါ။

    ဓာတ်ဆားဖြည့်အချိုရည်မှာ ခန္ဓာကိုယ်အတွက် ရေဓာတ်၊ ဆားဓာတ်၊ ဂလူးကို့စ်ဓာတ်တွေ ပါဝင်တာကြောင့် လိုအပ်တဲ့အချိန်မှာ သေချာသောက်ပေးမယ်ဆိုရင် ကျန်းမာရေးအတွက် အင်မတန်အကျိုးများပါတယ်။ အားကစားသမားတွေပဲ သောက်ရတဲ့ သီးသန့်သောက်စရာ မဟုတ်တာကြောင့် ချွေးထွက်များပြီး ရေနဲ့ ဓာတ်ဆားဆုံးရှုံးတဲ့ ဘယ်သူမဆို သောက်နိုင်ပါတယ်။

    health-tool-icon

    အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

    အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Sport drinks: Myths and Facts  http://www.sportmedab.ca/uploads/files/Documents/resources/infohandouts/Nutrition_sport_drinks.pdf Accessed Date Aug 30, 2022

    Lewis, J. (n.d.). Hyponatremia (low level of sodium in the blood). Merck Manuals Consumer Version 
    http://www.msdmanuals.com/en-gb/home/hormonal-and-metabolic-disorders/electrolyte-balance/hyponatremia-low-level-of-sodium-in-the-blood Accessed Date Aug 30, 2022

    Electrolyte Drinks: Beneficial or Not? https://health.clevelandclinic.org/electrolyte-drinks-beneficial-or-not/ Accessed Date Aug 30, 2022

    What’s in the sweat? https://www.sportsrd.org/wp-content/uploads/2018/11/Whats-In-Your-Sweat.pdf Accessed Date Aug 30, 2022

    The Loss of Electrolytes on a Hot Day https://healthyeating.sfgate.com/loss-electrolytes-hot-day-1293.html Accessed Date Aug 30, 2022

     

     

    စာရေးသူ ဓာတ်ပုံbadge
    Dr. Htet Htet Zaw Win မှ ရေးသားသည်။ 2 ပတ် အကြာက တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: