အစားအစာများကို ပြင်ဆင်ထုတ်ပိုးရာမှာ တာရှည်ခံဖို့အတွက် ဆိုဒီယမ်နိုက်ထရိတ်ကို အသုံးပြုကြပါတယ်။ ဆိုဒီယမ်နိုက်ထရိတ်ဟာ ဆားတမျိုးဖြစ်ပြီး ဝက်ပေါင်ခြောက်၊ အမဲခြောက်၊ ဝက်အူချောင်း၊ ငါးကြပ်တိုက် စတဲ့ အစားအစာတွေကို ပြုလုပ်ရာမှာ တာရှည်ခံအောင် ထည့်သွင်းပါတယ်။ ထူးခြားတဲ့ အနံ့အရသာတမျိုးရှိပြီး ပိုးမွှားများကိုသေစေတဲ့ သတ္တိရှိပါတယ်။
ဆိုဒီယမ်နိုက်ထရိတ်ကို အပင်များနဲ့ သောက်သုံးရေတချို့မှာ တွေ့နိုင်ပါတယ်။ နိုက်ထရိုဂျင်ဓာတ်ဟာ မြေလွှာထဲမှာ ဆိုဒီယမ်နိုင်ထရိတ်အနေနဲ့ ပြောင်းလဲပြီး အပင်တွေ ကြီးထွားစေဖို့ အထောက်အကူ ပြုပါတယ်။ အပင်များဟာ ဆိုဒီယမ်နိုက်ထရိတ်ကို မြေကြီးထဲကနေ စုပ်ယူပါတယ်။
ဆိုဒီယမ်နိုက်ထရိတ်များတဲ့ အသီးအရွက်တွေကတော့ ဟင်းနုနွယ်၊ မုန်လာဥ၊ တရုတ်နံနံ၊ မုန်လာဥနီ၊ ဂေါ်ဖီထုပ် စတာတွေပဲ ဖြစ်ပါတယ်။ ၂၀၀၉ ခုနှစ်မှာ ပြုလုပ်ခဲ့တဲ့ လေ့လာချက်တခုအရ လူတယောက်ရဲ့ အစားအစာထဲမှာပါဝင်တဲ့ ဆိုဒီယမ်နိုက်ထရိတ်ပမာဏရဲ့ ၈၀%ဟာ ဟင်းသီးဟင်းရွက်တွေကနေလာတယ်လို့ ဆိုပါတယ်။
ဆိုဒီယမ်နိုက်ထရိတ်ပမာဏ များပြားခြင်းရဲ့ အန္တရာယ်
တကယ်တော့ နိုက်ထရိတ်ဟာ ပုံမှန် အစားအသောက်တွေမှာ တွေ့ရတတ်ပါတယ်။ ဒါပေမယ့် ပမာဏများလာရင်တော့ ကျန်းမာရေးပြဿနာ (ဥပမာ အူမကြီးကင်ဆာ) ဖြစ်နိုင်ပါတယ်။ သွေးကင်ဆာ၊ ပြန်ရေကြောကင်ဆာ၊ နှလုံးရောဂါ စတာတွေအပြင် သားဥအိမ်၊ အစာအိမ်၊ အစာရေမျို၊ ပန်ခရိယ၊ သိုင်းရွိုက် စတာတွေမှာ ကင်ဆာဖြစ်ပွားခြင်းဟာ ဆိုဒီယမ်နိုက်ထရိတ်ပမာဏ အများအပြား စားသုံးမိခြင်းနဲ့ ဆက်စပ်နေတယ်လို့ ဆိုပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။