သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ပဲပြားကြိုက်တတ်သူတွေ သိထားသင့်တဲ့ဘေးထွက်ဆိုးကျိုး

ပဲပြားကြိုက်တတ်သူတွေ သိထားသင့်တဲ့ဘေးထွက်ဆိုးကျိုး

အာဟာရဓါတ်ပြည့်ဝစွာပါဝင်ပြီး ပရိုတင်းဓါတ်ကြွယ်ဝတဲ့ ပဲပြားကို လွန်ခဲ့တဲ့နှစ်ပေါင်းများစွာကတည်းက တရုတ်ပြည်မှာ စတင်လူကြိုက်များခဲ့တာဖြစ်ပါတယ်။ အခုတော့ အင်ဒိုနီးရှား၊ မလေးရှား၊မြန်မာနိုင်ငံအပါအဝင် အာရှနိုင်ငံတွေမှာ စားသုံးသူများပြားနေပါပြီ။ အသားရှောင်တဲ့ သတ်သတ်လွတ်သမားတွေအတွက် အာဟာရပြည့်စေတဲ့ အစားအစာလည်းဖြစ်ပါတယ်။

လတ်ဆတ်တဲ့ပဲပြားတွေရှိသလိုပြုပြင်စီမံထားတဲ့ပဲပြားတွေလည်းရှိပါတယ်။ ပဲပြားမှာ ကယ်လိုရီပါဝင်မှုနည်းပါးပြီး ပရိုတင်းဓါတ်များတယ်၊ အဆီဓါတ်နည်းပါတယ်။ ထုတ်လုပ်ပုံထုတ်လုပ်နည်းတွေအပေါ်မူတည်ပြီး ကယ်လ်စီယမ်နဲ့ မဂ္ဂနီဆီယမ်ပါဝင်မှုလည်းများပါတယ်။

ပဲပြားမှာ ပရိုတင်း၊ ကယ်လ်စီယမ်၊ဗီတာမင်နဲ့ သတ္ထုဓါတ်တွေပါဝင်တာကြောင့် ကျန်းမာရေးအကျိုးကျေးဇူးများပါတယ်။ သူ့မှာပါတဲ့ ပဲပိစပ်က ကိုလက်စထရောကင်းပြီး ပရိုတင်း၊polyunsaturated fatty acids၊ ဓါတ်တိုးဆန့်ကျင်ပစ္စည်းတွေ၊ ဗီတာမင်ဘီအုပ်စုနဲ့သံဓါတ်တို့ပါဝင်ပါတယ်။

ပဲပြားစားလွန်းရင် ဖြစ်လာနိုင်တဲ့ဘေးထွက်ဆိုးကျိုးများ

ဘယ်အရာမဆို များလွန်းရင်မကောင်းပါဘူးဆိုတဲ့အထဲမှာ ပဲပြားလည်းပါပါတယ်။ ကျန်းမာရေးအကျိုးကျေးဇူးများပေမယ့် ပဲပြား သို့မဟုတ် ပဲပိစပ်ထုတ်ကုန်တွေကို စားသုံးမှုများလွန်းရင်ဘေးထွက်ဆိုးကျိုးတွေရှိနိုင်ပါတယ်။

မကောင်းတဲ့ကိုလက်စထရော (LDL) ကိုလျော့နည်းစေပြီး ကင်ဆာရောဂါတချို့ကိုဖြစ်နိုင်ခြေနည်းပါးစေတယ်ဆိုတဲ့isoflavoneဒြပ်ပေါင်းတွေကလည်း အလွန်အကျွံစားသုံးမိရင်ဘေးဖြစ်စေနိုင်ပါတယ်။ isoflavone က အက်စထရိုဂျင်ဟော်မုန်းအတိုင်း အသွင်ဆောင်တဲ့ လုပ်ဆောင်ချက်ရှိတာကြောင့် သိုင်းရွိုက်မှာ အနှောင့်အယှက်ဖြစ်စေပြီးလုပ်ဆောင်ချက်ကမောက်ကမဖြစ်စေနိုင်ပါတယ်။

ပဲပိစပ်စားသုံးမှုလွန်ကဲရင် အမျိုးသားရော အမျိုးသမီးမှာပါ မျိုးပွားမှုပိုင်းပြဿနာတွေရှိလာစေနိုင်တဲ့အပြင် ပျိုဖော်ဝင်ချိန်လည်းစောစေနိုင်တယ်လို့ သုတေသနတွေကဖော်ပြခဲ့ပါတယ်။

ပဲပိစပ်ကိုနည်းနည်းလေးစားရုံနဲ့ရင်သားကင်ဆာအန္တရာယ်ကိုကာကွယ်နိုင်တယ်လို့ပြောခဲ့ကြပေမယ့် အလွန်အကျွံစားသုံးရင် ရင်သားကင်ဆာဖြစ်စေဖို့တောင်အားပေးတယ်လို့လေ့လာမှုတချို့ကတွေ့ရှိခဲ့ပါတယ်။

ပဲပြားနဲ့ ပဲပိစပ်ပါတဲ့တခြားစားသောက်ကုန်တွေကို တန်သင့်ရုံအထိုက်အလျောက်စားသုံးတာက အကောင်းဆုံးဖြစ်သလိုနေ့စဉ်အာဟာရမှာ ထည့်သွင်းစားသုံးရင်လည်း ကျန်းမာရေးအကျိုးကျေးဇူးတွေရှိစေနိုင်ပါတယ်။

သုတေသနတစ်ခုမှာတော့ ပဲပြားစားသုံးမှုလွန်ကဲခြင်းက အသက်ကြီးသူတွေမှာdementia(မှတ်ဉာဏ်ချို့ယွင်းခြင်း)ဖြစ်ပွားမှုနဲ့ဆက်နွှယ်နေတာတွေ့ရပြီး လူငယ်၊လူလတ်ပိုင်းတွေမှာတော့ဦးနှောက်ကိုအကာအကွယ်ပေးနိုင်တယ်လို့ဖော်ပြခဲ့ပါတယ်။

ပဲပိစပ်က ခန္ဓါကိုယ်ရဲ့ဆေးဝါးတွေစုပ်ယူနိုင်စွမ်းကို အဟန့်အတားဖြစ်စေတာကြောင့် လည်ပင်းကြီးရောဂါ (hypothyroidism)ရှိသူတွေအနေနဲ့ သိုင်းရွိုက်ဆေးဝါးတွေသောက်ပြီးလေးနာရီအတွင်း ပဲပိစပ်မစားဖို့ Mayo Clinic မှပညာရှင် Todd B. Nippoldt ကအကြံပြုထားပါတယ်။ ပဲပိစပ်မှာပါတဲ့Isoflavonesတွေက သိုင်းရွိုက်ရဲ့လုပ်ဆောင်ချက်တွေကို ထိခိုက်စေပြီး လည်ပင်းကြီးရောဂါကိုပိုဆိုးစေ တယ်လို့Thyroid-Info.com မှာဖော်ပြထားပါတယ်။

အမေရိကန်ကျန်းမာရေးဌာနကလုပ်ဆောင်ခဲ့တဲ့ လေ့လာမှုတွေမှာဖော်ပြခဲ့တဲ့ တခြားဘေးထွက်ဆိုးကျိုးတချို့ထဲမှာ ဓမ္မတာလာစဉ် နာကျင်ကိုက်ခဲမှုနဲ့ အစာမကြေခြင်းပြဿနာတွေပါဝင်ပါတယ်။ ဒါ့အပြင်ခေါင်းကိုက်ခြင်း၊ခေါင်းမူးခြင်းနဲ့အရေပြားပြဿနာတို့လည်း ရှိနိုင်တယ်လို့ဖော်ပြထားပါတယ်။

ပဲပိစပ်နဲ့ပတ်သက်လို့ ကျန်းမာရေးပြဿနာတွေမရှိကြောင်းဖော်ပြတဲ့သုတေသနတွေရှိသလိုဘေးထွက်ဆိုးကျိုးတွေရှိနိုင်တယ်လို့ထောက်ပြတဲ့လေ့လာမှုတွေလည်းရှိပါတယ်။ ပဲပိစပ်နဲ့ထုတ်လုပ်တဲ့စားသောက်ကုန်တွေမှာ ပဲစိုက်ပျိုးမှုနည်းလမ်းနဲ့ပြန်လည်စီမံပုံ နည်းလမ်းတို့အပေါ် မူတည်ပြီးisoflavones ပါဝင်မှုပမာဏ ကွာခြားကြတာကြောင့်လည်း အန္တရာယ်ရှိမရှိ သုတေသနထောက်ပြနိုင်ဖို့ ခက်ပါတယ်။

Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

health-tool-icon

အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)

အရပ််၊ အသက်၊ ကိုယ်အလေးချိန်၊ တစ်နေ့တာ လှုပ်ရှားမှုတွေအပေါ်မူတည်ပြီး တစ်နေ့တာ လိုအပ်မယ့် ကယ်လ်လိုရီ ပမာဏကို သိရှိနိုင်ဖို့ အခြေခံတစ်နေ့တာ ကယ်လ်လိုရီ လိုအပ်ချက်ပမာဏ တွက်ချက်ခြင်း ကိရိယာ (BMR)ကို အသုံးပြုပြီး တွက်ချက်နိုင်ပါတယ်

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Ref:

Are There Any Negative Effects of Eating Too Much Tofu?

https://cooking.knoji.com/are-there-any-negative-effects-of-eating-too-much-tofu/

Health Benefits Of Tofu And A Note Of Caution

https://www.curejoy.com/content/tofu-beauty-health-benefits-side-effects/

 

စာရေးသူ ဓာတ်ပုံbadge
Yun Sandi Nan Mon မှ ရေးသားသည်။ 01/02/2022 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။