ခန္ဓါကိုယ်ကျန်းမာ အားပြည့်စေဖို့ ကြက်ဥစားကြစို့

    ခန္ဓါကိုယ်ကျန်းမာ အားပြည့်စေဖို့ ကြက်ဥစားကြစို့

    ခန္ဓါကိုယ်ကျန်းမာ အားပြည့်စေဖို့ ကြက်ဥစားကြစို့

    ကြက်ဥစားမယ်ဆိုရင် ချက်နည်းပုံစံတွေ အများကြီး ရွေးလို့ရပါတယ်နော်။ ပြုတ်ခြင်း၊ ကြော်ခြင်း၊ ပြုတ်ပြီး သုပ်ခြင်း၊ ဟင်းချက်ခြင်း၊ ကာကျက် ပုံစံ စားခြင်းဆိုပြီး အများကြီးပါပဲနော်။ အားလုံးနီးပါးကတော့ ကြက်ဥစားရင် အားရှိတယ်ဆိုတာ သိထားပြီး ဖြစ်မှာပါ။ ကြက်ဥရဲ့ ဘယ်လိုအာဟာရဓါတ်တွေက အားပြည့်စေတာလဲ၊ ကျန်းမာရေး ကောင်းမွန်ဖို့ ဘာတွေ ပေးစွမ်းနိုင်သလဲဆိုတာ ဖတ်ကြည့်ပါဦးနော်။

    ကြက်ဥမှာ အမိုင်နိုအက်ဆစ်တွေ ပါဝင်ပြီး ဒီအက်ဆစ်ဟာ ခန္ဓါကိုယ်ရဲ့ တစ်ရှူးတွေ ဖွံ့ဖြိုးတိုးတက်မှု၊ ဇီဝဖြစ်ပျက်မှုနဲ့ ခန္ဓါကိုယ် ကိုယ်ခံအားစနစ်ကောင်းမွန်ဖို့ စွမ်းဆောင်ပေးပါတယ်။ ကြက်ဥအကြီးတစ်လုံးမှာ ပရိုတင်း(၆) ဂရမ် ပါဝင်ပြီး အကောင်းဆုံးသော ပရိုတင်းဓါတ်လည်း ဖြစ်ပါတယ်။ အရိုးတစ်ရှုးတွေထဲ ကယ်လ်စီယမ် ဝင်ခြင်းကိုး တိုးတက်စေပြီး သွေးကြောတွေထဲ ကယ်လ်စီယမ် လျှော့ကျစေတာ ကူညီတာကြောင့် နှလုံးသွေးကြောတွေ ကျန်းမာဖို့အတွက် အာဟာရ ဓါတ်တစ်မျိုးပါပဲ။

    ကြက်ဥမှာ ခန္ဓါကိုယ်အတွက် လိုအပ်တဲ့ သတ္တုဓါတ်တွေဖြစ်တဲ့ ဖော့စဖော့ရပ်၊ ဇင့်ဓါတ်နဲ့ သံဓါတ်တွေ ပါဝင်ပါသေးတယ်။ သံဓါတ်ကတော့ ရာသီလာခြင်းတွေကြောင့် ပင်ပန်းတာတွေ မဖြစ်စေဖို့ အထောက်အကူပြုပြီး ဇင့်ဓါတ်ကတော့ အစားအစာကနေ စွမ်းအင်အဖြစ်ကူးပြောင်းခြင်းကို ဖြစ်စေမှုနဲ့ ကိုယ်ခံအား တက်အောင် ပြုလုပ်ပေးပါတယ်။ ဖော့စဖော့ရပ်ကတော့ အရိုးနဲ့ သွားတွေ ကျန်းမာဖို့ အကောင်းဆုံးပါပဲ။

    ဟားဗက်တက္ကသိုလ်ရဲ့ သုတေသန ပြုလုပ်ချက်တွေအရတော့ ကြက်ဥစားသုံးခြင်းဟာ အရွယ်ရောက်တဲ့အခါ ရင်သားကင်ဆာ ဖြစ်ခြင်းကို ကာကွယ်ပေးနိုင်တယ်လို့ ဆိုထားပါတယ်။ (၂၀၀၅) ခုနှစ်မှာတော့ တစ်ပတ်ကို အနည်းဆုံး ကြက်ဥ(၆၀၀) စားတဲ့ အမျိုးသမီးတွေဟာ မစားတဲ့သူထက် (၄၀%) ရင်သားကင်ဆာဖြစ်ခြင်းကို မခံစားရဘူးလို့ ဆိုထားပါတယ်။

    ကြက်ဥစားသုံးခြင်းရဲ့ အကျိုးဆက်အနေနဲ့ အမြင်အာရုံတွေ ပျက်စီးတာကိုလည်း လျော့ချပေးပါသေးတယ်။ ကြက်ဥမှာ Lutein နဲ့ Zeaxanthin တွေလိုမျိုး ဓါတ်တိုးဆန့်ကျင်မှုတွေလည်း ပါဝင်တာမို့ မျက်စိအားကောင်းစေဖို့ အကျိုးပြုပါတယ်။ ကြက်ဥအနှစ်မှာ Lutein နဲ့ Zeaxanthin ပါဝင်တာ ပိုများပါတယ်နော်။ ဗီတာမင် အေ လည်း ပါဝင်သေးတာမို့ အမြင်အာရုံတွေ အတွက်တော့ စိတ်ချရပါတယ်နော်။

    ဗီတာမင်ဓါတ်တွေ လိုအပ်နေတယ်ဆိုရင်တော့ ကြက်ဥ စားပေးဖို့ မမေ့ပါနဲ့နော်။ ကြက်ဥအနှစ်မှာ ကြက်ဥအကာထက် ပိုပြီးတော့ ဗီတာမင်တွေ ပိုများပါတယ်။ ကြက်ဥအနှစ်မှာ ဗီတာမင် B6၊ B12၊ A၊ D ၊E နဲ့ K တွေ စုံစုံလင်လင် ပါဝင်ပါတယ်။ ကြက်ဥမှာ ကလိုရင်းလည်း ပါဝင်တာမို့ ဦးနှောက်အတွက်လည်း ကောင်းမွန်စေပါတယ်။

    ကြက်ဥကြိုက်တယ်ဆိုရင်တော့ များများလေး စားပေးနော်။ ခန္ဓါကိုယ် ဝဖြိုးစေပြီး ကျန်းမာရေးအတွက် သင့်တော်တဲ့ အာဟာရဓါတ်တွေ အပြည့်အစုံ ပါဝင်ပါတယ်။

    Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Eaindray Kha မှ ရေးသားသည်။ 01/02/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။