နွေအပူကြောင့် ရေဓာတ်ဆုံးရှုံးတာရယ်၊ အယ်လ်ကိုဟောပါတဲ့ သောက်စရာတွေကြောင့် ရေဓာတ်ဆုံးရှုံးမှု ခံနေရချိန် အပူထဲမှာ ကြာကြာရှည်ရှည် နေမိမယ်ဆိုရင် အပူလျှပ်တာကို ခံစားရစေနိုင်ပါတယ်။ အပူလျှပ်တာက ခန္ဓာကိုယ်အပူချိန်ကို ကောင်းစွာ မထိန်းချုပ်နိုင်ချိန်မှာ ခံစားရတာ ဖြစ်ပါတယ်။
ဘီယာ နဲ့ အယ်လ်ကိုဟောပါတဲ့ သောက်စရာတွေကို သောက်သုံးမှုကြောင့် ရေဓာတ် ဆုံးရှုံးတဲ့အခါ ချွေးလုံးဝ မထွက်နိုင်ဘဲ အပူလျှပ်တာကို ခံစားရနိုင်ပါတယ်။ အပူလျှပ်တဲ့အခါ ခေါင်းကိုက်တာ၊ ခေါင်းမူးတာ၊ အာရုံ မစူးစိုက်နိုင်တာ၊ အာရုံရှုပ်ထွေးတာ၊ တက်တာတွေ အပါအဝင် အခြားပြင်းထန်တဲ့ လက္ခဏာတွေကို ခံစားရပါတယ်။ ဒီလို အခြေအနေမှာ ခန္ဓာကိုယ် အပူချိန်ကို လျှော့ကျအောင် လုပ်ဆောင်တာ ရေများများ သောက်တာတွေ လုပ်ပေးဖို့ လိုပါမယ်။
အရက် နဲ့ ဘီယာ သောက်နေချိန်မှာ အစား စားဖို့မေ့လျှော့နေတာမျိုး ရှိနိုင်သလို ဘီယာတွေ သောက်ပြီး ဗိုက်ပြည့်နေတာကြောင့် အစားမစားမိတာမျိုးလည်း ဖြစ်နိုင်ပါတယ်။ နေ့စဉ်ရက်ဆက် အားလပ်ရက်ထဲမှာ သောက်ပြီး အစားကို လုံလောက်အောင် မစားမိတာက ရေရှည်မှာ အာဟာရ မပြည့်တာကို ခံစားရနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။