ကြက်ဥတစ်လုံးမှာ အာဟာရဓာတ်တွေ ဘယ်လောက်ထိ ပါဝင်သလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 13, 2020 . 2 mins read
Share now

ကြက်ဥဟာ နည်းမျိုးစုံနဲ့ စားသုံးနိုင်တဲ့ အစားအစာတစ်မျိုးဖြစ်ပါတယ်။ အာဟာရဓာတ်လည်း ကြွယ်ဝပြီး ကြက်ဥစားရင် အားရှိကြောင်း လူအများက လက်ခံထားကြပါတယ်။ တချို့ကတော့ ကိုလက်စထရောနဲ့ ကယ်လိုရီများတယ်လို့ သတ်မှတ်ထားကြပါတယ်။ တကယ်တော့ ကြက်ဥဟာ လူအများထင်တာထက် ကယ်လိုရီပိုနည်းပြီး ကျန်းမာရေးအတွက် ပိုမိုအကျိုးပြုပါတယ်။

ကယ်လိုရီပါဝင်နှုန်း

ကြက်ဥတစ်လုံးမှာ ကယ်လိုရီပါဝင်နှုန်းဟာ ဥအရွယ်အစားပေါ် မူတည်ပါတယ်။ ကြက်ဥအရွယ်အစားနဲ့ ကယ်လိုရီပါဝင်နှုန်းတွေကတော့

– ဥအသေး (၃၈ ဂရမ်)။ ၅၄ ကယ်လိုရီ

– အလယ်အလတ်ဥ (၄၄ ဂရမ်)။ ၆၃ ကယ်လိုရီ

– ဥအကြီး (၅၀ ဂရမ်)။ ၇၂ ကယ်လိုရီ

– ပိုပြီးကြီးမားသောဥအရွယ် (၅၆ ဂရမ်)။ ၈၀ ကယ်လိုရီ

– ဧရာမဥ (၆၃ ဂရမ်)။ ၉၀ ကယ်လိုရီ စသဖြင့် ပါဝင်ပါတယ်။

အကာနဲ့ အနှစ်မှာလည်း ကွာခြားချက်ရှိပါတယ်။ ကြက်ဥခပ်ကြီးကြီးတစ်လုံးရဲ့ အနှစ်မှာ ၅၅ ကယ်လိုရီ ပါဝင်ပြီး အကာမှာတော့ ၁၇ ကယ်လိုရီ ပါဝင်ပါတယ်။ ကယ်လိုရီအပြင် တခြားအာဟာရဓာတ်မျိုးစုံ ပါဝင်ပါသေးတယ်။

ပရိုတိန်း

ပရိုတိန်းဟာ ကိုယ်ခန္ဓာကြီးထွားကြံ့ခိုင်ဖို့၊ ကျန်းမာသန်စွမ်းဖို့၊ ဟော်မုန်းနဲ့ အင်ဇိုင်းများ ထုတ်လုပ်ဖို့ အထူးအရေးပါပါတယ်။ ကြက်ဥခပ်ကြီးကြီးတစ်လုံးမှာ ပရိုတိန်း ၆.၂၈ ဂရမ်ပါဝင်ပြီး ၃.၆ ဂရမ်ကို ကြက်ဥအကာမှာ တွေ့ရပါတယ်။ လူတစ်ယောက်အတွက် တစ်နေ့တာလိုအပ်တဲ့ ပရိုတိန်းပမာဏကတော့ ကိုယ်အလေးချိန် တစ်ကီလိုဂရမ်မှာ ဝ.၈ ဂရမ်နှုန်း ဖြစ်ပါတယ်။ ဥပမာ ကိုယ်အလေးချိန် ၁၄၀ ပေါင် (၆၃.၅ ကီလိုဂရမ်) ရှိတဲ့ လူတစ်ယောက်ဟာ တစ်နေ့မှာ ပရိုတိန်း ၅၁ ဂရမ် လိုအပ်ပါတယ်။ ကြက်ဥတစ်လုံးမှာ လူတစ်ယောက်ရဲ့ တစ်နေ့တာပရိုတိန်း လိုအပ်တဲ့ပမာဏရဲ့ ၁၂ ရာခိုင်နှုန်းနီးပါး ရရှိနိုင်ပါတယ်။

အဆီဓာတ်

ကြက်ဥခပ်ကြီးကြီးတစ်လုံးမှာ အဆီဓာတ် ၅ ဂရမ်နီးပါး ပါဝင်ပါတယ်။ ဥအနှစ်မှာ ပိုများပါတယ်။ ၁.၆ ဂရမ်လောက်က ပြည့်ဝဆီ အမျိုးအစားဖြစ်ပါတယ်။
ဥအနှစ်မှာ Omega 3 ဖက်တီးအက်ဆစ်လည်းပါဝင်ပါတယ်။ Omega 3 ဟာ နှလုံးရောဂါ၊ ကင်ဆာရောဂါ၊ အဆစ်ရောင်ခြင်း စတာတွေကို ဖြစ်ပွားနိုင်ခြေ လျော့ကျစေပါတယ်။ ဥတဲ့ကြက်မအပေါ်မူတည်ပြီး omega 3 ပါဝင်မှု ကွာခြားနိုင်ပါတယ်။ ကြက်မတချို့ကို omega 3 အားဖြည့်ထားတဲ့ အစာကျွေးတာကြောင့် ဖြစ်ပါတယ်။

ကိုလက်စထရော

ကြက်ဥအနှစ်မှာ ကိုလက်စထရောများစွာ ပါဝင်တယ်လို့ ကြားဖူးကြပါလိမ့်မယ်။ ကြက်ဥတစ်လုံးမှာ ကိုလက်စထရော ၁၈၆ မီလီဂရမ် ပါဝင်ပါတယ်။ တကယ်တော့ ကိုလက်စထရော ပါဝင်နှုန်းကြောင့် ကြက်ဥကို ကျန်းမာရေးနဲ့ မညီညွတ်ဘူးလို့ မယူဆနိုင်ပါဘူး။ အကျိုးပြုတဲ့ ကိုလက်စထရောအမျိုးအစားလည်း ရှိပါတယ်။ ဒါ့အပြင် ကိုလက်စထရောဟာ ကိုယ်ခန္ဓာရဲ့ အရေးကြီးလုပ်ငန်းတာဝန်တချို့ကို ထမ်းဆောင်ရပါသေးတယ်။ လူအများစုဟာ သူတို့ရဲ့ကိုလက်စထရောပမာဏကို မမြင့်တက်စေဘဲ တစ်နေ့ကို တစ်လုံး (သို့မဟုတ်) နှစ်လုံး စသဖြင့် ပုံမှန်စားသုံးနိုင်ပါတယ်။

ကိုလက်စထရောများတဲ့သူဆိုရင်တောင် တစ်ပတ်ကို ၄ လုံးမှ ၆ လုံးအထိ မည်သည့်ပြဿနာမှာ မဖြစ်စေဘဲ စားသုံးနိုင်ပါတယ်။ ဒါပေမယ့် ကိုလက်စထရောနဲ့ အဆီဓာတ်များတဲ့ တခြားအစားအစာတွေနဲ့ အတူမစားဖို့တော့ လိုပါတယ်။

ကာဘိုဟိုက်ဒရိတ်

ကြက်ဥမှာ ကာဘိုဟိုက်ဒရိတ်ပါဝင်မှု နည်းပါတယ်။ ကြက်ဥခပ်ကြီးကြီးတလုံးမှာ ဝ.၃၆ ဂရမ်သာ ပါဝင်ပါတယ်။ ကြက်ဥမှာ အမျှင်ဓာတ်၊ သကြားဓာတ် နည်းပါတယ်။

ဗီတာမင်

ကြက်ဥမှာ ဗီတာမင် B ကြွယ်ဝပါတယ်။ အထူးသဖြင့် ဗီတာမင် B2 နဲ့ B12 ဖြစ်ပါတယ်။ ဗီတာမင် B12 ကို ဒီအန်အေပြုလုပ်ဖွဲ့စည်းဖို့ ကိုယ်ခန္ဓာမှ အသုံးပြုပါတယ်။ အာရုံကြောနဲ့ သွေးဆဲလ်တွေကိုလည်း ကောင်းမွန်စေပါတယ်။

ဒါ့အပြင် ဗီတာမင် A၊ D၊ E၊ ဖောလိတ်၊ ဘိုင်အိုတင်၊ ကိုလင်း စတာတွေလည်း သင့်တော်တဲ့ ပမာဏနဲ့ ပါဝင်ပါတယ်။ ကိုလင်း (Choline) ဟာ အရေးကြီးတဲ့ ဗီတာမင်တမျိုးဖြစ်ပြီး ကိုယ်ခန္ဓာဆဲလ်များရဲ့ ပုံမှန်လုပ်ငန်းများကို ဆောင်ရွက်နိုင်ဖို့ အထောက်အကူပြုပါတယ်။ အထူးသဖြင့် ဦးနှောက်အတွက် ဖြစ်ပါတယ်။ ကိုယ်ဝန်ဆောင်ချိန်၊ နို့တိုက်ချိန်တွေမှာ ပိုမိုလိုအပ်ပါတယ်။ ကြက်ဥတစ်လုံးမှာ ကိုလင်း ၁၄၀ မီလီဂရမ်ခန့် ပါဝင်ပါတယ်။

သတ္တုဓာတ်

ကြက်ဥတွေမှာ ဆီလီနီယံ၊ ကယ်လ်ဆီယမ်၊ အိုင်အိုဒင်းနဲ့ ဖော့စဖရပ်စ်တို့ များစွာပါဝင်ပါတယ်။ ဆီလီနီယံဟာ ဓာတ်တိုးဆန့်ကျင်တဲ့ ပစ္စည်းအမျိုးအစားဖြစ်ပြီး ဖရီးရယ်ဒီကယ်များကြောင့် ကိုယ်ခန္ဓာ ပျက်စီးထိခိုက်နိုင်ခြေကို ကာကွယ်ပေးပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကလေးထိန်း ပြီး ဝိတ်ချမလား

မိခင်တစ်ယောက်ဟာ သာမန် ပေါ့ပေါ့ပါးပါး ကလေးထိန်း တဲ့ လုပ်ငန်းဆောင်တာတွေကြောင့် တစ်နေ့ကို ကယ်လိုရီ ၁၄၄-၂၀၀ ဝန်းကျင်လောက် လောင်ကျွမ်းနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

နောက်ကျမှ ညစာစားခြင်းဟာ သင့်ကျန်းမာရေးကို ဘယ်လောက်ထိခိုက်စေသလဲ

နောက်ကျမှ ညစာစားခြင်းဟာ သင့်ကျန်းမာရေးကို ဘယ်လောက်ထိခိုက်စေသလဲဆိုတာ သိပြီးရဲ့လား။ မသိသေးဘူးဆိုရင်တော့ ဆောင်းပါးလေးကို အတူတူဖတ်ရအောင်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ဝမ်းဗိုက်လေး ကျန်းမာစေဖို့ နေ့တိုင်း ထောပတ်သီးစားပါ

ခုရာသီက ထောပတ်သီးတွေကို ပေါပေါသီသီ တွေ့နိုင်တဲ့ ရာသီမျိုးပါ။ ထောပတ်သီးတွေဟာ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

Diet ဆိုပြီး မိနေတဲ့ ချင်း (ဂျင်း) များ

Diet ဆိုတာ ကျန်းမာရေးနဲ့ ညီညွတ်အောင်စားတာကို ဆိုလိုတာပါ။ အစားရှောင်ခိုင်းတာမဟုတ်မဟုတ်ပါဘူး။ Diet လို့ ခေါင်းစဉ်တပ်ပြီး မိနေတဲ့ ချင်းတွေအများကြီးပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ဘေဘီလေးက ချင်း (ဂျင်း) စားလို့ဖြစ်ရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
ဘေဘီလေး နဲ့ ကြက်သွန်နီ

ဘေဘီလေးက ကြက်သွန်နီ (Onions) စားလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read
ဘေဘီလေးတွေမှာ သံဓာတ်လွန်ကဲနေပြီလား

ဘေဘီလေးတွေမှာ သံဓာတ်လွန်ကဲနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
မာလာရှမ်းကောက ဘာလို့ စွဲလမ်းစရာဖြစ်နေတာလဲ

မာလာရှမ်းကောက ဘာလို့ စွဲလမ်းစရာဖြစ်နေတာလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 6, 2021 . 2 mins read