နိုက်ထရိတ်အဆိပ်သင့်ခြင်းဟာ ဆိုးရွားတဲ့ ပြဿနာတခုဖြစ်ပြီး ကလေးငယ်တွေမှာ methemoglobinemia လို့ခေါ်တဲ့ သွေးရောဂါကို ဖြစ်ပွားစေပါတယ်။ မသန့်ရှင်းတဲ့ရေတွင်းရေကန်တွေကရေကို ကလေးငယ်များအတွက် သုံးစွဲမိရာကနေ ဖြစ်ပွားပါတယ်။
ဆိုဒီယမ်နိုက်ထရိတ်ဟာ သွေးကြောတွေကို ထိခိုက်ပျက်စီးနိုင်ခြေ ရှိပါတယ်။ သွေးကြောတွေ မာပြီး ကျဉ်းလာနိုင်ပါတယ်။ အဲဒါကြောင့် နှလုံးရောဂါဖြစ်လာနိုင်ခြေ ရှိပါတယ်။ ဒါ့အပြင် နိုက်ထရိတ်ဟာ သင့်ကိုယ်ခန္ဓာကနေ သကြားကို အသုံးချပုံအပေါ် သက်ရောက်မှု ဖြစ်စေလို့ ဆီးချိုရောဂါဖြစ်လာနိုင်ခြေ ရှိပါတယ်။
ဆိုဒီယမ်နိုက်ထရိတ်ဟာ အကျိုးပြုသလား
တကယ်တော့ ဆိုဒီယမ်နိုက်ထရိတ်ဟာ ဘယ်အစားအစာမှာမဆို သဘာဝအတိုင်းပါဝင်တဲ့ ပစ္စည်းဖြစ်ပါတယ်။ ပမာဏအများအပြား သုံးစွဲမိမှသာ ဘေးဥပါဒ်ဖြစ်စေနိုင်မှာ ဖြစ်ပါတယ်။
ဒါ့အပြင် ဆေးဝါးများမှာလည်း ပါဝင်သုံးစွဲထားတာ ရှိပါတယ်။ ဥပမာ အင်အော်ဂဲနစ်နိုက်ထရိတ်ပါဝင်တဲ့ ဓာတ်စာတွေဟာ သွေးတိုးကျစေတယ်လို့ ဆိုပါတယ်။
သတိပြုရန်
ဆိုဒီယမ်နိုက်ထရိတ်ပမာဏ များများစားသုံးမိခြင်းကို ရှောင်ရှားနိုင်ဖို့အတွက် ပြုပြင်ထားတဲ့ အသားတွေကို စားသုံးမှု လျှော့ချရပါလိမ့်မယ်။ သွေးပေါင်ချိန်မြင့်တက်နိုင်ခြေကိုပါ ရှောင်ရှားပြီးသား ဖြစ်သွားပါလိမ့်မယ်။ အသားငါးတွေကို တတ်နိုင်သလောက် လတ်လတ်ဆတ်ဆတ် ပြင်ဆင်စားသုံးသင့်ပါတယ်။
အော်ဂဲနစ်သီးနှံများကို ရွေးချယ်စားသုံးခြင်းဟာ နိုက်ထရိတ်အများအပြား စားသုံးမိနိုင်ခြေကို ကာကွယ်ပေးပါတယ်။ အော်ဂဲနစ်သီးနှံများဟာ ဓာတ်မြေသြဇာမသုံးဘဲ စိုက်ပျိုးထားတာကြောင့် ဖြစ်ပါတယ်။
Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။