အသီးအရွက်သုပ် စားပေးဖို့ လိုအပ်တဲ့အကြောင်းအရင်း

အသီးအရွက်သုပ် လို့ ပြောလိုက်ရင် ဘယ်လိုအသီးအရွက်မျိုးသုပ်တာကို ပြေးမြင်ကြလဲ။ ဘယ်လိုအသီးအရွက်မျိုးမဆို သုပ်စားလို့ ရတာများပါတယ်။ သင်္ဘောသီး၊ ပြောင်းဖူး၊ ခရမ်းချဉ်သီး၊ ပန်းဂေါ်ဖီ၊ မုန်လာဥ၊ ဆလပ်ရိုး၊ မန်ကျည်းရွက်သုပ်၊ ငှက်ပျောဖူးသုပ် အစရှိသလို အများကြီးပါပဲ။ ဒီလို အသီးအရွက်သုပ်လေးတွေကို ကိုယ်နေ့စဉ်စားသုံးတဲ့ အစားအစာတွေထဲမှာ ထည့်စားဖို့ လိုပါတယ်။ ဘာလို့လဲဆိုတော့ အသီးအရွက်သုပ်တွေက ပေးစွမ်းနိုင်တဲ့ ကျန်းမာရေး အကျိုးကျေးဇူးများတာကြောင့်ပါ။ ဘာတွေလဲ ဖတ်ကြည့်ပါဦးနော်။

ပရိုတင်း

အသီးအရွက်သုပ်တွေမှာပါတဲ့ ပရိုတင်းဓာတ်တွေဟာ ခန္ဓာကိုယ်အတွက် မရှိမဖြစ် လိုအပ်ပါတယ်။ ပရိုတင်းဓာတ် ရဖို့အတွက် အသားတွေ စားမယ်ဆိုရင် ခန္ဓာကိုယ် အလေးချိန်တက်တာမျိုး ဖြစ်နိုင်ပါတယ်။ ဒီတော့ ခန္ဓာကိုယ်မှာ အဆီပိုတွေမရှိဘဲ ပရိုတင်းဓာတ် ရချင်တယ်ဆိုရင်တော့ အသီးအရွက်သုပ်လေးတွေ စားပေးပါ။

ဓာတ်တိုးဆန့်ကျင်မှု

အသီးအရွက်သုပ်တော်တော်များများမှာ ဓာတ်တိုးဆန့်ကျင်မှု ဖြစ်ပေါ်ဖို့အတွက် ဗီတာမင် အေနဲ့ စီတွေ လုံလုံလောက်လောက် ပါဝင်ပါတယ်။ ဆလပ်ရွက်သုပ်မှာဆိုရင် ဗီတာမင် (၈၈%)၊ ဗီတာမင်စီ (၇) မီလီဂရမ်တောင် ပါဝင်ပါတယ်။ ဒါဆိုရင်တော့ ဓာတ်တိုးဆန့်ကျင်မှုတွေ ရရှိမှာမို့ ဖျားနာခြင်း ကင်းတာမျိုး ဖြစ်စေမှာပါ။

အမျှင်ဓာတ်

အမျှင်ဓာတ်ကတော့ လူတိုင်းအတွက် အရေးကြီးပါတယ်။ ကိုယ်နေ့စဉ်စားသုံးတဲ့ အစားအစာမှန်သမျှကို ချေဖျက်ပေးဖို့အတွက် အစာခြေစနစ်က အမျှင်ဓာတ်ကို အများကြီး လိုအပ်ပါတယ်။ အသီးအရွက်တွေ စားပေးမယ်ဆိုရင် အမျှင်ဓာတ် များများ ရရှိနိုင်ပါတယ်။ အမျှင်ဓာတ်က သွေးတွင်းသကြားဓာတ်ကို ထိန်းထားပေးတဲ့အပြင် နှလုံးရောဂါကိုလည်း သက်သာစေပါတယ်။ အမျှင်ဓာတ်များများ ရရှိတာက ဝမ်းလည်းမှန်စေတာမို့ အသားအရေ မကြည်လင်တာမျိုးလည်း မရှိနိုင်ပါဘူး။

ဗီတာမင်ကေ

ဗီတာမင် ကေ ချို့တဲ့မယ်ဆိုရင် အမျိုးသမီးတွေမှာ အရိုးကြွပ်ဆတ်တာတွေ ဖြစ်နိုင်ပါတယ်။ ကျန်းမာတဲ့ အရိုးအဆစ်တွေ လိုချင်တယ်ဆိုရင်တော့ ဗီတာကေ ရရှိဖို့အတွက် ကန်စွန်းရွက်လိုမျိုး အရွက်စိမ်းစိမ်းလေးတွေ စားပေးပါ။

ကြွက်သားသန်မာခြင်း

အသီးအရွက်သုပ်က ပေးစွမ်းနိုင်တဲ့ နောက်ထပ် ကျန်းမာရေးအာဟာရ တစ်မျိုးကတော့ ကြွက်သားတွေ သန်မာစေခြင်းပါပဲ။ ဟင်းနုနွယ်ရွက်ကို ပြုတ်ပြီးသုပ်စားတာက ကြွက်သားတွေ သန်မာစေဖို့အတွက် လိုအပ်တဲ့ စွမ်းအင်တွေ ဖြစ်ပေါ်စေဖို့ ဆဲလ်အသစ်တွေ မွေးတာမျိုး ဖြစ်စေပါတယ်။ ဒါ့အပြင် အရိုးသန်မာဖို့လည်း အထောက်အကူ ပြုပါသေးတယ်။

အသားအရေ ကြည်လင်ခြင်း

အသီးအရွက်သုပ်တွေမှာ ရေဓာတ်များများ ပါဝင်ပါတယ်။ ဒါဟာ ခန္ဓာကိုယ်အတွက် အဓိက လိုအပ်တဲ့ အရာပါပဲ။ ရေဓာတ်ပြည့်ပြည့်ဝဝ ရရှိနေမယ်ဆိုရင် အသားအရေလေး ကြည်လင်နေမှာ ဖြစ်တဲ့အပြင် ငယ်ရွယ်နုပျိုနေမှာပါ။

ခန္ဓာကိုယ်အလေးချိန်ထိန်းပေးခြင်း

အဆီအဆိမ့်မဟုတ်တဲ့ အရွက်သုပ်တွေဟာ လှပပေးဖို့ကိုပါ ကူညီပေးနိုင်တဲ့ အရာပါ။ ဘာလို့လဲဆိုတော့ အရွက်စိမ်းစိမ်းတွေမှာ ကယ်လိုရီ ပါဝင်မှု နည်းပါးတာကြောင့်ပါ။ ဒါက ခန္ဓာကိုယ်မှာ အဆီပိုတွေ မရှိအောင် စွမ်းဆောင်ပေးနိုင်တာကြောင့်ပါ။

အမြင်ကြည်လင်ခြင်း

မျက်စိအားကောင်းဖို့ ဗီတာမင်အေ လိုအပ်ပါတယ်။ အရွက်တွေမှာ ဗီတာမင်အေ အပြည့်အဝ ပါဝင်တာကြောင့် စားပေးဖို့ လိုပါတယ်။ မုန်လာဥနီလိုမျိုး အသီးသုပ်မှာ ဗီတာမင် အေ ပါတာကြောင့် မျက်စိအားကောင်းစေပါတယ်။ မြင်းခွာရွက်သုပ်လေးလည်း စားပေးနော်။

ကျန်းမာရေးအတွက် ကောင်းမွန်တဲ့ အရွက်သုပ်လေးတွေ နေ့တိုင်းစားပေးဖို့ မမေ့ပါနဲ့နော်။