သူများနဲ့မတူ ဘာလို့ အရမ်းချမ်းတတ်တာလဲ

• သိုင်းရွိုက်ဟော်မုန်းနည်းတာ

သိုင်းရွိုက်ဂလင်းက ဟော်မုန်းအလုံအလောက်မထွက်တာပါ။ ဒါ့ကြောင့်ပဲ အအေးဒဏ်ကို ခံနိုင်ရည်မရှိတာအပြင် အဆစ်အမြစ်နာကျင်ကိုက်ခဲခြင်း၊ ဝမ်းချုပ်ခြင်း၊ အသားအရေခြောက်သွေ့ခြင်း၊ ကိုယ်အလေးချိန်တိုးခြင်းတွေ ဖြစ်လာနိုင်ပါတယ်။

• ကျောက်ကပ်ရောဂါ

ဆီးချိုနဲ့ သွေးတိုးကြောင့် ကျောက်ကပ်ရောဂါ ဖြစ်တတ်ပါတယ်။ ကျောက်ကပ်က သွေးကို မစစ်ထုတ်ပေးနိုင်တော့တဲ့အတွက် ခန္ဓာကိုယ်ထဲက စွန့်ပစ်ပစ္စည်းတွေက အန္တရာယ်ရှိတဲ့အဆင့်အထိ စုလာနိုင်ပါတယ်။ ဒီလိုကနေ ကိုယ်အပူချိန်ကျလာပြီး တခြားပြဿနာတွေရှိလာနိုင်ပါတယ်။ ကျောက်ကပ်ရောဂါကသွေးအားနည်းခြင်းနဲ့ ဆက်နွယ်နေနိုင်ပါသေးတယ်၊၊ ဒါကြောင့် အပြင်ရာသီဥတုပူနေရင်တောင် အတွင်းကချမ်းလာ၊ စိမ့်လာတာမျိုး ခံစားရနိုင်ပါတယ်။

• အမျိုးအစား ၂ ဆီးချိုရောဂါ

ဆီးချိုရှိနေတယ်ဆို သွေးအားနည်းတာ၊ ကျောက်ကပ်ရောဂါ၊ သွေးလည်ပတ်မှုပြဿနာတွေ ဖြစ်စေနိုင်ပါတယ်။ ဆီးချိုကြောင့်ဖြစ်တဲ့ အာရုံကြောထိခိုက်မှုကနေလည်း ချမ်းစိမ့်ခြင်းကို ဖြစ်လွယ်စေပါတယ်။ အစားအသောက်၊ အနေအထိုင်ဂရုစိုက်ပြီး သွေးတွင်းသကြားဓာတ်ကိုထိန်းတာက အထောက်အကူဖြစ်စေနိုင်ပါတယ်။

သံဓာတ်မလုံလောက်ရင်လည်း သွေးအားနည်းရောဂါဖြစ်နိုင်ပါတယ်။ သံဓာတ်အတွက် အကောင်းဆုံးအရင်းအမြစ်ကတော့ အနီရောင်အသားတွေ ဖြစ်ပေမယ့် ကြက်သား၊ ဘဲသားနဲ့ ငါးကနေလည်း ရနိုင်ပါတယ်။ အသားမဟုတ်တဲ့ အရင်းအမြစ်ဆိုလည်း သံဓာတ်ကြွယ်ဝတဲ့ ပဲအမျိုးမျိုး၊ ဗိုလ်စားပဲ၊ အစိမ်းရင့်ရောင်အသီးအရွက်တွေကနေရနိုင်ပါတယ်။

• ဆေးဝါးတွေ

သောက်သုံးနေရတဲ့ ဆေးဝါးတချို့ရဲ ့ဘေးထွက်ဆိုးကျိုးကြောင့်လည်း အအေးဒဏ် ခံနိုင်ရည်နည်းစေနိုင်ပါတယ်။ ဆေးတွေရဲ့ဘေးထွက်ဆိုးကျိုးကြောင့် ခေါင်းမူးမယ်၊ ပင်ပန်းလွယ်မယ်၊ မအီမသာဖြစ်စေနိုင်တယ်၊ ခြေဖျားလက်ဖျားအေးစက်လာနိုင်ပါတယ်။